ଓଟିଟି ମାର୍ଗଦର୍ଶିକ

ଜିତେନ୍ଦ୍ର କୁମାର ନାୟକ

ସଙ୍କଟକୁ ସାମ୍ନାକରି ଯେଉଁମାନେ ସଫଳତା ପାଇଥାଆନ୍ତି, ସେମାନେ ଅନ୍ୟମାନଙ୍କ ପାଇଁ ଉଦାହରଣ ପାଲଟିଯାଇଥାଆନ୍ତି। ନିକଟରେ ଫୋର୍ବସ ଦ୍ୱାରା ଭାରତୀୟ ମହିଳା ଶକ୍ତିଙ୍କୁ ନେଇ ପ୍ରକାଶ ପାଇଥିବା ତାଲିକାର ଶୀର୍ଷରେ ରହିଛନ୍ତି ଫିଲ୍ମ ନିର୍ଦ୍ଦେଶକ ତଥା ସ୍ରଷ୍ଟା (କ୍ରିଏଟର) ଅପର୍ଣ୍ଣା ପୁରୋହିତ। ଅନ୍ୟମାନଙ୍କୁ ଗପ କହିବା କିମ୍ବା କିଛି ନୂଆ ବିଷୟରେ ଜଣାଇବା ଉଦ୍ଦେଶ୍ୟ ରଖି ଚଳଚ୍ଚିତ୍ରରେ ସେ ଯେଉଁ ପରୀକ୍ଷାନିରୀକ୍ଷା କରିଥିଲେ, ତାହା ତାଙ୍କୁ ଆଜି ବଡ଼ ପରିଚୟ ଦେଇଛି। ଆମାଜନ ପ୍ରାଇମ୍‌ ଭିଡିଓର ଇଣ୍ଡିଆ ଅରିଜିନାଲ୍ସର ମୁଖ୍ୟ ଭାବେ ଅପର୍ଣ୍ଣା ଏବେ ଯୁବପିଢ଼ିଙ୍କ ପାଇଁ ପ୍ରେରଣାଦାୟୀ ପାଲଟି ଯାଇଛନ୍ତି।
୬ ଅଗଷ୍ଟ ୧୯୭୯ରେ ଅପର୍ଣ୍ଣା ଦିଲ୍ଲୀରେ ଜନ୍ମଗ୍ରହଣ କରିଥିଲେ। ଜାମିଆ ମିଲିଆ ଇସ୍‌ଲାମିଆ ବିଶ୍ୱବିଦ୍ୟାଳୟରୁ ଗଣ ଯୋଗାଯୋଗରେ ସ୍ନାତକୋତ୍ତର ଡିଗ୍ରୀ ଶେଷ କରିବା ପରେ ଚଳଚ୍ଚିତ୍ରରେ କାର୍ଯ୍ୟ କରିବା ପାଇଁ ଆଗ୍ରହ ଦେଖାଇଥିଲେ। କିନ୍ତୁ ସାମ୍ବାଦିକତା ପାଠ ପଢ଼ିବା ପରେ ସେ ପ୍ରଥମେ ମୁଦ୍ରିତ ଗଣମାଧ୍ୟମରେ କ୍ୟାରିୟର ଆରମ୍ଭ କରିଥିଲେ। ଟାଇମ୍ସ ଅଫ୍‌ ଇଣ୍ଡିଆ, ଦି ଇଣ୍ଡିଆନ୍‌ ଏକ୍ସପ୍ରେସ୍‌ ଇଂଲିଶ ଖବରକାଗଜ ଏବଂ ଆକାଶବାଣୀର ଦିଲ୍ଲୀଠାରେ ଏଫ୍‌ଏମ୍‌ ଗୋଲ୍ଡ ଓ ରେନ୍‌ବୋରେ କାର୍ଯ୍ୟ କରିଥିଲେ। ଏହା ପରେ ବଲିଉଡ୍‌ ପ୍ରତି ମନବଳାଇଲେ। ହେଲେ ବିଶାଳ ସିନେମା ଶିଳ୍ପରେ ସଫଳତା ପାଇବା ସହଜ କଥା ନ ଥିଲା। ତଥାପି ସାହସ ଜୁଟାଇ ସେ ୨୦୦୩ରେ ବମ୍ବେରେ ପହଞ୍ଚତ୍ଲେ। ଲକ୍ଷ୍ୟ ଥିଲା ଏହି ମଞ୍ଚ ମାଧ୍ୟମରେ ସେ ଲୋକଙ୍କୁ ଗପ କହିବେ। ସେଠାରେ କିଛି ସପ୍ତାହ ପରେ ଏକ ଟେଲିଭିଜନ୍‌ ଶୋ’ରେ ସେ କାମ କରିବାର ସୁଯୋଗ ପାଇଲେ। ସେଥିରେ ସେ ଏକମାତ୍ର ମହିଳା ସହକାରୀ ନିର୍ଦ୍ଦେଶକ ଥିଲେ। ତେବେ ବଡ଼ କଳାକାରଙ୍କୁ ଜଣେ ଯୁବ ମହିଳା ନିର୍ଦ୍ଦେଶକ ଭାବେ ନିର୍ଦ୍ଦେଶନା ଦେବା କଷ୍ଟକର ହୋଇପଡ଼ିଥିଲା। ଅପର୍ନା ସେନ୍‌, ଭାରତବାଲା ଓ ନାସିରୁଦ୍ଦିନ୍‌ ଶାହାଙ୍କ ଭଳି ବ୍ୟକ୍ତିଙ୍କ ସହ ମିଶି କାମ କରିବା ବେଳେ ସେ ଅନେକ ଅଭିଜ୍ଞତା ଅର୍ଜନ କରିଥିଲେ। ସେହି ସୁଯୋଗ ତାଙ୍କୁ ପରବର୍ତ୍ତୀ ସମୟରେ ଆଗକୁ ଯିବା ପାଇଁ ରାସ୍ତା ଦେଖାଇଥିଲା। ଫଳରେ ମନୋରଞ୍ଜନର କର୍ପୋରେଟ୍‌ ଜଗତ ସହ ସେ ଜଡ଼ିତ ହୋଇଗଲେ। ସୋନି ଏଣ୍ଟରଟେନମେଣ୍ଟ ଟେଲିଭିଜନ ଓ ୟୁଟିଭି ମୋଶନ ପିକ୍‌ଚର୍ସରେ କ୍ୟାରିୟର ବଢ଼ାଇଥିଲେ। ୨୦୦୮ରେ ରିଲାଏନ୍ସ ଏଣ୍ଟରଟେନ୍‌ମେଣ୍ଟରେ ଯୋଗ ଦେଇଥିଲେ। ୨୦୧୦ ତାଙ୍କୁ ଆହୁରି ସଫଳତା ମିଳିଲା ଓ ସେ ଜାତୀୟ ଚଳଚ୍ଚିତ୍ର ବିକାଶ ନିଗମ (ଏନ୍‌ଏଫ୍‌ଡିସି)ରେ ପରାମର୍ଶଦାତା ଭୂମିକା ନିର୍ବାହ କରିଥିଲେ। ପରେ ମହିନ୍ଦ୍ରା ଗ୍ରୁପ୍‌ର ଫିଲ୍ମ ଶାଖା ମୁମ୍ବାଇ ମନ୍ତ୍ରା ମିଡିଆ ଲିମିଟେଡ୍‌ରେ ସେ ହେଡ୍‌ ଅଫ୍‌ କ୍ରିଏଟିଭ୍‌ ଇନିସିଏଟିଭ୍‌ ଭାବେ ଯୋଗ ଦେଇଥିଲେ। ୨୦୧୫ରେ ଅପର୍ଣ୍ଣା ‘ଜାନେ ପେହେଚାନ୍‌’ର ପ୍ରଯୋଜନା କରି ଫିଲ୍ମ ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ।
ଦୀର୍ଘ ୧୫ ବର୍ଷ ବମ୍ବେ ସିନେମା ଶିଳ୍ପରେ କାର୍ଯ୍ୟ କରିଥିବା ଅପର୍ଣ୍ଣା ମନୋରଞ୍ଜନ ଜଗତରେ ଓଭର-ଦି-ଟପ୍‌ (ଓଟିଟି)ରେ ବୈପ୍ଳବିକ ପରିବର୍ତ୍ତନ ଆଣିଛନ୍ତି। ଭାରତୀୟ ମୂଳ ବିଷୟ ମିର୍ଜାପୁର, ମେଡ୍‌ ଇନ୍‌ ହେଭେନ୍ସ, ବାଣ୍ଡିସ୍‌ ବଣ୍ଡିଟ୍‌ସ ଓ ପାତାଳ ଲୋକ୍‌ରେ ପପ୍‌-କଲ୍‌ଚର ଭାବନା ସନ୍ନିବେଶିତ କରାଇ ମନୋରଞ୍ଜନକୁ ଦର୍ଶକଙ୍କ ଭରପୂର ଆନନ୍ଦ ପାଇବା ଭଳି ସ୍ତରକୁ ନେଇଯାଇଛନ୍ତି। ଆମାଜନ୍‌ ପ୍ରାଇମ୍‌ରେ ରିଲିଜ୍‌ ହୋଇଥିବା କେତେକ ଚଳଚ୍ଚିତ୍ର ଓ ସିରିଜ୍‌ ତାଙ୍କ ଯୋଗୁ ଲୋକପ୍ରିୟତା ପାଇଥିବା ଦେଖାଯାଇଛି।
ଜଣେ ଯୁବ ସାମ୍ବାଦିକା ଏକ ମିଶନ ରଖି ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ। ଖୁବ୍‌ ଅଳ୍ପ ସମୟ ଭିତରେ ଅନେକ ସଫଳତା ପାଇଛନ୍ତି। କାର୍ଯ୍ୟ ପ୍ରତି ଗଭୀର ନିଷ୍ଠା ଓ ପ୍ରତିବନ୍ଧତା ଯୋଗୁ ଏହା ସମ୍ଭବ ହୋଇପାରିଛି । ଭାରତର ଉଦ୍ୟୋଗ ଜଗତଠାରୁ ଆରମ୍ଭ କରି ସାମାଜିକ, ପ୍ରଶାସନିକ କ୍ଷେତ୍ର ଯାଏ ଅନେକେ ମହିଳା କାର୍ଯ୍ୟ କରୁଛନ୍ତି। ଦେଶରେ ବହୁ ଧନଶାଳୀ ମହିଳା ଅଛନ୍ତି, କିନ୍ତୁ ସେମାନଙ୍କ ପ୍ରଭାବ ସମସ୍ତଙ୍କ ଉପରେ ପଡ଼ି ନ ଥାଏ। ମାତ୍ର ଯେଉଁମାନେ ଏକ ଲକ୍ଷ୍ୟ ରଖି ଓ ଗଣକୁ ଦିଗ୍‌ଦର୍ଶନ ଦେବାରେ ସହାୟକ ହୋଇଥାଆନ୍ତି ସେମାନେ ଶକ୍ତିଶାଳୀ ପ୍ରମାଣିତ ହୋଇଥାଆନ୍ତି। ଅପର୍ଣ୍ଣାଙ୍କ ମନୋରଞ୍ଜନ କ୍ଷେତ୍ରରେ ଯାତ୍ରା ଅଳ୍ପ ବର୍ଷର ହୋଇଥାଇପାରେ, କିନ୍ତୁ ସେ ନୂଆ ପିଢ଼ିଙ୍କ ପାଇଁ ଯେଉଁ ପ୍ରେରଣାର ବାଟ ଦେଖାଇଛନ୍ତି, ତାହା ସୁଦୀର୍ଘ।


Enter your email to get our daily news in your inbox.

All Right Reserved By Dharitri.Com

ଚାଲ ଗାଁକୁ ଯିବା

ଦ୍ୱିତୀ ଚନ୍ଦ୍ର ସାହୁ ଘରେ ପିଲା। ସ୍କୁଲରେ ତାଲା। ପିଲାଙ୍କ ନିକଟକୁ ଶିକ୍ଷା ପହଞ୍ଚାଇବା ଲାଗି ସମସ୍ତ ଚେଷ୍ଟା ପରେ ବି ସମସ୍ତଙ୍କ ନିକଟରେ ଶିକ୍ଷା...

ଦୁଇଟି ଉଦ୍ଭାବନର ଅନ୍ତ

ଇଂ. ମାୟାଧର ସ୍ବାଇଁ ସଭ୍ୟତାର ବିକାଶରେ ସହାୟକ ହୋଇଥିବା କେତୋଟି ପ୍ରଭାବଶାଳୀ ଉଦ୍ଭାବନ ମଧ୍ୟରୁ ଦୁଇଟିର ବ୍ୟବହାର ବନ୍ଦ ହେବାକୁ ଯାଉଛି। ଗୋଟିଏ ହେଉଛି ତାପଦୀପ୍ତ...

ଏଇ ଭାରତରେ

ତାମିଲନାଡୁ-କର୍ନାଟକ ସୀମାରେ ୧୦୦ ଏକର ଜମିରେ ଜଙ୍ଗଲ ସୃଷ୍ଟିକରି ପରିବେଶ ସୁରକ୍ଷାର ବାର୍ତ୍ତାବହ ସାଜିଛନ୍ତି ବରୁଣ ରବୀନ୍ଦ୍ର। ଏହି ଜମିରେ ପ୍ରଚୁର ରାସାୟନିକ ସାର ବ୍ୟବହାର...

ଅଡିଓ ବିବାଦ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଭାରତୀୟ ଷ୍ଟେଟ୍‌ବ୍ୟାଙ୍କ (ଏସ୍‌ବିଆଇ)ର ଅଧ୍ୟକ୍ଷ ରଜନୀଶ କୁମାର ଏବଂ ଅନ୍ୟ ବ୍ୟାଙ୍କ ଅଧିକାରୀଙ୍କୁ ଗାଳିଦେବାର ବିବାଦୀୟ...

ଏଇ ଭାରତରେ

କେନ୍ଦ୍ର ସରକାରଙ୍କ ସ୍ବଚ୍ଛ ଭାରତ ମିଶନ୍‌ ଅନୁଯାୟୀ ରାସ୍ତାଘାଟ ତଥା ପରିବେଶକୁ ପରିଷ୍କାର ରଖିବା ପାଇଁ ବିଭିନ୍ନ ପଦକ୍ଷେପ ନିଆଯାଇ ତାହାକୁ କାର୍ଯ୍ୟକାରୀ କରାଯାଉଛି। ଗୁଜରାଟର...

ଭିଆଇପିଙ୍କ ଜବରଦଖଲ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ସୋସିଆଲ ମିଡିଆର ନିରନ୍ତର ଦୃଷ୍ଟିକୁ ଏଡ଼ାଇ ଭୁଲ୍‌ଭାଲ୍‌ କାମ କରି ରାଡାର୍‌ ତଳେ ଖସିଯିବା ଏଣିକି ବାବୁମାନଙ୍କ ପାଇଁ କଷ୍ଟକର...

ବର୍ମାରେ ଗଣତନ୍ତ୍ରର ମୃତ୍ୟୁ

ମ୍ୟାନ୍‌ମାର(ବର୍ମା)ର ଗଣତନ୍ତ୍ର ସପକ୍ଷବାଦୀ ନେତ୍ରୀ ଅଙ୍ଗ୍‌ ସାନ୍‌ ସୁ ଚୀଙ୍କୁ ସେଠାକାର ମିଲିଟାରୀ ଶାସକ ଦୁଇଟି ଘଟଣାରେ ୬ ଡିସେମ୍ବରରେ ୪ ବର୍ଷ ଜେଲ ଦଣ୍ଡାଦେଶ...

୭୦ଲକ୍ଷ ଜୀବନ ନେଉଛି ବାୟୁ ପ୍ରଦୂଷଣ

ସୌର ଚନ୍ଦ୍ର ମହାପାତ୍ର ବିଶ୍ୱରେ ବାୟୁ ପ୍ରଦୂଷଣ ଅଧିକ ଘାତକ ହେବାରେ ଲାଗିଛି। ପ୍ରତିବର୍ଷ ଏହା ଯୋଗୁ ପାଖାପାଖି ୭୦ଲକ୍ଷ ଲୋକ ପ୍ରାଣ ହରାଉଛନ୍ତି। ଆଗକୁ...

Advertisement
Archives

Model This Week