ଭୁବନେଶ୍ୱର,୧୭।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୫ତମ ଜନ୍ମଦିନ ଅବସରରେ ଓଡ଼ିଶାରେ ୭୫ ଲକ୍ଷ ଗଛ ଲଗାଇବାର ସଂକଳ୍ପ ସଫଳ ହୋଇଛି। ଏହି ସାମୂହିକ ବୃକ୍ଷରୋପଣ ଅଭିଯାନ ପରିବେଶ ପ୍ରତି ଦାୟିତ୍ୱ ଓ ମୋଦୀଙ୍କ ନେତୃତ୍ୱରେ ଓଡ଼ିଶାର ବିକାଶ ପାଇଁ ସମାଜର ଏକଜୁଟ୍ ପ୍ରୟାସକୁ ପ୍ରତିଫଳିତ କରିଛି। ଦିନ ୨ଟା ସୁଦ୍ଧା ୯୩,୬୦,୩୫୭ ଗଛ ଲାଗିଛି, ଯାହା ଏକ ଜନ ଆନ୍ଦୋଳନରେ ପରିଣତ ହୋଇଛି।
ପ୍ରତ୍ୟେକ ଗଛ ମୋଦିଙ୍କ ନେତୃତ୍ୱ, ଓଡ଼ିଶା ପ୍ରତି ସ୍ନେହ ଓ ବିକାଶ ପାଇଁ ପ୍ରତିବଦ୍ଧତାର ପ୍ରତୀକ। ଏହି ଅଭିଯାନ ସମାଜକୁ ଏକଜୁଟ କରିଛି ଓ ଭବିଷ୍ୟତ ପିଢ଼ି ପାଇଁ ପରିବେଶ ସୁରକ୍ଷାରେ ସକାରାତ୍ମକ ପ୍ରଭାବ ପକାଇବ। ଏଥିପାଇଁ ସମସ୍ତଙ୍କୁ ଧନ୍ୟବାଦ ଓ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ଆମ ସମସ୍ତଙ୍କ ପ୍ରିୟ ଯଶସ୍ଵୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜୀଙ୍କ ୭୫ ତମ ଜନ୍ମଦିନରେ ଆମେ ଯେଉଁ ୭୫ ଲକ୍ଷ ଗଛ ଲଗାଇବାର ସଂକଳ୍ପ କରିଥିଲେ ସେଥିରେ ସଫଳ ହୋଇଛନ୍ତି। ସାମୂହିକ ପ୍ରୟାସରେ ଜନ୍ମଦାତ୍ରୀ ମାତା ଓ ଧରିତ୍ରୀ ମାତା ପ୍ରତି ଆମେ ଆମର ମୌଳିକ ଦାୟିତ୍ୱ ବିଷୟରେ ସଚେତନ ହୋଇପାରିଛୁ ଏବଂ ଏହାକୁ ଏକ ଜନ ଆନ୍ଦୋଳନରେ ପରିଣତ କରିପାରିଛୁ।… pic.twitter.com/uQLHDUwngT
— Mohan Charan Majhi (@MohanMOdisha) September 17, 2025
