ବିନା ମାଟିରେ ପରିବେଶ ଉପଯୋଗୀ ତଥା ପାରମ୍ପରିକ ପଦ୍ଧତି(ହାଇଡ୍ରୋପୋନିକ)ରେ ୮୦ ପ୍ରତିଶତ ପାଣି ବଞ୍ଚାଇ ଚାଷ କରି ଉଦାହରଣ ସୃଷ୍ଟି କରିଛନ୍ତି ଆଇଆଇଟି ମୁମ୍ବାଇର ଦୁଇ ବନ୍ଧୁ ଅମିତ କୁମାର ଏବଂ ଅଭୟ ସିଂ। ଅନ୍ୟ ପଦ୍ଧତି ତୁଳନାରେ ଏଥିରେ ଚାଷ ଖୁବ୍ ଶୀଘ୍ର ହୋଇପାରୁଛି। ସେମାନେ ପରିବେଶ ସହନୀୟ ଷ୍ଟାର୍ଟଅପ ‘ଏକି ଫୁଡ’ ମାଧ୍ୟମରେ ଏହି ଚାଷ କରୁଛନ୍ତି। ଏକି ଜାପାନିଜ୍ ବିଶ୍ୱାସ ଏକିଗାଇରୁ ଆସିଛି, ଯାହାର ଅର୍ଥ ହେଉଛି ସୁସ୍ଥ ଜୀବନଶୈଳୀ ଓ ଲକ୍ଷ୍ୟପୂର୍ଣ୍ଣ ଜୀବନ ଏବଂ ଏହି ଉଦ୍ଦେଶ୍ୟ ନେଇ ସେମାନେ ଚାଷ ଜାରି ରଖିଛନ୍ତି। ଏହି ଦୁଇ ବନ୍ଧୁ ହରିୟାଣାର ପାନିପଥରେ ହାଇଡ୍ରୋପୋନିକ ଉପାୟରେ ୭ ଏକର ଜମିରେ ଏଭଳି ଚାଷ କରୁଛନ୍ତି ଓ ଆଉ ୩୩ ଏକରରେ ଚାଷ କରିବାକୁ ପ୍ରସ୍ତୁତି ଚଳାଇଛନ୍ତି। ସେମାନେ ଟମାଟୋ, କାକୁଡ଼ି, ଲଙ୍କା, ଗୋଲମରିଚ, ପୋଇ, ଲାଉ, କଲରା, ଧନିଆ ସହ ତରଭୁଜ ଓ ଫୁଟି ଆଦି ଉତ୍ପାଦନ କରୁଛନ୍ତି।
