ପଞ୍ଜାବର ଗୁରୁବିନ୍ଦର ସିଂ ସୋହି ଗହମ ବଦଳରେ ଫୁଲ ଚାଷ କରି ବର୍ଷକୁ ୨୨ ଲକ୍ଷ ଟଙ୍କା ରୋଜଗାର କରୁଛନ୍ତି। ଗୁରୁବିନ୍ଦର ରହୁଛନ୍ତି ନାନୋଓ୍ବାଲରେ। ଏହି ଗାଁରେ ସେ ୨୨ ଏକରରେ ୪୦ ପ୍ରକାର ବିଦେଶୀ ଫୁଲ ଚାଷ କରୁଛନ୍ତି। ପ୍ରତି ବର୍ଷ ୧ ଏକରରୁ ୧ ଲକ୍ଷ ଟଙ୍କା ପାଉଛନ୍ତି। ସେ ଦ୍ୱାଦଶ ପାସ୍ କରିବା ପରେ ଆଉ ପଢ଼ି ନ ଥିଲେ। ତାଙ୍କ ସମ୍ପର୍କୀୟ ଭାଇ ଓ ଭଉଣୀ କାନାଡା ଚାଲିଯାଇଥିଲେ ମଧ୍ୟ ସେ ଗାଁରେ ରହି ବିଭିନ୍ନ ସଂସ୍ଥାରେ କାମ କରିଥିଲେ। ପରେ ତାହାକୁ ଛାଡ଼ି ସେ ଫୁଲଚାଷ କରିବା ନିଷ୍ପତ୍ତି ନେଇଥିଲେ। ୨୦୦୮ରେ ପ୍ରଥମେ ଏହି ଚାଷ ୦.୫ ଏକରରୁ କମ୍ ଜମିରେ ଆରମ୍ଭ କରିଥିଲେ। ଏବେ ସେ ୟୁରୋପ ଓ ଇସ୍ରାଏଲରୁ ଏହିସବୁ କିସମର ଫୁଲ ଆଣି ଚାଷ କରୁଛନ୍ତି । କେବଳ ଏତିକି ନୁହେଁ, ଗୁରୁବିନ୍ଦର ଫୁଲ ଗଛ ଲଗାଇବା ଓ ଘାସ ସଫା କରିବା ଲାଗି ଏକ ନୂଆ ମେଶିନ ତିଆରି କରିଛନ୍ତି ଏବଂ ୮ଟି ମେଶିନ ତିଆରି କରି ବିକ୍ରି କରିସାରିଛନ୍ତି। ତାହାକୁ ପଞ୍ଜାବ, ହରିୟାଣା, ଉତ୍ତରାଖଣ୍ଡ ଏବଂ ହିମାଚଳ ପ୍ରଦେଶର କୃଷକଙ୍କୁ ବିକ୍ରି କରିଛନ୍ତି। ପ୍ରତ୍ୟେକ ମେଶିନର ଦାମ ୬୦,୦୦୦ରୁ ୧.୫ ଲକ୍ଷ ଟଙ୍କା ମଧ୍ୟରେ ରହୁଛି। ଗୁରୁବିନ୍ଦର ମଧ୍ୟ ଫୁଲଚାଷ ସମ୍ପର୍କରେ ଲେହ, ହିମାଚଳ ପ୍ରଦେଶ, ରାଜସ୍ଥାନ ଓ ଉତ୍ତରପ୍ରଦେଶର ୨,୦୦୦ରୁ ଊର୍ଦ୍ଧ୍ୱ କୃଷକଙ୍କୁ ଫୁଲଚାଷ ସମ୍ପର୍କରେ ପ୍ରଶିକ୍ଷଣ ଦେଇସାରିଲେଣି।
