ଘରର ସୌନ୍ଦର୍ଯ୍ୟ ପାଇଁ ବଗିଚାରେ ସୀମିତ ନରହି ସେଥିରୁ କେମିତି କିଛି ଉତ୍ପାଦନ ହୋଇପାରିବ ତାହା ଉପରେ ଗୁରୁତ୍ୱ ଦିଆଯିବା ଦରକାର। ଗୋଟିଏ କି ଦୁଇ ପ୍ରକାର ନୁହେଁ, ୧୫ ପ୍ରକାରର ମସଲା ଚାଷ କରୁଛନ୍ତି ଉତ୍ତରାଖଣ୍ଡର ଡ. ଅଂଶୁ ରଥି। ସେ ଭାରତରେ ଉତ୍ପାଦନ କରାଯାଉଥିବା ମସଲା ବିଶେଷକରି ହଳଦୀ, ଗୋଲମରିଚ, ଲବଙ୍ଗ, କେସର, ତେଜପତ୍ର, ଗୁଜରାତି, ଅଳେଇଚ, ଲଙ୍କା ଆଦି ମସଲା ଚାଷ କରୁଛନ୍ତି। ହିମାଳୟର ପାଦଦେଶରେ ଅଂଶୁଙ୍କ ଘର। ବୃତ୍ତିରେ ଜଣେ ଡାକ୍ତର ହେଲେ ବି ମସଲା ଚାଷ କରିବାରେ ରୁଚି ରଖିଛନ୍ତି। ସେ ତାଙ୍କ ଅଗଣାରେ ମସଲା ଗଛ ସହିତ ଫଳ, ପରିବା ଆଦି ପାଖାପାଖି ୪୦୦ ଗଛ ଲଗାଇଛନ୍ତି। ତାଙ୍କ ଘର ଅଗଣାରର ୧୫୦୦ ବର୍ଗଫୁଟ ଜାଗାରେ ସେ ଏହି ମସଲା ବଗିଚା କରିଛନ୍ତି। ଏଥିରେ ଅନେକ ପ୍ରକାର ଓଷଧୀୟ ଗଛ ବି ରହିଛି। ସେ ଜୈବିକ ଖତ ଓ କୀଟନାଶକ ପ୍ରସ୍ତୁତ କରି ବ୍ୟବହାର କରୁଛନ୍ତି। ଉତ୍ତରାଖଣ୍ଡର ଜଳବାୟୁ ଏହି ଚାଷ ପାଇଁ ଉପଯାଗୀ ହେଉଛି ବୋଲି କୁହନ୍ତି ୩୬ ବର୍ଷୀୟ ଅଂଶୁ।
