ମହାରାଷ୍ଟ୍ରର ସୋଲାପୁର ମରୁଡ଼ିପ୍ରବଣ ଜିଲା ଭାବେ ଜଣାଶୁଣା। ହେଲେ ଏହି ଜିଲାର ଅକୋଲା ଗାଁରେ ଡ୍ରାଗନ ଫ୍ରୁଟ୍ସ ଚାଷ କରି ୨ କୋଟି ଟଙ୍କା ରୋଜଗାର କରିପାରିଛନ୍ତି ଇଞ୍ଜିନିୟର ମହେଶ ଅସାବେ। ଫୁଡ୍ ପ୍ରୋସେସିଂ ଓ ଇଞ୍ଜିନିୟରିଂରେ ମହେଶ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ନୂତନ ଜ୍ଞାନକୌଶଳରେ ଡ୍ରାଗନ ଫ୍ରୁଟ୍ସ ଚାଷ କରି ସେ ୧ ଏକରରୁ ବର୍ଷକୁ ୧୦ ଲକ୍ଷ ଟଙ୍କା ପାଉଛନ୍ତି। ସୋଲାପୁର ଅଞ୍ଚଳରେ ଡାଳିମ୍ବ, ଆତ ଓ ଅଙ୍ଗୁର ଚାଷ କରାଯାଇଥାଏ। କିନ୍ତୁ ଜଳବାୟୁ ପରିବର୍ତ୍ତନ ଯୋଗୁ ଏସବୁର ଉତ୍ପାଦନ ହ୍ରାସ ପାଇବାରୁ ଡ୍ରାଗନ ଚାଷ କରିବାକୁ ମହେଶ ନିଷ୍ପତ୍ତି ନେଇଥିଲେ। ପ୍ରଥମେଏହି ଚାଷରେ ସେ ୧୭ ଲକ୍ଷ ଟଙ୍କା ନିବେଶ କରିଥିଲେ। ୯,୦୦୦ ଚାରା ବାଂଲାଦେଶରୁ ପ୍ରତ୍ୟେକକୁ ୧୧୦ ଟଙ୍କା ଦେଇ କିଣି ୨୦୨୧ରେ ଚାଷ ଆରମ୍ଭ କରିଥିଲେ। ତାଙ୍କ ଫାର୍ମର ନାମ ହେଉଛି ‘ରୁକ୍ମିଣୀ ଫାର୍ମ’। ଏହି ଫାର୍ମରେ ସେ ୫୦୦ କୃଷକଙ୍କୁ ଡ୍ରାଗନ ଚାଷ ସମ୍ପର୍କରେ ପ୍ରଶିକ୍ଷଣ ଦେଇସାରିଲେଣି। ଏବେସୁଦ୍ଧା ମହାରାଷ୍ଟ୍ରର ବିଭନ୍ନ ଭାଗରୁ ପ୍ରାୟ ୩୫,୦୦୦ କୃଷକ ତାଙ୍କ ଫାର୍ମ ପରିଦର୍ଶନ କରିଛନ୍ତି।
