ନୂଆଦିଲ୍ଲୀ, ୧୮।୬: ଫ୍ରାନ୍ସର ଏଭିଆନଠାରେ ଅନୁଷ୍ଠିତ ଜି-୭ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ସାକ୍ଷାତ ହୋଇଥିଲା। ଦ୍ୱିପାକ୍ଷିକ ବୈଠକ ଅବସରରେ ଟ୍ରମ୍ପ ପିଏମ ମୋଦିଙ୍କର ପ୍ରଶଂସା କରିଥିଲେ। ସେ ପ୍ରଧାନମନ୍ତ୍ରୀ ମୋଦିଙ୍କୁ ଦେଖିବାକୁ ଜଣେ ଦେବଦୂତ ପରି ଭଲ ବୋଲି କହିଥିଲେ, କିନ୍ତୁ ବ୍ୟାପାରିକ ମାମଲାରେ ତାଙ୍କୁ ଜଣେ ‘କଠୋର ବ୍ୟବସାୟୀ’ ଭାବେ ଅଭିହିତ କରିଥିଲେ। ପ୍ରାୟ ଏକ ବର୍ଷ ପରେ ଦୁଇ ଦେଶର ନେତାଙ୍କ ମଧ୍ୟରେ ହୋଇଥିବା ଏହି ସାକ୍ଷାତକାରରେ ଦେଖାଦେଇଥିବା ଉଷ୍ମତା ଏଥିପାଇଁ ମଧ୍ୟ ଗୁରୁତ୍ୱପୂର୍ଣ୍ଣ, କାରଣ କିଛି ସମୟ ପୂର୍ବରୁ ଟ୍ରମ୍ପ ଭାରତକୁ ଏକ ‘ବୁଡ଼ି ଯାଉଥିବା ଅର୍ଥବ୍ୟବସ୍ଥା’ ଏବଂ ‘ନର୍କ ଭଳି ସ୍ଥାନ’ ବୋଲି କହିଦେଇଥିଲେ।
ପ୍ରେସ କନଫରେନ୍ସ ସମୟରେ ଟ୍ରମ୍ପ ମଜାଳିଆ ଅନ୍ଦାଜରେ କହିଥିଲେ, “ଆପଣ ଏହି ବ୍ୟକ୍ତିଙ୍କୁ ଦେଖନ୍ତୁ, ସେ ଖୁବ ସୁନ୍ଦର ଦେଖାଯାଉଛନ୍ତି, ବିଲକୁଲ ଜଣେ ଫରିସ୍ତାଙ୍କ ପରି, କିନ୍ତୁ ତାଙ୍କର ଏହି ସରଳତାକୁ କେବେ ହେଲେ ଦୁର୍ବଳ ବୋଲି ଭାବିବେ ନାହିଁ, ସେ କଥାବାର୍ତ୍ତା ମାମଲାରେ ସେତିକି ହିଁ ‘କିଲର୍’ (ଧୁରନ୍ଧର), ସେ ଜଣେ ଖୁବ କଠୋର ବ୍ୟବସାୟୀ (ଟଫ ଟ୍ରେଡର)।” ଆମେରିକା ରାଷ୍ଟ୍ରପତିଙ୍କ ଏହି କଥା ଶୁଣି ପ୍ରଧାନମନ୍ତ୍ରୀ ମୋଦି ହସୁଥିବାର ନଜର ଆସିଥିଲେ।
ଟ୍ରମ୍ପ କହିଛନ୍ତି ଯେ ଆମେରିକା ଏବଂ ଭାରତ ମଧ୍ୟରେ ସମ୍ପର୍କ ବହୁତ ମଜବୁତ। “ପ୍ରଧାନମନ୍ତ୍ରୀ ମୋଦି ଏବଂ ଭାରତ ସହିତ ଆମର ବହୁତ ଭଲ ଆଲୋଚନା ହୋଇଥିଲା। ଆମେରିକା ଏବଂ ଭାରତ ମଧ୍ୟରେ ବହୁତ କିଛି ଆଗକୁ ବଢ଼ୁଛି।” ଆମେରିକା ରାଷ୍ଟ୍ରପତି ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱ ଏବଂ ଆଲୋଚନା ଦକ୍ଷତାର ମଧ୍ୟ ପ୍ରଶଂସା କରିଥିଲେ। ସେ କହିଛନ୍ତି ଯେ ସେ ଜଣେ ବହୁତ ଦୃଢ଼ ଆଲୋଚନାକାରୀ। ପ୍ରକୃତରେ, ସେ ସର୍ବୋତ୍ତମ ଆଲୋଚନାକାରୀଙ୍କ ମଧ୍ୟରୁ ଜଣେ।
Odisha’s No.1 Odia Daily
