କେବଳ ବାହୁସ୍ଫୋଟ

ଆଜି ଭାରତୀୟମାନେ ଭୋକରେ ମରୁଥିବା ଖବର ପୃଥିବୀସାରା ବ୍ୟାପିଛି। କିନ୍ତୁ ଭାରତୀୟ ନେତୃତ୍ୱ ଦେଶକୁ ସୁପରପାଓ୍ବାର ବୋଲି ଦର୍ଶାଇବାରେ ମସ୍‌ଗୁଲ। ଏକ ସମୟରେ କୁହାଗଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱସାରା ଭ୍ରମଣ କରି ବନ୍ଧୁ ଗୋଟାଉଛନ୍ତି। ସ୍ବାଧୀନତାର ଦୀର୍ଘ ବର୍ଷ ଯାଏ ଯେଉଁ ସମ୍ମାନ ଭାରତକୁ ମିଳିପାରି ନ ଥିଲା ତାହା ମୋଦିଙ୍କ କୂଟନୀତି ଯୋଗୁ ସମ୍ଭବ ହେଲା ବୋଲି ପ୍ରଚାର କରାଯାଉଛି। କିନ୍ତୁ ବାସ୍ତବ ସ୍ଥିତି ଅଲଗା ଛବି ଆଙ୍କୁଛି। ଓଡ଼ିଆରେ କୁହାଯାଏ ‘ଘରେ ଯାହାର ହାଣ୍ଡି ଚିତ୍‌ପଟାଙ୍ଗ୍‌ ମାରିଛି, ସିଏ ବା ବାହାରେ କି ବାହୁସ୍ଫୋଟ ମାରୁଛି’। ଏସବୁ ରାଜନୈତିକ କାରଣ ଯୋଗୁ ହୋଇଚାଲିଛି। କେବଳ ଭାରତ ନୁହେଁ, ଆଜି ସମଗ୍ର ବିଶ୍ୱର ବିଭିନ୍ନ ପ୍ରାନ୍ତରେ ରାଜନୈତିକ ନେତୃତ୍ୱ ସ୍ଥିତି ବିଗାଡ଼ି ଚାଲିଛନ୍ତି। ପଡ଼ୋଶୀ ପାକିସ୍ତାନରେ ପ୍ରଧାନମନ୍ତ୍ରୀ ଇମ୍ରାନ୍‌ ଖାଁ ସରକାରକୁ କ୍ଷମତାଚ୍ୟୁତ କରିବା ସକାଶେ ୧୧ ବିରୋଧୀ ଦଳ ଏକଜୁଟ ହୋଇ ପାକିସ୍ତାନ ଡେମୋକ୍ରାଟିକ୍‌ ମୁଭ୍‌ମେଣ୍ଟ (ପିଡିଏମ୍‌) ଗଠନ କରିଛନ୍ତି। ନେତୃତ୍ୱ ବିରୋଧରେ ଉଠିଥିବା ମେଳିକୁ ଦମନ କରିବା ପାଇଁ ଇମ୍ରାନ୍‌ ସାମରିକ ବାହିନୀକୁ ବ୍ୟବହାର କରିଥିବାରୁ ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫ୍‌ ତାହାକୁ ସମାଲୋଚନା କରିଛନ୍ତି। ଅଗକୁ ସ୍ଥିତି ଭୟଙ୍କର ହେବାର ଏହା ସଙ୍କେତ ଦେଲାଣି। ସେହିପରି ବିବାଦୀୟ ଅଞ୍ଚଳ ‘ନାଗୋର୍ନୋ କାରାବାଖ’କୁ କରାୟତ୍ତ କରିବା ଲାଗି ଦୁଇ ଦେଶ ଆର୍ମେନିଆ-ଆଜରବୈଜାନ୍‌ ମଧ୍ୟରେ ଯୁଦ୍ଧ ଲାଗି ରହିଛି। ଇତିମଧ୍ୟରେ ଶତାଧିକ ଲୋକଙ୍କ ମୃତ୍ୟୁ ଘଟିଲାଣି। ସୂଚନା ଦିଆଯାଇପାରେ ଯେ, ‘ନାଗୋର୍ନୋ କାରାବାଖ’ ହେଉଛି ଆର୍ମେନିଆ ଓ ଆଜରବୈଜାନ ସୀମାନ୍ତରେ ୪,୪୦୦ ବର୍ଗ କିଲୋମିଟର ବ୍ୟାପୀ ଅଞ୍ଚଳ, ଯାହାକୁ ହାତେଇବା ପାଇଁ ଲଢ଼େଇ ଚାଲିଛି।
ଅନୁରୂପ ଭାବେ ଆଫ୍ରିକା ମହାଦେଶର ନାଇଜେରିଆର ସର୍ବାଧିକ ଜନବହୁଳ ସହର ଲାଗୋସରେ ସ୍ଥାନୀୟ ଅଧିବାସୀଙ୍କ ଉପରେ ପୋଲିସର ଅତ୍ୟାଚାର ବିରୋଧରେ ଦେଶବ୍ୟାପୀ ଚାଲିଥିବା ଆନ୍ଦୋଳନରେ ମହିଳାମାନେ ଯୋଗଦେବା ଦେଖିବାକୁ ମିଳିଛି। ସେହିଭଳି ପଶ୍ଚିମ ଆଫ୍ରିକାର ଗ୍ୟୁନିଆରେ ରାଷ୍ଟ୍ରପତି ଆଲ୍‌ଫା କୋଣ୍ଡେ ଏକ ଦଶନ୍ଧି କ୍ଷମତାରେ ରହିବା ପରେ ଏବେ ପୁଣି କାର୍ଯ୍ୟକାଳ ବଢ଼ାଇବାକୁ ଇଚ୍ଛା କରିବାରୁ ତାହାକୁ ଦେଶବ୍ୟାପୀ ବିରୋଧ କରାଯାଇଛି। ଗ୍ୟୁନିଆ ଭୋଟର ନିର୍ବାଚନ ଲାଗି ଅଡ଼ି ବସିଛନ୍ତି। ଏପଟେ ଏସିଆ ମହାଦେଶରେ ଚାଇନା ତା’ର ବିସ୍ତାରବାଦୀ ଚିନ୍ତାଧାରକୁ ବ୍ୟାପକ କରିଚାଲିଥିବାରୁ ରାଷ୍ଟ୍ରପତି ଶି ଜିନ୍‌ପିଙ୍ଗଙ୍କୁ ସମାଲୋଚନା କରାଯାଉଛି। ଦକ୍ଷିଣ ଚାଇନା ସାଗରକୁ କବ୍‌ଜା କରିବାରୁ ଚାଇନାକୁ ଜାପାନ ସହ ସାଗର ତଟବର୍ତ୍ତୀ ଦେଶଗୁଡ଼ିକ ବିରୋଧ କରୁଛନ୍ତି। ନିକଟରେ କିର୍ଗିଜ୍‌ସ୍ତାନର ନାଗରିକ ସରକାର ବିରୋଧୀ ପାଲଟିଯାଇ ଏକଚ୍ଛତ୍ରବାଦୀ ଶାସକ ସୁରନ୍‌ବାୟ ଜିନ୍‌ବେକୋଭଙ୍କୁ ରୁଷିଆର ଭିତିରି ସମର୍ଥନ ସତ୍ତ୍ୱେ ଗାଦିଚ୍ୟୁତ କରିଛନ୍ତି। ଏହିଭଳି କ୍ଷମତାଲୋଭୀ ବ୍ୟକ୍ତିବିଶେଷ ବିଶ୍ୱବ୍ୟାପୀ ହିଂସାତ୍ମକ ପରିସ୍ଥିତି ସୃଷ୍ଟି କରିବା ପୃଥିବୀ ପାଇଁ ବିପଜ୍ଜନକ।


Enter your email to get our daily news in your inbox.

All Right Reserved By Dharitri.Com

ନିଖିଳର କବି କାଳିନ୍ଦୀଚରଣ

ଡ. ହୃଷୀକେଶ ମଲ୍ଲିକ ଗତ ଶତାବ୍ଦୀର ଓଡ଼ିଆ ଗଦ୍ୟ ଓ କବିତାରେ କାଳିନ୍ଦୀଚରଣ ହେଉଛନ୍ତି ଏକ ସଶକ୍ତ ଉଚ୍ଚାରଣ। ୧୯୨୦ ମସିହା ପରେ, ଅର୍ଥାତ୍‌ ସତ୍ୟବାଦୀ...

ପ୍ରତିବାଦ

ପ୍ର. ପ୍ରଫୁଲ୍ଲ କୁମାର ମହାନ୍ତି ପ୍ରତିବାଦ ଏକ ପ୍ରତିକୂଳ ଉକ୍ତି। ପ୍ରତିବାଦ ଗୋଟିଏ ମତବାଦ ବି। ନିୟମ, ଆଇନ, ବ୍ୟବସ୍ଥା, ଆଦର୍ଶ ବିରୋଧରେ ଏକ ଭିନ୍ନମତର...

ଏଇ ଭାରତରେ

ମଣିପୁରର ଜଣେ ବ୍ୟକ୍ତି ହର୍ବାଲ ଚା’ ଚାଷ କରି ୨୦୦୦ ଗରିବ ଲୋକଙ୍କୁ ନିଯୁକ୍ତି ଦେଇ ସେମାନଙ୍କ ଜୀବନ ଧାରାରେ ପରିବର୍ତ୍ତନ ଆଣିପାରିଛନ୍ତି। ଇମ୍ଫାଲ୍‌ରେ ରହୁଥିବା...

ପ୍ରଥମେ ଜୀବନ

ପ୍ରକାଶ ତ୍ରିପାଠୀ ମୁଁ କ’ଣ ନ କରିଛି ତା’ ପାଇଁ। ପ୍ରଥମରୁ ପ୍ରାଇଭେଟ ସ୍କୁଲରେ ପାଠ ପଢାଇବା ସହ ଭଲ ଟିୟୁଶନ ଓ କୋଚିଂ ବ୍ୟବସ୍ଥା...

ସଂଶୋଧିତ ପାଠ୍ୟକ୍ରମ ଓ ଶିକ୍ଷାବର୍ଷ

ଡ. ଅରୁନ୍ଧତୀ ଦେବୀ ‘ପିଲା ପଢ଼ିବେନି ଗୁରୁତ୍ୱପୂର୍ଣ୍ଣ ପାଠ’ ଏହି ଶୀର୍ଷକରେ ଓଡ଼ିଶାର ନିରପେକ୍ଷ ଓ ଲୋକମତର ଖବର ବୁଝାଯାଉଥିବା ଲୋକପ୍ରିୟ ଦୈନିକ ଖବରକାଗଜ ‘ଧରିତ୍ରୀ’ରେ...

ମାଂସ ଉପରେ ଟିକସ ଲଗାଅ

ମାନେକା ଗାନ୍ଧୀ ଲୋକମାନଙ୍କୁ ଗରିବ ଓ ଅସୁସ୍ଥ କରିବା ପାଇଁ ସରକାର କାହିଁକି ଏଭଳି ନୀତିମାନ ପ୍ରସ୍ତୁତ କରନ୍ତି? ସ୍ବାସ୍ଥ୍ୟ ଓ ଅର୍ଥନୀତି ଉପରେ ଏହି...

କନ୍ଦାଉଛି ପିଆଜ

ଅନିଲ କୁମାର ବିଶ୍ୱାଳ ଲଙ୍ଗଳ କଥା ବୁଝୁଛି ଖେତ, ଖେତ କଥା ବୁଝେ ଚଷା, ଓଡ଼ିଆ ମନ ଓଡ଼ିଆ ପ୍ରାଣ ବୁଝେ ପଖାଳ କଂସା। ଆଉ...

ଏଇ ଭାରତରେ

ସମ୍ବିଧାନର ଧାରା ୨୧(କ)ରେ ୬ରୁ ୧୪ ବର୍ଷ ବୟସର ସବୁ ପିଲାଙ୍କୁ ମୁକ୍ତ ଓ ବାଧ୍ୟତାମୂଳକ ଶିକ୍ଷା ପ୍ରଦାନର ବ୍ୟବସ୍ଥା ରହିଛି। କିନ୍ତୁ ମଧ୍ୟପ୍ରଦେଶର ନିମୁଚ...


Coronavirus Update

Archives

Model This Week

Why Dharitri