Advertisement

ଉଦ୍ୟୋଗୀ ବୁଷ୍ଟର

ଇଂଲିଶ ଭାଷାରେ ଦୁର୍ବଳତା ତାଙ୍କୁ ଦୁଇ ଥର ଦ୍ୱାଦଶ ଶ୍ରେଣୀ ପରୀକ୍ଷାରେ ଅକୃତକାର୍ଯ୍ୟ କରାଇଥିଲା। ଏହି ବିଫଳତା ସତ୍ତ୍ୱେ ସେ ପଢ଼ାରୁ ଇସ୍ତଫା ଦେଇ ନ ଥିଲେ। ତାଙ୍କ ଭାଇ ଜଣେ ରସାୟନବିତ୍‌ ଓ ସେ ଜୀବନରେ କିଛି ନ କରି ରହିଗଲେ ପିତାଙ୍କ ମନଦୁଃଖ ହେବ ଭାବି ପଢ଼ାରେ ମନ ଦେଲେ। ଫଳରେ ଫାର୍ମାସି ଡିଗ୍ରୀ ହାସଲ କଲେ ଓ ସ୍ବର୍ଣ୍ଣପଦକ ପାଇଲେ। ଏହା ପରେ ବିଫଳତା ତାଙ୍କୁ ସେଇଠୁ ଛାଡ଼ି ଚାଲିଗଲା। ସେ ହାଇଦ୍ରାବାଦରେ ଓ୍ବାର୍ନର୍ସ ହିନ୍ଦୁସ୍ତାନ କମ୍ପାନୀରେ ମାସିକ ୨୫୦ ଟଙ୍କାରେ ଯୋଗଦେଲେ। ତା’ପରେ ବିଶ୍ୱସ୍ତରୀୟ କମ୍ପାନୀରେ କାମ କରିବା ଲାଗି ଚାକିରି ଖୋଜିଲେ। ଆମେରିକାରେ ଔଷଧ କମ୍ପନୀଗୁଡ଼ିକ ପ୍ରତିଭାଙ୍କୁ ଲୋଡ଼ିଥାଆନ୍ତି। ଏଥର ସେହି ପ୍ରତିଭା ଭାବେ ମୁରଲୀ କ୍ରିଷ୍ଣା ପ୍ରସାଦ ଡିଭି ନିଜ କ୍ୟାରିୟର ଆମେରିକାରେ ଗଢ଼ିବାର ସୁଯୋଗ ପାଇଲେ। ହେଲେ ୯ ମାସ ଲାଗିଗଲା ତାଙ୍କୁ ଆମେରିକା ଯିବାରେ। ୧୯୭୬-୭୭ରେ ଫରେନ୍‌ ଏକ୍ସଚେଞ୍ଜ କଷ୍ଟକର ଥିଲା। ହାତରେ ମାତ୍ର ୭ ଡଲାର ଧରି ସ୍ତ୍ରୀ ଓ ପୁଅକୁ ନେଇ ମୁରଲୀ ଆମେରିକାରେ ପହଞ୍ଚତ୍ଗଲେ। ଏଥର ଭାଗ୍ୟଦେବୀ ତାଙ୍କୁ ସହାୟ ହେଲେ। ଟ୍ରିନିଟି କେମିକାଲ ଆଣ୍ଡ୍‌ ଫାଇକ୍‌ କେମିକାଲରେ ସେ କାର୍ଯ୍ୟ ଆରମ୍ଭ କଲେ। କାର୍ଯ୍ୟକ୍ଷେତ୍ରରେ ଦକ୍ଷତା ପ୍ରତିପାଦିତ କରିବା ପରେ ତାଙ୍କୁ ପଦୋନ୍ନତି ମିଳିବାରେ ଲାଗିଲା। ବାର୍ଷିକ ଦରମା ତାଙ୍କର ଛୁଇଁଲା ୬୫ ହଜାର ଡଲାର। କିଛି ବର୍ଷ କାମ କରିବା ଭିତରେ ସେ ଅଭିଜ୍ଞତା ଅର୍ଜନ କଲେ। ହେଲେ ଦିନେ ଏକୁଟିଆ ବସିଥିବା ବେଳେ ସ୍ବଦେଶ ଫେରି ଦେଶ ପାଇଁ କିଛି କରିବେ ବୋଲି ତାଙ୍କୁ ଚିନ୍ତା ଘାରିଲା। ସହଧର୍ମିଣୀଙ୍କ ସହ ପରାମର୍ଶ କଲେ। ସେ ମଧ୍ୟ ତାଙ୍କ କଥାରେ ହଁ ଭରିବାରୁ ମୁରଲୀ ୧୯୮୦ରେ ଭାରତ ଫେରିଲେ। ଅବଶ୍ୟ ସେତେବେଳେ ତାଙ୍କ ପାଖରେ ଥିଲା ମାତ୍ର ୪୦,୦୦୦ ଡଲାର। ଭବିଷ୍ୟତ ପାଇଁ ବିଧିବଦ୍ଧ ଯୋଜନା ନ କରି ସ୍ବଦେଶ ଫେରିଆସିବା ପରିବାର ଓ ବନ୍ଧୁବର୍ଗଙ୍କୁ ଆଶ୍ଚର୍ଯ୍ୟ କରିଥିଲା। କିନ୍ତୁ ତାଙ୍କ ଭିତରେ ଗଜୁରି ଉଠିଥିବା ଔଦ୍ୟୋଗିକ ଚିନ୍ତାକୁ ସେ ବାସ୍ତବରେ ପରିଣତ କଲେ। ସମୟକ୍ରମେ ଡକ୍ଟର ରେଡ୍ଡୀ ଔଷଧ କମ୍ପାନୀର ପ୍ରତିଷ୍ଠାତା ଡକ୍ଟର କାଲାମ ଅଞ୍ଜି ରେଡ୍ଡୀଙ୍କ ସହ ନିଜ ଅଭିଜ୍ଞତା ବାଣ୍ଟିଲେ। ଏବଂ ସେହି କମ୍ପାନୀର ସେ ଗୁରୁତ୍ୱପୂର୍ଣ୍ଣ ଦାୟିତ୍ୱ ନେଲେ। ହେଲେ ମୁରଲୀଙ୍କ ଉତ୍ଥାନକୁ ରେଡ୍ଡୀଙ୍କ ଉତ୍ତରାଧିକାରୀ ସହିପାରିଲେ ନାହିଁ। ବ୍ୟବସାୟିକ ଦ୍ୱନ୍ଦ୍ୱ ଯୋଗୁ ସେ ଡକ୍ଟର ରେଡ୍ଡୀ କମ୍ପାନୀ ଛାଡ଼ିଦେଲେ। ନିଜର ଦକ୍ଷତା ଉପରେ ତାଙ୍କର ଥିବା ପ୍ରଗାଢ଼ ବିଶ୍ୱାସ ତାଙ୍କୁ ନୂଆ କମ୍ପାନୀ ପ୍ରତିଷ୍ଠା କରିବାର ସୁଯୋଗ ଦେଲା ଓ ୧୯୯୦ରେ ସେ ହାଇଦ୍ରାବାଦରେ ଗଢ଼ିଲେ ‘ଡିଭି ଲାବରେଟୋରିଜ୍‌’। ୨୦୨୦ କରୋନା ମହାମାରୀ ସମୟରେ ତାଙ୍କ କମ୍ପାନୀର ସମ୍ପତ୍ତି ୪ ବିଲିୟନ ଡଲାର ଥିବାବେଳେ ଏବେ ତାହା ୧୦ ବିଲିୟନ ଡଲାର ଅତିକ୍ରମ କରିଯାଇଛି। ଏଥିସହିତ ଦେଶର ତୃତୀୟ ବୃହତ୍‌ ସକ୍ରିୟ ଔଷଧୀୟ ଉପାଦାନ ବା ଆକ୍ଟିଭ୍‌ ଫାର୍ମାସ୍ୟୁଟିକାଲ ଇନ୍‌ଗ୍ରେଡିଆଣ୍ଟ୍‌ସ (ଏପିଆଇ) ଭାବେ ପରିଚିତ ଡିଭି ଲାବରେଟୋରିଜ୍‌ ଗବେଷଣା ଓ ବିକାଶ (ଆର୍‌ ଆଣ୍ଡ୍‌ ଡି) କ୍ଷେତ୍ରରେ ଏକ ନୂଆ ମାଇଲଖୁଣ୍ଟ ସ୍ଥାପନ କରିପାରିଛି।
ଏକଦା ଦ୍ୱାଦଶ ଶ୍ରେଣୀରେ ଅକୃତକାର୍ଯ୍ୟ ହୋଇଥିବା ମୁରଲୀ ବୈଜ୍ଞାନିକ ଉଦ୍ୟୋଗୀ ଭାବେ ବିଲିୟନେୟାର ହେବା ଯୁବ ଉଦ୍ୟୋଗୀଙ୍କ ପାଇଁ ପ୍ରେରଣାର ଉତ୍ସ ପାଲଟିଛନ୍ତି। ତାଙ୍କର ପହୁଞ୍ଚ ଫାଇଜର ଓ ଗ୍ଲାସୋ ସ୍ମିଥ୍‌କ୍ଲାଇନ୍‌ ଆଦି ଔଷଧ କ୍ଷେତ୍ରରେ ଅଭିନବତ୍ୱ ଅଣିପାରୁଥିବା ବିଶ୍ୱସ୍ତରୀୟ କମ୍ପାନୀ ସହ ରହିବା ଭାରତ ପାଇଁ ଗର୍ବର ବିଷୟ। ତାଙ୍କ ପରିବାର କଥା ଦେଖିଲେ ପିତା ସ୍ବର୍ଗତ ସତ୍ୟନାରାୟଣ ଥିଲେ କ୍ରିଷ୍ଣା ଜିଲାର ଜିଲା ପରିଷଦର ଜଣେ ସମ୍ପାଦକ। ଅତି କଷ୍ଟରେ ପିତା ୧୩ ସନ୍ତାନକୁ ନେଇ ପରିବାର ପ୍ରତିପୋଷଣ କରୁଥିଲେ। ମୁରଲୀ ୯ ପୁଅଙ୍କ ମଧ୍ୟରେ ଥିଲେ ସବା ସାନ। ଫଳରେ ତାଙ୍କ ବେଳକୁ ପିତାଙ୍କୁ ପଢ଼ା ଖର୍ଚ୍ଚ ଦେବା କଷ୍ଟକର ହୋଇପଡ଼ିଥିଲା। ହେଲେ ନିଜ ଉପରେ ଆତ୍ମବିଶ୍ୱାସ ଓ କାର୍ଯ୍ୟ ପ୍ରତି ଗଭୀର ଭଲପାଇବା ଯୋଗୁ ମୁରଲୀ ଆଜି ଭାରତର ଶ୍ରେଷ୍ଠ ଧନୀଙ୍କ ତାଲିକାର ୧୪ତମ ସ୍ଥାନରେ ରହିପାରିଛନ୍ତି। ବଂଶାନୁକ୍ରମିକ ଭାବେ ଧନୀ ରହିଆସିଥିବା ପରିବାରକୁ ପଛରେ ପକାଇ ଏକ ସାଧାରଣ ପରିବାରର ପିଲା ସଫଳତାର ଶୀର୍ଷ ଛୁଇଁବା ନିଶ୍ଚିତ ଭାବେ ବିଫଳତା ଯୋଗୁ ଭାଙ୍ଗିପଡ଼ୁଥିବା ଯୁବପିଢ଼ି ପାଇଁ ମୁରଲୀ ଏକ ବୁଷ୍ଟର ବା ଗତିବର୍ଦ୍ଧକ ସଦୃଶ।

 

– ଜିତେନ୍ଦ୍ର କୁମାର ନାୟକ


Enter your email to get our daily news in your inbox.

All Right Reserved By Dharitri.Com

ସଙ୍ଗୀତରେ ପ୍ରାଣ ସଞ୍ଚାର କରୁଥିଲେ ବାଳକୃଷ୍ଣ ସାର୍‌

ପ୍ରଫୁଲ୍ଲ କର ବହୁ ମୂର୍ତ୍ତିକାର ମୂର୍ତ୍ତି ଗଢ଼ନ୍ତି, କିନ୍ତୁ ସବୁ ମୂର୍ତ୍ତି ପ୍ରାଣବନ୍ତ ହୁଅନ୍ତି ନାହିଁ। ଗୋଟିଏ ଗୀତକୁ ଏକା ସ୍ବର ଓ ଏକା ତାଳରେ...

କର୍ପୋରେଟ୍‌ ହାତରେ ବ୍ୟାଙ୍କ୍‌ କେତେ ସୁରକ୍ଷିତ

ଭାଲଚନ୍ଦ୍ର ଷଡ଼ଙ୍ଗୀ ନିକଟରେ ଭାରତୀୟ ରିଜର୍ଭ ବ୍ୟାଙ୍କ୍‌ ପକ୍ଷରୁ ଦେଶରେ ନିଜସ୍ବ ବ୍ୟାଙ୍କ୍‌ ଖୋଲିବା ପାଇଁ ବଡ଼ କର୍ପୋରେଟ୍‌ଗୁଡ଼ିକୁ ଅନୁମତି ଦେବା ସମ୍ପର୍କରେ ପ୍ରସ୍ତାବ ଦିଆଯାଇଛି।...

ଅଣ୍ଡା ଓ ହୃଦ୍‌ରୋଗ

ପରିବେଶ ପରିଚିନ୍ତା/ ମାନେକା ଗାନ୍ଧୀ ଆମ ରକ୍ତରେ ଥିବା କୋଲେଷ୍ଟରୋଲ ହେଉଛି ଏକ ପ୍ରକାର ଚର୍ବି ପରି ଉପାଦାନ। ଏହା ଆମ ଶରୀର ଦ୍ୱାରା ଉତ୍ପନ୍ନ...

ଏଇ ଭାରତରେ

ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ଲାଗି ଏକ ପରିବେଶ ଉପଯୋଗୀ ଗାଁଁ ପ୍ରତିଷ୍ଠା କରି କଶ୍ମୀରର ଫୟାଜ ଅହମ୍ମଦ ଏକ ଉଦାହରଣ ସୃଷ୍ଟି କରିଛନ୍ତି। କଶ୍ମୀରର ଗଣ୍ଡରବାଲ୍‌...

ଦାଦନ ଦୁର୍ଦ୍ଦଶାର ଅନ୍ତ କେବେ

ଘାସିରାମ ପଣ୍ଡା ଦେଶବ୍ୟାପୀ ତାଲାବନ୍ଦ ଫଳରେ ରୋଜଗାରର ଅନ୍ବେଷଣରେ ଦେଶାନ୍ତର ହୋଇଥିବା ଶ୍ରମିକମାନେ ଭିଟାମାଟିକୁ ଫେରିଲେ। ଫେରୁଥିବାର କରୁଣ କାହାଣୀ ସେତେବେଳେ ସମସ୍ତଙ୍କୁ ବ୍ୟଥିତ କରିଥିଲା।...

ସଂସ୍କୃତି ମୁଖା ଖୋଲିଦେଇଛି କୋଭିଡ୍‌-୧୯

କୋଭିଡ୍‌-୧୯ ସଂର୍କମଣ ଏବେ ଦେଶର ଭଲ ମନ୍ଦ କଥା ତଥା ବ୍ୟକ୍ତିର ଭଲ ମନ୍ଦ ଗୁଣକୁ ପଦାକୁ ନେଇଆସିଛି। କେବଳ ଏତିକି ନୁହେଁ ସଂସ୍ଖୃତିର ବିଶେଷତା...

ଏଇ ଭାରତରେ

ଅସହାୟଙ୍କ ସେବାକୁ ଜୀବନର ବ୍ରତ ଭାବେ ଗ୍ରହଣ କରିଛନ୍ତି ତାମିଲନାଡୁର ମନୀଷା କ୍ରିଷ୍ଣସ୍ବାମୀ। ସେ ରାସ୍ତକଡ଼ରେ ରହୁଥିବା ଅସହାୟଙ୍କୁ ଖାଦ୍ୟ, ଓ୍ୟଷଧ ଯୋଗାଇବା ସହ ଥଇଥାନ...

ଝିଅ କେବଳ ଝିଅ ନୁହେଁ

ଦ୍ୱିତୀ ଚନ୍ଦ୍ର ସାହୁ   ଗୋଟେ ପୁଅ, ଆଉ ଗୋଟେ ଝିଅ। ଚାରିଜଣଙ୍କୁ ନେଇ ସୁଖର ସଂସାର ଚାଲୁଥିଲା। ବୟସ ହେବାରୁ ଝିଅକୁ ହାତକୁ ଦି’...

Advertisement
Archives

Model This Week