ଦାରିଙ୍ଗବାଡି,୨୩୧୨( ଅରୁଣ ସାହୁ)-କନ୍ଧମାଳ ଜିଲା ଦାରିଙ୍ଗବାଡିରେ ୨୦୨୫ ଶୀତ ମହୋତ୍ସବ ପାଳନ କରାଯିବା ପାଇଁ ସୋମବାର ଶୀତ ମହୋତ୍ସବ ପାଳନ କମିଟିର ସମ୍ପାଦକ ତଥା ବିଡ଼ିଓ ପ୍ରୀତିରଞ୍ଜନ ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବୈଠକରେ ଏହି ମହୋତ୍ସବରେ ଆବଶ୍ୟକ ଆୟ ଓ ବ୍ୟୟ ସମ୍ପର୍କରେ ଆଲୋଚନା କରାଯାଇଥିଲା। ଜିଲା ପ୍ରଶାସନର ସହାୟତା ସହ ସ୍ଥାନୀୟ ହୋଟେଲ, ବଣିକ ସଙ୍ଘ, ଅଞ୍ଚଳବାସୀ, ସରକାରୀ ଓ ବେସରକାରୀ କର୍ମଚାରୀଙ୍କ ସହଯୋଗରେ ଏହି ଉତ୍ସବ ପାଳନ କରାଯାଉଥିବାବେଳେ ଚଳିତବର୍ଷ ମଧ୍ୟ ସେହି ପ୍ରକାରେ ସମସ୍ତଙ୍କ ସହଯୋଗରେ ମହୋତ୍ସବ ପାଳନ କରାଯିବାକୁ ନିଷ୍ପତି ଗ୍ରହଣ କରାଯାଇଛି। ଚଳିତ ଶୀତ ମହୋତ୍ସବକୁ ଆହୁରି ସୁନ୍ଦର ଓ ଆକର୍ଷଣୀୟ କରାଯିବାକୁ ନିଷ୍ପତି ଗ୍ରହଣ କରାଯାଇଛି।
ସେହିପରି ସ୍ଥାନୀୟ କଳାକାରଙ୍କୁ ମଞ୍ଚରେ ସୁଯୋଗ ଦିଆଯିବା, ଶୃଙ୍ଖଳା ରକ୍ଷା, ଭିଆଇପିଙ୍କୁ ପାସ ବ୍ୟବସ୍ଥା, ସାଂସ୍କୃତିକ କାର୍ଯ୍ୟକ୍ରମ ପରିଚାଳନା, ମଞ୍ଚରେ ଯୋଗଦେବାକୁ ଥିବା ଦୈନିକ ଅତିଥିଙ୍କ ଚୟନ, ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପାଇଁ ଇଭେଣ୍ଟ ଚୟନ ଓ ସ୍ଥିର କରିବା, ମହୋତ୍ସବ ପରିଚାଳନା ପାଇଁ ସବ କମିଟି ଚୟନ କରିବା ଭଳି ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଥିଲା।
ବୈଠକରେ ଅନ୍ୟମାନଙ୍କ ମଧ୍ୟରେ ତହସିଲଦାର ଶରତ ଶବର, ସିଡିପିଓ ସନ୍ଧ୍ୟାାରାଣୀ ପଣ୍ଡା, ବ୍ଲକ ଗ୍ରାମପଞ୍ଚାୟତ ଉନ୍ନୟନ ଅଧିକାରୀ ସୁରେଶ ପଣ୍ଡା, କନ୍ଧମାଳ ଏମପିଙ୍କ ଦାରିଙ୍ଗବାଡି ପ୍ରତିନିଧି ବିଷ୍ଣୁ ଚରଣ ପ୍ରଧାନ ମଞ୍ଚାସିନ ଥିଲେ। ବ୍ଲକ ସାମାଜିକ ସୁରକ୍ଷା ଅଧିକାରୀ କ୍ଷୀତୀଶ ପ୍ରିୟଦର୍ଶୀ ସାହୁ ପ୍ରଥମ ବୈଠକର ବିବରଣୀ ସମସ୍ତଙ୍କୁ ଅବଗତ କରାଇଥିଲେ। ସେହିପରି କମିଟିର କର୍ମକର୍ତ୍ତା ତଥା ଜାଗୃତି ସମ୍ପାଦକ କୈଳାଶ ଚନ୍ଦ୍ର ଦଣ୍ଡପାଟ,ସବୁଜ ବୈଦ୍ୟ ସଂଗଠନର ସମ୍ପାଦକ ଦିନବନ୍ଧୁ ମହାରଣା,ହୋଟେଲ ସଙ୍ଘ ସଭାପତି ଗିରିଶ ଚନ୍ଦ୍ର ସାହୁ, ବଣିକ ସଙ୍ଘ ସଭପତି ଲଡ଼ୁ କିଶୋର ସାହୁ, ଭାଜପାସ୍ର ମଣ୍ଡଳ ସଭାପତି ସନ୍ତୋଷ କୁମାର ସାହୁ, ଜିଲ୍ଲା ସମ୍ପାଦକ ହରେନ କୁମାର ସାହୁ, ଭାଲୁ ସାହୁ,ସରପଞ୍ଚ ଚନ୍ଦ୍ରିକା ମଲିକ, ବନାନୀ ସାରସ୍ବତ ପରିଷଦର ସମ୍ପାଦକ ବିଦେଶୀ ନାୟକ, ଅରୁଣ ପ୍ରଧାନ, ପ୍ରଭାକର ସାହୁ,ଦିଲୀପ କୁମାର ସାହୁ, ଶିକ୍ଷକ ଶ୍ୟାମସୁନ୍ଦର ଦିଗାଲ, ପ୍ରଶାନ୍ତ ସାହୁ, ମୋହନ ସାହୁ ପ୍ରମୁଖ ଉପସ୍ଥିତ ରହି ଆଲୋଚନା କରିଥିଲେ। ବୈଠକ ଶେଷ ରେ ନୂତନ କମିଟି ଓ ସବ କମିଟି ଚୟନ ପାଇଁ ନିଷ୍ପତି ନିଆଯାଇଛି।
