ମସ୍କୋ/ବେଜିଂ,୨୨।୩ : ଚାଇନା ରାଷ୍ଟ୍ରପତି ଶି ଜିନପିଙ୍ଗ ଏବେ ରୁଷିଆ ଗସ୍ତରେ ଅଛନ୍ତି। ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଚାଇନା ପ୍ରତିପକ୍ଷ ଜିନପିଙ୍ଗ ଦୁଇ ଦେଶ ମଧ୍ୟରେ ସମ୍ପର୍କର ଏକ ନୂତନ ଯୁଗର ଆରମ୍ଭ ବିଷୟରେ କହିଛନ୍ତି। ଏହା ବ୍ୟତୀତ ଦୁଇ ଦେଶ ପଶ୍ଚିମ ଦେଶମାନଙ୍କ ଦ୍ୱାରା ଏସିଆରେ ଉତ୍ତର ଆଟଲାଣ୍ଟିକ ଚୁକ୍ତି ସଂଗଠନ (ନାଟୋ) ର ସମ୍ପ୍ରସାରଣ ଉପରେ ମଧ୍ୟ ଆଲୋଚନା କରିଛନ୍ତି। ଖବର ଅନୁଯାୟୀ, ଉଭୟ ନେତା ଏହା ଉପରେ ଉଦବେଗ ପ୍ରକାଶ କରିଥିଲେ ଏବଂ କହିଥିଲେ ଯେ ଏହି ଆମେରିକା ମାଧ୍ୟମରେ ଏହାର ପ୍ରଭାବ ବଢ଼ାଯିବାକୁ ଚେଷ୍ଟା କରାଯାଛଛି। ଏସିଆରେ ନାଟୋର ବିସ୍ତାର ବିରୋଧରେ ଦୁଇ ଦେଶ ମଧ୍ୟ ଏକାଠି ହେବାକୁ ରାଜି ହୋଇଛନ୍ତି।
କୁହାଯାଉଛି ଯେ ରୁଷିଆ-ୟୁକ୍ରେନ ଯୁଦ୍ଧକୁ ବନ୍ଦ କରିବା ପାଇଁ ଚାଇନା ରାଷ୍ଟ୍ରପତି ଜିନପିଙ୍ଗ ମଧ୍ୟ ପୁଟିନଙ୍କ ସମ୍ମୁଖରେ ଶାନ୍ତି ପ୍ରସ୍ତାବ ଦେଇଛନ୍ତି। ଯାହା ପୁଟିନ ଗ୍ରହଣ କରିବାକୁ ମନା କରିଦେଇଛନ୍ତି। ତେବେ କୁହାଯାଉଛି ଯେ ଏହି ଶାନ୍ତି ପ୍ରସ୍ତାବ କେବଳ ଲୋକ ଦେଖାଣିଆ ଥିଲା। ଚାଇନା ସବୁ କ୍ଷେତ୍ରରେରୁଷିଆ ସହିତ ଛିଡା ହୋଇଛି । ବିଶ୍ୱକୁ ଦେଖାଇବା ପାଇଁ ଯୋଜନାବଦ୍ଧ ଭାବେ ଚାଇନା ରୁଷିଆକୁ ସମର୍ଥନ କରୁଛି ବୋଲି ସୂଚିତ କରୁଛି।
ଚାଇନା ରାଷ୍ଟ୍ରପତିଙ୍କ ସହ ସାକ୍ଷାତ ପରେ ପୁଟିନ କହିଛନ୍ତି ଯେ ସେ ୟୁକ୍ରେନ ଉପରେ ଆଲୋଚନା ପାଇଁ ପ୍ରସ୍ତୁତ ଅଛନ୍ତି। ଯୁଦ୍ଧ ସମ୍ପର୍କରେ ଚାଇନା ଦେଇଥିବା ୧୨-ପଏଣ୍ଟ ଶାନ୍ତି ପ୍ରସ୍ତାବକୁ ପୁଟିନ ମଧ୍ୟ ପ୍ରଶଂସା କରିଛନ୍ତି। ଜିନପିଙ୍ଗଙ୍କ ସହ ଆଲୋଚନା ପରେ ପୁଟିନ କହିଛନ୍ତି ଯେ ଶାନ୍ତିପୂର୍ଣ୍ଣ ସମାଧାନ ପାଇଁ ଚାଇନା ଦ୍ୱାରା ଉପସ୍ଥାପିତ ହୋଇଥିବା ଶାନ୍ତି ଯୋଜନାର ଅନେକ ବ୍ୟବସ୍ଥା ଗ୍ରହଣ କରାଯାଇପାରିବ। କିନ୍ତୁ ଯେତେବେଳେ ୟୁକ୍ରେନ ଏବଂ ଏହାକୁ ସମର୍ଥନ କରୁଥିବା ଅନ୍ୟ ପାଶ୍ଚାତ୍ୟ ଦେଶମାନେ ଏହା ପାଇଁ ପ୍ରସ୍ତୁତ ଥିବେ ସେତେବେଳେ ଏହା ହୋଇପାରେ। ତଥାପି, ଏପର୍ଯ୍ୟନ୍ତ ଆମେ ସେମାନଙ୍କ ପକ୍ଷରୁ ଏପରି ପ୍ରସ୍ତୁତି ଦେଖିନାହୁଁ । ଏହାକୁ ନେଇ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସରକାର କଡ଼ା ସମାଲୋଚନା କରିଛନ୍ତି।
