ନୋଏଡା, ୧।୭- ୧୦୦ ଟଙ୍କାର ପେଟ୍ରୋଲ ପକାଇ ୭୦ ଟଙ୍କା ଦେଲେ। ବାକି ୩୦ ଟଙ୍କା ମାଗିବାରୁ ରାଗିଯାଇ ପେଟ୍ରୋଲ ପମ୍ପ ସେଲ୍ସମ୍ୟାନଙ୍କୁ ଗୁଳି ମାରିଦେଲେ ଦୁବୃର୍ତ୍ତ। ଏଭଳି ଏକ ଘଟଣା ଉତ୍ତର ପ୍ରଦେଶ ନୋଏଡା ଏକ୍ସପ୍ରେସ ଓ୍ବେ ଥାନା ଅଞ୍ଚଳରେ ଘଟିଯାଇଛି। ବୁଧବାର ସେକ୍ଟର-୧୩୩ ନିକଟରେ ଥିବା ଏକ ପେଟ୍ରୋଲ ପମ୍ପକୁ ଦୁଇଜଣ ଯୁବକ ଗୋଟିଏ ବାଇକରେ ଆସି ୧୦୦ ଟଙ୍କାର ତେଲ ପକାଇଥିଲେ। ଏହାପରେ ଯୁବକ ଦୁଇଜଣ ପଙ୍କଜ ନାମକ ସେଲ୍ସମ୍ୟାନଙ୍କୁ ୭୦ ଟଙ୍କା ଦେଇଥିଲେ। ପଙ୍କଜ ବାକି ୩୦ ଟଙ୍କା ଯୁବକଙ୍କୁ ମାଗିଥିଲା। ଏହାକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା। ଏହାପରେ ବାଇକରେ ବସିଥିବା ଯୁବକ ରାଗିଯାଇ ସେଲ୍ସମ୍ୟାନଙ୍କୁ ଗୁଳି ମାରି ଫେରାର ହୋଇଯାଇଥିଲେ। ଏହାପରେ ପେଟ୍ରୋଲ ପମ୍ପରେ ଉପସ୍ଥିତ ଥିବା ଅନ୍ୟ କର୍ମଚାରୀ ପଙ୍କଜଙ୍କୁ ହସ୍ପିଟାଲ ନେଇଥିଲେ। ଅପରପକ୍ଷରେ ପୋଲିସ ଘଟଣାସ୍ଥଳରେ ପହଞ୍ଚତ୍ ସିସିଟିଭି ଯାଞ୍ଚ କରି ଘଟଣାର ତଦନ୍ତ ଆରମ୍ଭ କରିଛି।
