ମୁମ୍ବାଇ,୮।୧୦: ବଲିଉଡର ବରିଷ୍ଠ ଅଭିନେତା ନାନା ପାଟେକର ୭୫ ବର୍ଷ ବୟସରେ ପରଲୋକ ଗମନ କରିଛନ୍ତି। ମଣିପାଲ ହସ୍ପିଟାଲର ଅଙ୍କୋଲୋଜି ବିଭାଗ ମୁଖ୍ୟ ଡାକ୍ତର ଶେଖର ସାଲକର ସୂଚନା ଦେଇଛନ୍ତି ଯେ, ଗୁରୁବାର ସକାଳ ୫ଟା୨୦ ସମୟରେ ନିଜ ବାସଭବନରେ ହୃଦଘାତ ଯୋଗୁ ଏହି ବରିଷ୍ଠ ଅଭିନେତାଙ୍କର ମୃତ୍ୟୁ ହୋଇଛି।
ତାଙ୍କ ବିୟୋଗ ଖବର ଚଳଚ୍ଚିତ୍ର ଜଗତରେ ଶୋକର ଛାୟା ଖେଳାଇ ଦେଇଛି। ଆସନ୍ତୁ ନାନା ପାଟେକରଙ୍କ ପରିବାର ବିଷୟରେ ଜାଣିବା। ତାଙ୍କ ପରିବାର କଥା କହିଲେ, ତାଙ୍କ ପିତାଙ୍କ ନାମ ଗଜାନନ ପାଟେକର ଏବଂ ମାତାଙ୍କ ନାମ ନିର୍ମଳା ପାଟେକର ଥିଲା।
ନାନା ୧୯୭୮ ମସିହାରେ ନୀଳକାନ୍ତି ପାଟେକରଙ୍କୁ ବିବାହ କରିଥିଲେ; ତେବେ ପରବର୍ତ୍ତୀ ସମୟରେ ଉଭୟ ଅଲଗା ହୋଇଯାଇଥିଲେ କିନ୍ତୁ ସେମାନଙ୍କର ଆନୁଷ୍ଠାନିକ ଛାଡ଼ପତ୍ର (ଡିଭୋର୍ସ) ହୋଇନଥିଲା। ସେମାନଙ୍କ ସ୍ବଭାବ ଓ ଦୃଷ୍ଟିକୋଣ ମଧ୍ୟରେ ବହୁତ ପାର୍ଥକ୍ୟ ଥିବାରୁ ସେମାନେ ଅଲଗା ରହିବାକୁ ନିଷ୍ପତ୍ତି ନେଇଥିଲେଯାହା ବିଷୟରେ ଖୋଦ ଅଭିନେତା ନିଜେ ପ୍ରକାଶ କରିଥିଲେ।
ଉଲ୍ଲେଖନୀୟ ଯେ, ନୀଳକାନ୍ତି ୧୯୬୬ ମସିହାରେ ଜଣେ ଶିଶୁ କଳାକାର ଭାବରେ ନିଜର ଅଭିନୟ ଜୀବନ ଆରମ୍ଭ କରିଥିଲେ ଏବଂ ଏକ ଜାତୀୟ ପୁରସ୍କାର ମଧ୍ୟ ଜିତିଥିଲେ। ଜଣେ ମରାଠୀ ଅଭିନେତ୍ରୀ ଓ ଲେଖିକା ଭାବରେ ନିଜକୁ ପ୍ରତିଷ୍ଠିତ କରିବା ପୂର୍ବରୁ ସେ ପ୍ରାରମ୍ଭିକ ସମୟରେ ଜଣେ ବ୍ୟାଙ୍କ ଅଧିକାରୀ ଭାବରେ କାର୍ଯ୍ୟ କରୁଥିଲେ।
ଯଦିଓ ସେ ଦୀର୍ଘ ବର୍ଷ ଧରି ଚଳଚ୍ଚିତ୍ର ଜଗତରୁ ଦୂରେଇ ରହିଥିଲେ, ତଥାପି ଅଭିନେତା ଭିକି କୌଶଲଙ୍କ ଚଳଚ୍ଚିତ୍ର ‘ଛାଭା’ (Chhaava) ମାଧ୍ୟମରେ ସେ ପୁନର୍ବାର ପ୍ରତ୍ୟାବର୍ତ୍ତନ କରିଥିଲେ।
ନାନା ପାଟେକର ଏବଂ ନୀଳକାନ୍ତିଙ୍କର ଦୁଇ ପୁଅ ଥିଲେ: ମଲହାର ପାଟେକର ଏବଂ ଅନ୍ୟ ଜଣେ ପୁଅ ଦୁର୍ବାସା, ଯିଏ କି ମାତ୍ର ଦୁଇ ବର୍ଷ ବୟସରେ ଅସୁସ୍ଥତା କାରଣରୁ ମୃତ୍ୟୁବରଣ କରିଥିଲେ।
ନାନା ସାତ ଭାଇଭଉଣୀଙ୍କ ମଧ୍ୟରୁ ଅନ୍ୟତମ ଥିଲେ। ତାଙ୍କର ପାଞ୍ଚ ଜଣ ଭାଇଭଉଣୀଙ୍କର ପିଲାଦିନେ ମୃତ୍ୟୁ ହୋଇଯାଇଥିଲା, ଯେତେବେଳେ କି ତାଙ୍କ ଭାଇ ଅଶୋକ ପାଟେକର ଏବଂ ଦିଲୀପ ପାଟେକର ବର୍ତ୍ତମାନ ମଧ୍ୟ ଜୀବିତ ଅଛନ୍ତି।
ନାନା ପାଟେକରଙ୍କୁ ଶେଷ ଥର ପାଇଁ ‘ସୁବେଦାର’ ଚଳଚ୍ଚିତ୍ରରେ ଦେଖିବାକୁ ମିଳିଥିଲା, ଯାହା ଚଳିତ ବର୍ଷ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ରରେ ଅନିଲ କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ।
