ପାଟନା,୯।୧: RJD ମୁଖ୍ୟ ଏବଂ ପୂର୍ବତନ ରେଳ ମନ୍ତ୍ରୀ ଲାଲୁ ପ୍ରସାଦ ଯାଦବଙ୍କୁ ଚାକିରି ପାଇଁ ଜମି ଦୁର୍ନୀତି ମାମଲାରେ ଦୁର୍ନୀତି ନିବାରଣ ଆଇନ ଅନୁଯାୟୀ ଅଭିଯୁକ୍ତ କରାଯାଇଛି। ଭାରତୀୟ ଦଣ୍ଡ ସଂହିତାର ଅନ୍ୟାନ୍ୟ ଧାରା ଅନୁଯାୟୀ ମଧ୍ୟ ତାଙ୍କ ବିରୁଦ୍ଧରେ ମାମଲା ରୁଜୁ କରାଯିବ।
କୋର୍ଟ ଲାଲୁ ଯାଦବଙ୍କ ପରିବାର ସଦସ୍ୟ ରାବ୍ରୀ ଦେବୀ, ତେଜସ୍ବୀ ଯାଦବ, ମୀସା ଭାରତୀ ଏବଂ ହେମା ଯାଦବଙ୍କ ବିରୁଦ୍ଧରେ ଠକେଇ ଏବଂ ଅପରାଧିକ ଷଡ଼ଯନ୍ତ୍ରର ଅଭିଯୋଗ ଫ୍ରେମ କରିଛନ୍ତି। ରାଉଜ ଆଭେନ୍ୟୁର ସ୍ବତନ୍ତ୍ର ବିଚାରପତି ବିଶାଳ ଗୋଗାନେଙ୍କ କୋର୍ଟ ସିଦ୍ଧାନ୍ତ ଦେଇଛନ୍ତି ଯେ ପ୍ରଥମ ଦୃଷ୍ଟିରୁ, ଅଭିଯୁକ୍ତଙ୍କୁ ଦଣ୍ଡ ଦେବା ପାଇଁ ପର୍ଯ୍ୟାପ୍ତ ସାମଗ୍ରୀ ରହିଛି।
କୋର୍ଟ ତାଙ୍କ ଆଦେଶରେ କହିଛନ୍ତି ଯେ ଏହି ମାମଲା କେବଳ ପୃଥକ କାରବାରର ମାମଲା ନୁହେଁ, ବରଂ ସଂଗଠିତ ଅପରାଧିକ କାର୍ଯ୍ୟକଳାପର।
କୋର୍ଟ ଟିପ୍ପଣୀ କରିଛନ୍ତି ଯେ ଲାଲୁ ଯାଦବ ଏବଂ ତାଙ୍କ ପରିବାର ସଦସ୍ୟମାନେ ଏକ ଅପରାଧିକ ସିଣ୍ଡିକେଟ ଭାବରେ କାର୍ଯ୍ୟ କରିଥିଲେ ଏବଂ ଏକ ବ୍ୟାପକ ଅପରାଧିକ ଷଡ଼ଯନ୍ତ୍ର ରଚିଥିଲେ।
କୋର୍ଟଙ୍କ ଅନୁଯାୟୀ, ଅଭିଯୁକ୍ତଙ୍କ ଭୂମିକା ପରସ୍ପର ସହିତ ଜଡିତ ଥିଲା ଏବଂ ସମସ୍ତେ ଅପରାଧ ଘଟାଇବାରେ ଏକ ସାଧାରଣ ଉଦ୍ଦେଶ୍ୟ ସହିତ କାର୍ଯ୍ୟ କରିଥିଲେ।
Dharitri – The Largest & Most Trusted Odia Daily
