ଭବାନୀପାଟଣା,୨୨ା୬(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣା ସଦର ଥାନା ଅନ୍ତର୍ଗତ ଦେପୁର ନିକଟରେ ଗୁରୁବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟ୍ରକ ଚକା ତଳେ ବୁଲେଟ୍ ପଶିଯିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ହୋଇଛନ୍ତି।
ସୂଚନାନୁସାରେ, ବିଶ୍ୱନାଥପୁରସ୍ଥିତ ତକ୍ଦ୍ଦିର ହରପାଲ୍ କୋଣସି କାମରେ ଭବାନୀପାଟଣା ଆସୁଥିବା ବେଳେ ଏକ ଟ୍ରକ୍ ସାମ୍ନାସାମ୍ନି ହେବାରୁ ଭାରସାମ୍ୟ ହରାଇ ଟ୍ରକ୍ ଚକା ତଳେ ପଡ଼ି ଯାଇଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ସେହିଭଳି ଆଉ ଗୋଟିଏ ଗାଡ଼ିରେ ଆସୁଥିବା ଦୁଇଜଣ ମଧ୍ୟ ଏହି ଦୁର୍ଘଟଣାକୁ ଦେଖି ପଡ଼ିଯାଇ ଗୁରୁତର ହୋଇଥିବା ଜଣାପଡ଼ିଛି। ବର୍ତ୍ତମାନ ଘଟଣାସ୍ଥଳରେ ପୋଲିସ ତଦନ୍ତ ଆରମ୍ଭ କରିଛି।
