କୋଚି, ୧୨ା୬(ଆଇଏଏନ୍ଏସ୍): ନାଇଜେରିଆ ଜେଲରେ ୧୦ ମାସ ରହିବା ପରେ ଶନିବାର ଘରକୁ ଫେରିଥିବା କେରଳର ୩ ଜଣ ନାବିକ ଗଣମାଧ୍ୟମ ଆଗରେ ସେମାନଙ୍କ ଦୁଃଖ କାହାଣୀ ବର୍ଣ୍ଣନା କରିଛନ୍ତି। ବନ୍ଦୀ ଥିବାବେଳେ ସେମାନଙ୍କୁ ଶୌଚାଳୟ ପାଣି ପିଇବାକୁ ବାଧ୍ୟ କରାଯାଇଥିଲା। ମ୍ୟାଲେରିଆ ଯୋଗୁ ସେମାନଙ୍କୁ ଏକାଧିକ ଥର ହସ୍ପିଟାଲରେ ଭର୍ତ୍ତି ହେବାକୁ ପଡ଼ିଥିଲା। ସେମାନେ ଘରକୁ ଫେରି ପରିବାର ସଦସ୍ୟଙ୍କୁ ଦେଖିତ୍ବା ଆଶା ଛାଡ଼ିଦେଇଥିଲେ ବୋଲି କହିଛନ୍ତି।
ହିରୋଇକ୍ ଆଇଡନ୍ ଜାହାଜରେ ମୁଖ୍ୟ ଅଫିସର ଥିବା କୋଚିର ସାନୁ ଜୋସେଫ, ତୃତୀୟ ଅଫିସର କୋଲାମ୍ର ଭି. ବିଜିଥ୍ ଏବଂ ମୁଲାଭୁକାଡ୍ର ମିଲ୍ଟନ୍ ଡି’କାଉଥ୍ ଶନିବାର ସେମାନଙ୍କ ଘରେ ପହଞ୍ଚତ୍ଛନ୍ତି। ଇକୁଏଟୋରିଆଲ ଗିନିର ଜଳରାଶି ମଧ୍ୟରେ ଜାହାଜ ପ୍ରବେଶ କରିବା ଅଭିଯୋଗରେ ସେଠାର ସରକାର ନାବିକମାନଙ୍କୁ ଗିରଫ କରିଥିଲେ। ସେଠାକାର ଜେଲରେ ସେମାନେ ୩ ମାସ ରହିଥିଲେ। ଜାହାଜ କମ୍ପାନୀ ଇକୁଟୋରିଆଲ୍ ଗିନିକୁ ପର୍ଯ୍ୟାପ୍ତ ମୁକ୍ତି ଅର୍ଥ ଦେବା ପରେ ମଧ୍ୟ ନାବିକମାନଙ୍କୁ ଛଡ଼ାଯାଇ ନ ଥିଲା। ଇତିମଧ୍ୟରେ ନାଇଜେରିଆ ସରକାର ସେମାନଙ୍କ ବିରୋଧରେ ସାନି ଅଭିଯୋଗ ଆଣିଥିଲେ। ନାଇଜେରିଆ ତେଲ ଟ୍ୟାଙ୍କରରୁ ସେମାନେ ତେଲ ଚୋରାଚାଲାଣ କରିଥିବା ଅଭିଯୋଗ ଆଣି ନାଇଜେରିଆ ପୋଲିସ ଉକ୍ତ ଜାହାଜ ଓ ନାବିକମାନଙ୍କୁ ନିଜ ଜେଲ୍କୁ ନେଇଯାଇଥିଲା। ପରବର୍ତ୍ତୀ ୮ ମାସ ନାବିକମାନେ ନାଇଜେରିଆ ଜେଲରେ କାଟିଥିଲେ। ଭାରତ ସରକାରଙ୍କ ସମେତ ଅନ୍ୟ କେତେକ ସଂସ୍ଥା ମାମଲାରେ ହସ୍ତକ୍ଷେପ କରି ନାବିକମାନଙ୍କୁ ମୁକ୍ତ କରାଇଥିଲେ।
