ଲଣ୍ଡନ, ୧୬। ୩: ନିକଟରେ ଉନ୍ମୋଚିତ ହୋଇଥିବା ‘ଗିଲ୍ଡେଡ୍ ୟୁଥ୍: ଆନ୍ ଇଣ୍ଟିମେଟ୍ ହିଷ୍ଟ୍ରି ଅଫ୍ ଗ୍ରୋଇଂ ଅପ୍ ଇନ୍ ଦ ରୟାଲ ଫ୍ୟାମିଲି’ପୁସ୍ତକରେ ପ୍ରିନ୍ସେସ୍ ଅଫ୍ ଓ୍ବେଲ୍ସ କେଟ୍ ମିଡଲ୍ଟନ୍ଙ୍କ ସମ୍ପର୍କରେ ଉଲ୍ଲେଖ କରାଯାଇଛି। କିଙ୍ଗ୍ ଚାଲର୍ସ ତୃତୀୟଙ୍କ ବଡ଼ ବୋହୂ କେଟ୍ ପ୍ରିନ୍ସ ଓ୍ବିଲିୟମ୍କୁ ବାହାହେବା ପୂର୍ବରୁ ତାଙ୍କର ଗର୍ଭଧାରଣ କ୍ଷମତା ପରୀକ୍ଷା (ଫର୍ଟିଲିଟି ଟେଷ୍ଟ୍)କରାଯାଇଥିଲା।
ଟମ୍ କିନ୍ ନିଜ ପୁସ୍ତକରେ ଏ ସମ୍ପର୍କରେ ବର୍ଣ୍ଣନା କରିଛନ୍ତି। ରାଜପରିବାରରେ ବିବାହ ପୂର୍ବରୁ ଗର୍ଭଧାରଣ କ୍ଷମତା ପରୀକ୍ଷା କରାଯିବା ଏକ ପ୍ରଥା ଭଳି। କାରଣ ବିବାହ ପାଇଁ ବଛାଯାଇଥିବା ପାତ୍ରୀ ପ୍ରଜନନ କରିବା ପାଇଁ ସକ୍ଷମ କି ନୁହେଁ ସେ ବିଷୟରେ ଜାଣିବା ପରେ ହିଁ ରାଜପରିବାର ତରଫରୁ ବିବାହ ନିଷ୍ପତ୍ତି ନିଆଯାଏ।
କେଟ୍ ନୁହନ୍ତି କିଙ୍ଗ୍ ଚାଲର୍ସଙ୍କ ପ୍ରଥମ ସ୍ତ୍ରୀ ଡାଏନାଙ୍କର ମଧ୍ୟ ଗର୍ଭଧାରଣ କ୍ଷମତା ପରୀକ୍ଷା କରାଯାଇଥିଲା। ୧୯୮୧ରେ ସେ କିଙ୍ଗ୍ ଚାଲର୍ସଙ୍କୁ ବିବାହ କରିଥିଲେ। ଏହା ପୂର୍ବରୁ ଡାଏନାଙ୍କ ପ୍ରିମାରିଟାଲ ଚେକ୍ଅପ୍ କରାଯାଇଥିଲା। କିନ୍ତୁ ସେ ସମୟରେ ଡାଏନା ଏହି ଟେଷ୍ଟ୍ ସମ୍ପର୍କରେ ଅବଗତ ନ ଥିବା କହିଥିବା ଟମ୍ ପୁସ୍ତକରେ ଲେଖିଛନ୍ତିି। କେଟ୍ ରାଜପରିବାର ନ ଥିଲେ। ପ୍ରିନ୍ସ୍ ଓ୍ବିଲିୟମ୍ ଓ କେଟ୍ ମିଡଲ୍ଟନ୍ ୨୦୧୧ ଏପ୍ରିଲ୍ ୨୯ରେ ବାହାହୋଇଥିଲେ।
