ନୂଆଦିଲ୍ଲୀ,୧୪।୯: ଦିଲ୍ଲୀରେ ବିଦ୍ୟୁତ ସବ୍ସିଡି ସମ୍ପର୍କରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ବୁଧବାର ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ବର୍ତ୍ତମାନ ଦିଲ୍ଲୀରେ ଯେଉଁମାନେ ବିଦ୍ୟୁତ୍ ସବ୍ସିଡି ଚାହୁଁଛନ୍ତି, ସେମାନଙ୍କୁ ଏଥିପାଇଁ ଆବେଦନ କରିବାକୁ ପଡ଼ିବ। ବିଦ୍ୟୁତ୍ ବିଲ୍ ସହିତ ଏକ ଫର୍ମ ଦିଆଯିବ ଯାହାକୁ ବିଦ୍ୟୁତ୍ କେନ୍ଦ୍ରରେ ଜମା କରିବାକୁ ପଡ଼ିବ। ଏହାପରେ ଉପଭୋକ୍ତାଙ୍କୁ ଏକ ଫୋନ ନମ୍ବର ଦିଆଯିବ (୭୦୧୧୩୧୧୧୧୧୧)। ସେଥିରେ ସେମାନେ ମିସ୍ କଲ୍ କରିବେ। ଅକ୍ଟୋବର ୧ରୁ ରାଜ୍ୟରେ ଏହି ବିଦ୍ୟୁତ୍ ବିଲ ସମ୍ବନ୍ଧୀୟ ନୂତନ ନିୟମ ଲାଗୁ ହେବ। ଏଥିରେ କେବଳ ସେହି ଲୋକମାନେ ବିଦ୍ୟୁତ୍ ବିଲ ଉପରେ ସବ୍ସିଡି ପାଇପାରିବେ ଯେଉଁମାନେ ଇଛା ପ୍ରକାଶ କରିବେ। ବର୍ତ୍ତମାନ ଏଥିପାଇଁ ଆପଣଙ୍କୁ ଇଲେକ୍ଟ୍ରୋନିକ ପଞ୍ଜିକରଣ କରିବାକୁ ପଡିବ। ଫୋନ୍ ନମ୍ବରରେ ମିସ୍ କଲ୍ କରିବା ପରେ ଉପଭୋକ୍ତାଙ୍କୁ ବିଲ୍ ସହିତ ଏକ ଫର୍ମ ଦିଆଯିବ। ଯେଉଁମାନେ ଆବେଦନ କରିବାକୁ ଚାହିିଁବେ ସେମାନେ ଏହି ଫର୍ମ ପୂରଣ କରିବେ। ଯଦି ଫର୍ମ ଦାଖଲ କରନ୍ତି ତେବେ ସେମାନଙ୍କର ସବ୍ସିଡି ଜାରି ରହିବ ବୋଲି କେଜ୍ରିଓ୍ବାଲ କହିଛନ୍ତି।
