ନୂଆଦିଲ୍ଲୀ,୧୮।୧୦: ଆଗାମୀ କିଛି ସପ୍ତାହ ଭାରତୀୟ କ୍ରିକେଟ ପ୍ରଶଂସକଙ୍କ ପାଇଁ ଜବରଦସ୍ତ ରହିବାକୁ ଯାଉଛି। କାରଣ ଦୀପାବଳି ପୂର୍ବରୁ ଟିମ ଇଣ୍ଡିଆ ଆଇସିସି ଟି -୨୦ ବିଶ୍ୱକପ ୨୦୨୧ ମିଶନ ଆରମ୍ଭ କରିବ। ସାଧାରଣତଃ ପ୍ରତିବର୍ଷ ସେଲିବ୍ରିଟିମାନେ ଲୋକମାନଙ୍କୁ ନିବେଦନ କରନ୍ତି ଯେ, ଦୀପାବଳି ସମୟରେ ବାଣ ନ ଫୁଟାଇ ଏହି ପର୍ବ ପାଳନ କରନ୍ତୁ । ଟିମ ଇଣ୍ଡିଆର ଅଧିନାୟକ ବିରାଟ କୋହଲି ମଧ୍ୟ ଦୀପାବଳି ପୂର୍ବରୁ ତାଙ୍କ ପ୍ରଶଂସକଙ୍କୁ କିଛି ବାର୍ତ୍ତା ଦେଇଛନ୍ତି। ଏହି କାରଣରୁ ସେ ଚର୍ଚ୍ଚାରେ ଅଛନ୍ତି। ବିରାଟ କୋହଲି ଟୁଇରରେ ଏକ ଭିଡିଓ ପୋଷ୍ଟ କରିଛନ୍ତି କହିଛନ୍ତି, ଚଳିତ ବର୍ଷ ଭାରତ ତଥା ବିଶ୍ୱର ଲୋକଙ୍କ ପାଇଁ ବହୁତ କଷ୍ଟସାଧ୍ୟ ହୋଇଛି, ସମସ୍ତେ ଦୀପାବଳିକୁ ଅପେକ୍ଷା କରିଛନ୍ତି। ତୁମ ପରିବାର ଏବଂ ସାଙ୍ଗମାନଙ୍କ ସହିତ ଦୀପାବଳି କିପରି ପାଳନ କରିବେ ଏବଂ ଏହି ପର୍ବକୁ ସାର୍ଥକ କରିବା ପାଇଁ ମୁଁ ଆପଣଙ୍କୁ କିଛି ଟିପ୍ସ ଦେବି।
ଏହି ଭିଡିଓ ପରେ ସୋସିଆଲ ମିଡିଆରେ ବିରାଟ କୋହଲିଙ୍କୁ ଟାର୍ଗେଟ କରିଥିଲେ କିଛି ପ୍ରଶଂସକ। ସେମାନେ କୋହଲିଙ୍କୁ ଟ୍ରୋଲ କରି #sunokohli ନାମରେ ଏକ ଟ୍ରେଣ୍ଡ୍ ଆରମ୍ଭ କରିଛନ୍ତି। ଏହା ଜରିଆରେ ତାଙ୍କୁ ପରାମର୍ଶ ନ ଦେବାକୁ ପ୍ରଶଂସକଙ୍କ ପକ୍ଷରୁ କୁହାଯାଇଛି।
ଜଣେ ପ୍ରଶଂସକ ଲେଖିଛନ୍ତି ଆମକୁ ଟିପ୍ସ ଦେବା ପରିବର୍ତ୍ତେ ପ୍ରଥମେ ଟି-୨୦ ବିଶ୍ୱକପ୍କୁ ଧ୍ୟାନ ଦିଅ। ଅନ୍ୟ ଜଣେ ପ୍ରଶଂସକ କହିଛନ୍ତି ତୁମ ଟିପ୍ସ ଶୁଣିବାକୁ ଅନୁଷ୍କା ଶର୍ମା ଅଛନ୍ତି।
