ପ୍ରଗତି ଏକ ସ୍ବପ୍ନ ଯାହା କଠିନ ପରିଶ୍ରମ ଓ ଦୃଢ଼ ଇଚ୍ଛାଶକ୍ତି ବଳରେ ଅନୁଭବ କରିହୁଏ, ହାସଲ ମଧ୍ୟ କରାଯାଇପାରେ। ଜଣେ ପ୍ରକୃତ ସଂସ୍କାରକ ନିକଟରେ ଏଭଳି ସ୍ବଭାବର କେବେ ବି ଅଭାବ ରହେ ନାହିଁ। ଯାହା ଦେଖିବାକୁ ମିଳିଛି ଜ୍ୟୋତି ତ୍ୟାଗରଞ୍ଜନଙ୍କଠାରେ। ସେ ଟେକ୍ନୋଲୋଜି ଉପଯୋଗ କରି ଦୁର୍ଗମ ଅଞ୍ଚଳରେ ଶିକ୍ଷାର ବିକାଶ କରିବାରେ ଲାଗିଛନ୍ତି। ଦେଶର ସବୁ ଅଞ୍ଚଳରେ ସରକାରୀ ସ୍କୁଲଗୁଡ଼ିକରେ ଶିକ୍ଷାର ମାନରେ ଥିବା ପାର୍ଥକ୍ୟ ଦୂର କରିବା ପାଇଁ ଅଭିଯାନ ଜାରି ରଖିଛନ୍ତି। ୨୦୧୩ ରେ ଜ୍ୟୋତି ‘ମେଘଶାଳା ଟ୍ରଷ୍ଟ’ ଗଠନ କରି ତା’ ମାଧ୍ୟମରେ ଏହା କରୁଛନ୍ତି।
ଭାରତ ଓ ଆଫ୍ରିକାରେ ବହୁବର୍ଷ ଧରି ଗଣିତ ଓ ପଦାର୍ଥ ବିଜ୍ଞାନ ପଢାଇବା ପରେ ଅବସର ନେଇଛନ୍ତି ଓ ଏବେ ଅବଶିଷ୍ଟ ଜୀବନ ସରକାରୀ ସଂସ୍ଥାଗୁଡିକରେ ଶିକ୍ଷାର ମାନ ବୃଦ୍ଧି କରିବା ଲାଗି କାର୍ଯ୍ୟ କରିବାକୁ ଲକ୍ଷ୍ୟ ରଖିଛନ୍ତି ବୋଲି କହିଛନ୍ତି ଜ୍ୟୋତି। ମେଘଶାଳା ଟ୍ରଷ୍ଟ ଅଧୀନରେ ‘ସ୍କୁଲ ଇନ ଦି ବ୍ଲାଉଡ୍ସ’ ସଂସ୍ଥା କ୍ଲାଉଡ କମ୍ପ୍ୟୁଟିଂ ଆଧାରିତ ପ୍ଲାଟଫର୍ମ ମାଧ୍ୟମରେ ଶିକ୍ଷକମାନଙ୍କୁ ଏକ ଅଭିନବ ଶୈକ୍ଷିକ ପଦ୍ଧତି ତଥା ଶିକ୍ଷାରେ ଥିବା ସମସ୍ୟାର ସମାଧାନ କରିବାର ପ୍ରୟାସ କରୁଛନ୍ତି। ଏହାଦ୍ୱାରା ଶିକ୍ଷା ପଦ୍ଧତିରେ ଉନ୍ନତି ହେବା ସହ ପିଲାମାନେ ମଧ୍ୟ ପଢିବାକୁ ଆଗ୍ରହ ପ୍ରକାଶ କରୁଛନ୍ତି ବୋଲି ଅଭିଭାବକଙ୍କ ମତକୁ ଆଧାର କରି କହିଛନ୍ତି ଜ୍ୟୋତି। ଜ୍ୟୋତିଙ୍କ ଅବିଶ୍ରାନ୍ତ ପ୍ରୟାସ ଯୋଗୁ ସିଆଚେନଠାରୁ କନ୍ୟାକୁମାରୀ ମଧ୍ୟରେ ୧୮,୦୦୦ ଶିକ୍ଷକଙ୍କର ଏକ ନେଟଓ୍ବର୍କ ସୃଷ୍ଟି ହୋଇପାରିଛି।
ପ୍ରତ୍ୟେକ ଶିକ୍ଷକଙ୍କ ସହ ଅତିକମରେ ୩୦ ଜଣ ଛାତ୍ରଙ୍କୁ ଯୋଡି ପାରିଛନ୍ତି ଜ୍ୟୋତି। ଏବେ ପିଲାଙ୍କ ସଂଖ୍ୟା ୫.୪ ଲକ୍ଷରେ ପହଞ୍ଚତ୍ଛି।
