ପୋଲସରା,୫ା୯(ଡି.ଏନ୍.ଏ.): ବିଜୁ ଜନତା ଦଳର ପୋଲସରା ନିର୍ବାଚନ ମଣ୍ଡଳୀସ୍ତରୀୟ ମହାମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି ମିଶ୍ରଣ ପର୍ବରେ ଭାଜପା ଓ କଂଗ୍ରେସ ଛାଡି ପ୍ରାୟ ୩ ହଜାରରୁ ଊର୍ଦ୍ଧ୍ୱ କର୍ମୀ ବିଜେଡିରେ ସାମିଲ ହୋଇଛନ୍ତି। କାର୍ଯ୍ୟକ୍ରମରେ ଶ୍ରମମନ୍ତ୍ରୀ ଶ୍ରୀକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ନୂତନ କର୍ମୀମାନଙ୍କୁ ସ୍ବାଗତ କରିଥିଲେ। ମିଶ୍ରଣ ପର୍ବରେ ପୋଲସରା ଏନ୍ଏସିର ପୂର୍ବତନ ନଗରପାଳ ସୌଦାମିନୀ ସାହୁ, ଦୁର୍ଯ୍ୟୋଧନ ସାହୁ, ପୂର୍ବତନ ନଗର ଭାଜପା ସଭାପତି ନାରାୟଣ ସାହୁ, ନବନିର୍ବାଚିତ ଭାଜପା କାଉନ୍ସିଲର, ପୂର୍ବତନ କାଉନ୍ସିଲର ଓ ପରାଜିତ ଭାଜପା କାଉନ୍ସିଲର ପ୍ରାର୍ଥୀ, ଯୁବ ସଂଗଠକ ଭାସ୍କର ନାହାକ, ଜଗା ଡାଙ୍ଗୁଆ, ସୁନୀଲ କୁମାର ସାହୁଙ୍କ ସମେତ ହଜାର ହଜାର କର୍ମୀ ବିଜେଡିରେ ଯୋଗ ଦେଇଥିଲେ। ଏହାସହିତ ପୋଲସରା ବ୍ଲକ ଚିରିକିପଡ଼ା ଶାସନ ପଞ୍ଚାୟତ ସରପଞ୍ଚ ଭଗବାନ ସାହୁ, ସମିତିସଭ୍ୟ ରଞ୍ଜନ କୁମାର ସାହୁଙ୍କ ସମେତ ନବନିର୍ବାଚିତ ୧୬ ୱାର୍ଡସଭ୍ୟ, ମାଳ ତେନ୍ତୁଳିଆ ପଞ୍ଚାୟତ ସରପଞ୍ଚ ଅସ୍ପତ ରାଉତଙ୍କ ସମେତ ସମସ୍ତ ୱାର୍ଡସଭ୍ୟ, ମଧୁପଲ୍ଲୀ ପଞ୍ଚାୟତର ମନୋରଞ୍ଜନ ଜେନା, ଭାବରଡା ସରପଞ୍ଚ ପ୍ରଦ୍ୟୁମ୍ନ କୁମାର ବିଷୋୟୀ, ବୁଗୁଡ଼ା ବ୍ଲକ୍ ଅନ୍ତର୍ଗତ ବିରଞ୍ଚତ୍ପୁର ପଞ୍ଚାୟତ ସମିତିସଭ୍ୟା ଅଳକା ନନ୍ଦ, ପ୍ରତିନିଧି ସୀମାଞ୍ଚଳ ନନ୍ଦ, ଅରଖପୁର ପଞ୍ଚାୟତର ସରପଞ୍ଚ ମିନତି ମଲ୍ଲିକ, ସମିତିସଭ୍ୟା ଶାନ୍ତିଲତା ସ୍ବାଇଁ ପ୍ରମୁଖ ସମର୍ଥକମାନଙ୍କୁ ନେଇ ଯୋଗଦେଇଥିଲେ। ଆସିକା ଏମ୍ପି ପ୍ରମିଳା ବିଷୋୟୀ, ଜିଲା ବିଜେଡି ସଭାପତି ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ଗଞ୍ଜାମ ଜିଲା ପରିଷଦ ଅଧ୍ୟକ୍ଷା ଅଞ୍ଜଳି ବେହେରା, ରାଜ୍ୟ ଯୁବମୋର୍ଚ୍ଚା ସାଧାରଣ ସମ୍ପାଦକ ପ୍ରମୋଦ କୁମାର ପଣ୍ଡାଙ୍କ ସମେତ ବିଜେଡି ନେତୃବୃନ୍ଦ ପ୍ରମୁଖ ସ୍ବାଗତ କରିଥିଲେ।
