ନ୍ୟୁୟର୍କ, ୮।୯: ଆମେରିକୀୟ ଟେନିସ ଷ୍ଟାର୍ ସେରେନା ଓ୍ବିଲିୟମ୍ସ ଏଠାରେ ଚାଲିଥିବା ୟୁଏସ୍ ଓପନ୍ ଗ୍ରାଣ୍ଡସ୍ଲାମ ପ୍ରତିଯୋଗିତାର ମହିଳା ସିଙ୍ଗଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ପ୍ରି-କ୍ୱାର୍ଟର ଫାଇନାଲର ଏକ ମ୍ୟାଚ୍ରେ ସେରେନା ୬-୩, ୬-୭ (୬), ୬-୩ ସେଟ୍ରେ ଗ୍ରୀସର ୧୫ତମ ସିଡ୍ ମାରିଆ ସକାରିଙ୍କୁ ପରାସ୍ତ କରି ଅନ୍ତିମ-୮ରେ ପହଞ୍ଚିଛନ୍ତି। ଏହି ବିଜୟ ସହ ୩୮ ବର୍ଷୀୟା ସେରେନା ୧୨ଥର ପାଇଁ ଏହି ସମ୍ମାନଜନକ ଟୁର୍ନାମେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରିବାର ସୌଭାଗ୍ୟ ଲାଭ କରିଛନ୍ତି। ଅପରପକ୍ଷରେ ମହିଳା ସିଙ୍ଗଲ୍ସରେ ସେରେନାଙ୍କୁ ମିଶାଇ କ୍ୱାର୍ଟର ଫାଇନାଲରେ ପ୍ରବେଶ କରିଥିବା ୩ଜଣ ଖେଳାଳି ମା’ ବୋଲି ଜଣାପଡ଼ିଛନ୍ତି। ଅନ୍ୟ ୨ଜଣ ହେଲେ ଭିକ୍ଟୋରିଆ ଆଜାରେଙ୍କା ଓ ବୁଲଗେରିଆର ଶ୍ୱେତାନା ପିରୋଙ୍କୋଭା। ଶ୍ୱେତାନା ମଧ୍ୟ ସନ୍ତାନ ଜନ୍ମ ପରେ ୩ ବର୍ଷ ଲାଗି କୋଟ୍ରୁ ଦୂରେଇ ରହିଥିଲେ। ସେରେନାଙ୍କ ଝିଅ ଅଲିମ୍ପିଆ ମଧ୍ୟ ଷ୍ଟାଡିୟମରେ ରହି ମ୍ୟାଚ୍ ଉପଭୋଗ କରୁଥିବାର ଭିଡିଓ ଆୟୋଜକଙ୍କ ପକ୍ଷରୁ ଛଡ଼ା ଯାଇଛି।
