ଦି’ରଙ୍ଗିଆ ରସଗୋଲା

ଅରବିନ୍ଦ ଦାସ
ଟିଭିରେ ହେଡ୍‌ଲାଇନ ଖବର ଦେଖି ଗୋପାଳବାବୁ ସ୍ତ୍ରୀଙ୍କ ଉଦ୍ଦେଶ୍ୟରେ ବଡ଼ ପାଟିରେ କହିଉଠିଲେ, ଶୁଣୁଛ? ଆମ ଓଡ଼ିଶା ରସଗୋଲା ଜିଆଇ ଟ୍ୟାଗ୍‌ ପାଇଗଲା। ମୋର ଜଣେ ବନ୍ଧୁ ଏଥିପାଇଁ ବହୁତ ପରିଶ୍ରମ କରିଥିଲେ।
ପାଖକୁ ଆସି ଇନ୍ଦୁରେଖା କହିଲେ, ଏମିତି ଚିଲାଉଛ କାହିଁକି? ଆମ ରସଗୋଲା ଆମର ନ ହୋଇ କ’ଣ ଆଉ କାହାର ହୁଅନ୍ତା? ଏଥିରେ ବଡ଼କଥା କ’ଣ?
-ଜିଆଇ ଟ୍ୟାଗ୍‌ ମାନେ କ’ଣ କହିଲ?
ଟିକେ ଭାବି ଇନ୍ଦୁରେଖା କହିଲେ, ମୁଁ ପା ଦେଖିଛି, ମୋ ମିନାଦେଈ ବାହାଘରକୁ ସାଲେପୁର ରସଗୋଲା ଟିଣ ସବୁ କତା ଦଉଡ଼ିରେ ବନ୍ଧା ହୋଇ ଘରକୁ ଆସିଥିଲା ବୋଲି ଡବା ତଳେ ପଡ଼ି ଚେପା ହୋଇଯାଇଥିଲା ଓ ସିରା ବି ଢାଳି ହୋଇଯାଇଥିଲା। ଏବେ ରସଗୋଲା ଡବା ଥିବା ପ୍ୟାକେଟ୍‌ ତଳେ ନ ପଡ଼ିବା ପାଇଁ ଜିଆଇ ତାରରେ ବାନ୍ଧୁଥିବେ ବୋଧେ!
ଫେଁ କିନା ହସି ଗୋପାଳବାବୁ କହିଲେ, ହୁଣ୍ଡୀ କେଉଁଠିକାର। ଆରେ ଜିଆଇ ଟ୍ୟାଗ୍‌ ହେଉଛି ଏକ ମାନ୍ୟତା, ଯାହା ଭୌଗୋଳିକ ଅବସ୍ଥିତି ଦେଖି ଦିଆଯାଏ। ତା’ମାନେ ଯେଉଁ ଜିଣିଷ ଯେଉଁଠି ତିଆରି ହୁଏ, ସେଇ ଜିନିଷର ମୂଳ ଦାବି ସେଇ ସ୍ଥାନର ହୋଇଥାଏ। କିଛି ସ୍ପେଶାଲ ବା ବିଶିଷ୍ଟତା ଥିବା ଦରକାର। ଯେମିତି ସମ୍ବଲପୁରୀ ଶାଢ଼ି, ସେମିତି ଆମ ଓଡ଼ିଶା ରସଗୋଲା।
-ରସଗୋଲାରେ ପୁଣି ସ୍ପେଶାଲ କ’ଣ?
-କିଏ ଯଦି ସମ୍ପୂର୍ଣ୍ଣ ନୂଆ, ଭିନ୍ନ ଆଇଡିଆରେ ରସଗୋଲା ବନାଇବ ତାକୁ ନୂଆ ରସଗୋଲାର ମାନ୍ୟତା ମିଳିବ।
-କିଏ ନୂଆ କଥା ଭାବୁଛି? ଛେନା ଚକଟି ଗୁଳା ବନାଇ ସିରାରେ ଛାଣିଦେଲେ ଗଲା। ଚିନି ଗରମ କରି ଟିକେ କାରାମେଲ କଲେ ହାଲକା ଗୋଲାପି କଲର ଆସିବ, ଯେମିତି ସାଲେପୁର ରସଗୋଲା। ମୋ ଜେଜେମା ବଢ଼ିଆ ରସଗୋଲା ବନାଉଥିଲା। ବୋଉ ତା’ଠାରୁ ଶିଖିଥିଲା।
-ତମେ ଶିଖିଲନି?
-ସ୍କୁଲ ବେଳେ ବୋଉ ପାଖରେ ବସି କରୁଥିଲି। ପାଠପଢ଼ା ଓ ପରେ ତମ ଘର ଜଞ୍ଜାଳ ସମ୍ଭାଳି ମୋତେ ଟାଇମ୍‌ କେଉଁଠୁ ମିଳିଲା ଯେ ରସଗୋଲା ବନାଇବି?
-କି ପାଠ ତମେ ପଢ଼ୁଥିଲ? ଦୁଇଥର ମାଟ୍ରିକ ଫେଲ୍‌। ବାହାଘର ପରେ ଘରକାମ ସବୁ ବୋଉ, ଖୁଡ଼ୀ ସମସ୍ତେ ସମ୍ଭାଳୁଥିଲେ। ତମେ ଏବେ ରସଗୋଲା କରୁନ। ଖାଲି ତ ଫୋନରେ ଗପ। ନୂଆ ଆଇଡିଆରେ ବନାଇଲେ ତମକୁ ଜିଆଇ ଟ୍ୟାଗ୍‌ ମିଳିବ।
-ହଉ ଆଜି ବନେଇବି ନୂଆ ପ୍ରକାର ରସଗୋଲା। ତମ ସାଙ୍ଗଙ୍କୁ କହି ଏ ରସଗୋଲା ମୋ ନାଁରେ ରେଜିଷ୍ଟ୍ରି କରିଦେବ।
ସା ବେଳକୁ ଗୋପାଳବାବୁ ଘରକୁ ଫେରିଲା ବେଳକୁ ଘର ଭିତରେ ଗୋଟେ ମିଠା ମିଠା ବାସ୍ନା ଖେଳୁଥିଲା।
-ବାପା, ଆଜି ବୋଉ ଗୋଟେ ନୂଆ ପ୍ରକାର ରସଗୋଲା ବନେଇଛି।
ଝିଅ କଥା ଶୁଣି ଉତ୍ସାହିତ ହୋଇଉଠିଲେ ଗୋପାଳବାବୁ। ଡାଇନିଂ ଟେବୁଲ ଉପରେ ଘୋଡ଼ାହୋଇ ଥୁଆ ହୋଇଥିବା ପାତ୍ରର ଢାଙ୍କୁଣି ଖୋଲିଦେଇ ଚମକି ପଡ଼ିଲେ।
-ଇନ୍ଦୁ, ଏଗୁଡାକ କ’ଣ? ଧଳା ଓ ଖଇରିଆ ଦୁଇଟା ରଙ୍ଗ କ’ଣ ହୋଇଛି? ଅଧା ରସଗୋଲା, ଅଧା ଗୋଲାପଜାମୁ ଭଳି ଦିଶୁଛି। କ’ଣ କେମିିତି କରିଛ କି?
-ନୂଆ ପ୍ରକାର ହୋଇଛି ନା? ରସଗୋଲାର ଗୋଟେ ପଟକୁ ପ୍ୟାନରେ କାରାମେଲ ଚିନି ପକାଇ ଭାଜି କାଢ଼ିଛି ବୋଲି ସବୁ ରସଗୋଲାର ଅଧେ ଖଇରିଆ ହୋଇଯାଇଛି। ଆର ଅଧକ ଧଳା। ଟେଷ୍ଟ କିନ୍ତୁ ଅଛି। ଚାଖୁନ।
ତାଟିଆରୁ ଗୋଟେ ରସଗୋଲା ନେଇ ପାଟିରେ ପକାଇ ଚଟ୍‌କିନା ବାହାର କରି କହିଲେ, ଦାନ୍ତ ଭାଙ୍ଗିଯିବ ମୋର। ସିମେଣ୍ଟ ପକେଇଛ ନା କ’ଣ?
ଟିକେ ଚିଡ଼ିଯାଇ ଇନ୍ଦୁ କହିଲେ, ଦୁଇଲିଟର କ୍ଷୀର ଛିଣ୍ଡାଇ ଛେନା କରିଥିଲି। ତମ ପୁଅଝିଅ ମୁଠାଏ ଲେଖାଏ ଛେନା ପାଟିରେ ପକାଇଦେଲେ। ଛେନା କମିଗଲା ବୋଲି ଚକଟିଲା ବେଳେ ସୁଜି ମିଶାଉଥିଲି। ହାତ ହଲିଯାଇ ଅଧଡ଼ବା ସୁଜି ପଡ଼ିଗଲା। ନଷ୍ଟ କାହିଁକି କରିିିବି ବୋଲି ସବୁ ଚକଟିଦେଲି। ଟିକେ ଟାଣ ହୋଇଗଲା। ରୁହ ଏଇନା, ପ୍ରେସର କୁକରରେ ଦୁଇଟା ସିଟି ମାରି ନରମ କରି ଆଣୁଛି। କହିଲେ ଇନ୍ଦୁ।
ଆବାକାବା ହୋଇ ଗୋପାଳବାବୁ କହିଲେ, ରସଗୋଲାକୁ ପ୍ରେସର କୁକରରେ ସିଝାଇବ? ସିଏ ତ ଅନ୍‌ବ୍ରେକେବଲ ହୋଇଯିବ।
-ମଲା ମୋର, ଷ୍ଟିମ୍‌ ରସଗୋଲା ବୋଲି ଭାବ। ଶୁଣ, ଏଇ ଯେଉଁ ଦୁଇ ରଙ୍ଗବାଲା ନୂଆ ରସଗୋଲା ବନାଇଛି, ତମ ସାଙ୍ଗଙ୍କୁ କହି ଜିଆଇ ଟ୍ୟାଗ୍‌ କରାଇ ପାରିବନି?
-ଆଚ୍ଛା! କ’ଣ ନାଁ ଦେବ ସେ ରସଗୋଲାର?
ଟିକିଏ ଭାବି ଇନ୍ଦୁ କହିଲେ ‘ଦୋରଙ୍ଗୀ ରସଗୋଲା’।
ବିଶାଖାପାଟଣା, ମୋ- ୦୯୧୭୭୬୦୫୧୦୫


Enter your email to get our daily news in your inbox.

All Right Reserved By Dharitri.Com

ବିକାଶର ସଂଜ୍ଞା ନୁହେଁ ଘରୋଇକରଣ

ଡ. ଷ୍ଟାଲିନ ମିଶ୍ର ଗତ କିଛିବର୍ଷ ହେଲା ‘ବିକାଶ’ ଶବ୍ଦର ବହୁଳ ପ୍ରୟୋଗ ଓ ପ୍ରଚାର ଆପଣମାନେ ଲକ୍ଷ୍ୟ କରୁଥିବେ। ରାଜନୈତିକ ଘୋଷଣା ହେଉ ଅବା...

କରୋନା କାଳେ ପୋଷା ହାତୀ

ଡ. ନିଖିଳାନନ୍ଦ ପାଣିଗ୍ରାହୀ ଲକ୍‌ଡାଉନ୍‌’ ଶବ୍ଦଟିର ଗୁରୁତ୍ୱ ଚଳିତ ୨୦୨୦ରେ ବହୁ ପରିମାଣରେ ବଢ଼ିଯାଇଛି। କଲିନ୍ସ ଇଂଲିଶ ଡିକ୍‌ଶନାରୀ ତରଫରୁ ଦଶଟି ପ୍ରମୁଖ ଶବ୍ଦକୁ ବାଛିବା...

ବିଶ୍ବାସ ମୂଳେ ଏ ଜଗତ

ଡ. ମନୋରଞ୍ଜନ ପ୍ରଧାନ କୁହାଯାଏ ବିଶ୍ବାସ ମୂଳେ ଏ ଜଗତ। ଜୀବନର ଅନେକ କାର୍ଯ୍ୟ ଓ ସିଂହ ଭାଗ ସମୟ ଅନ୍ୟ ଉପରେ ବିଶ୍ୱାସ ଅନୁସାରେ...

ଜନସେବାର ପରିଭାଷା

ଡ. ଛାୟାକାନ୍ତ ଷଡ଼ଙ୍ଗୀ ସମ୍ପ୍ରତି ବିଧାୟକ ବା ସାଂସଦ ହେବାକୁ ଚାହୁଁଥିବା ପ୍ରାର୍ଥୀମାନେ କହୁଛନ୍ତି, ସେମାନେ ନିର୍ବାଚନରେ ଜିତିଲେ ଜନସେବା କରିବେ। ମାତ୍ର ସେମାନେ ଭୁଲିଯିବା...

ଭାରତ ଅଧିକ ବିପଦାପନ୍ନ

କୋଭିଡ୍‌-୧୯ ଭୂତାଣୁ ବିଶ୍ୱକୁ କଲବଲ କରିଦେଇଥିବାରୁ ସବୁ ରାଷ୍ଟ୍ରର ଆର୍ଥିକ ଓ ସ୍ବାସ୍ଥ୍ୟଜନିତ ସମସ୍ୟା ବଢ଼ିଯାଇଛି। ଏଭଳି ସମୟରେ ୟୁକ୍ରେନ୍‌ ଉପରେ ରୁଷିଆର ଆକ୍ରମଣକୁ ନେଇ...

ଜଳବୁଡ଼ି ମୃତ୍ୟୁ ଚିନ୍ତାର କାରଣ

ଶେଖ୍‌ ଫରିଦଉଦ୍ଦିନ ଏକ ସରକାରୀ ପରିସଂଖ୍ୟାନର ତଥ୍ୟ ଅନୁଯାୟୀ, ରାଜ୍ୟରେ ବର୍ଷକୁ ହାରାହାରି ୪୩୧ ଜଣ ପାଣିରେ ବୁଡ଼ି ମରୁଛନ୍ତି। ଗତ ତିନିବର୍ଷ ମଧ୍ୟରେ ୧୨୯୨...

ମୁରବିହୀନ ସମାଜ

ହରିହର ତ୍ରିପାଠୀ ସମାଜରେ ଗୁରୁଜନ କହିଲେ ଆମେ ସାଧାରଣତଃ ବୟସ୍କ ବ୍ୟକ୍ତିମାନଙ୍କୁ ବୁଝୁ; ଯେଉଁମାନଙ୍କ ଅନୁଭୂତି, ଅଭିଜ୍ଞତା ସମାଜ ନିମନ୍ତେ ଅତ୍ୟନ୍ତ ମୂଲ୍ୟବାନ। ଏଭଳି ବ୍ୟକ୍ତିମାନଙ୍କୁ...

ମୃତ୍ୟୁ: ଏକ ସମର୍ଥ ଭାବନା

ଡ. ନିଖିଳା ନନ୍ଦ ପାଣିଗ୍ରାହୀ ମନୋଜ ଦାସ ଜଣେ ବିବର୍ତ୍ତନଶୀଳ ଆତ୍ମା। କେତେ ଜନ୍ମରେ କେତେ ଦାସ, କେତେ ମହାପାତ୍ର କି କେତେ ଜନ୍‌, କେତେ...

Advertisement
Archives

Model This Week