ନୂଆଦିଲ୍ଲୀ,୧୦।୭: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କଂଗ୍ରେସ ଉପରେ ଖୁବ୍ ବର୍ଷିଛନ୍ତି। ସେ ଶୁକ୍ରବାର କହିଛନ୍ତି କଂଗ୍ରେସ ଶାସନ ସମୟରେ ମଧ୍ୟପ୍ରଦେଶକୁ ବହୁ ବର୍ଷ ପଛକୁ ନେଇଯାଇଛି। ଏମିତିକି ସେ ସିଧାସଳଖ ରାହୁଲ ଗାନ୍ଧୀଙ୍କୁ ଟାର୍ଗେଟ କରି କହିଛନ୍ତି ଜଣାପଡୁନି ଭାଇ ରାହୁଲ ଗାନ୍ଧୀ କେମିତି ନେତା ହେଲେ। କେବେ କେବେ ଏହାବି ଜଣାପଡୁନି କି ସେ ଭାରତ ସହ ଅଛନ୍ତି ନା ଚାଇନା ସହ। ତାଙ୍କର ପରାମର୍ଶଦାତା କିଏ ଅଛନ୍ତି ଯଦି ଏସମ୍ପର୍କରେ କେହି ସୂଚନା ଦିଏ ତେବେ ଶିବରାଜ ତାଙ୍କୁ ୧ ଲକ୍ଷ ଟଙ୍କା ପୁରସ୍କାର ଦେବେ ବୋଲି କହିଛନ୍ତି। କାରଣ କେବେ କେବେ କେହି ତାଙ୍କ ପାଇଁ ଟୁଇଟ୍ କରୁଥିବା ବେଳେ ରାହୁଲ ଆପଣାଛାଏଁ ସେଥିରେ ଫସି ଯାଆନ୍ତି। ତେଣୁ କଂଗ୍ରେସ ଶାସନ ସମୟରେ ରାଜ୍ୟ ବହୁ ତଳକୁ ଚାଲିଯାଇଛି ବୋଲି ସେ କହିଛନ୍ତି।
