ତାମିଲନାଡୁର ୮୪ ବର୍ଷୀୟା ଧନମ ପାତି ଏବକାର ମହଙ୍ଗା ଯୁଗରେ ୨ ଟଙ୍କାରେ ଇଡ୍ଲି ବିକୁଛନ୍ତି ଓ ଲୋକଙ୍କୁ ପେଟପୂରା ଖାଇବାକୁ ଦେଉଛନ୍ତି। ଧନମଙ୍କ ଘର ତାମିଲନାଡୁର ପୁଦୁକୋଟ୍ଟୋଇରେ। ତାଙ୍କ ଦୋକାନରେ ଚେୟାର କିମ୍ବା ଟେବୁଲ ନାହିଁ। କିନ୍ତୁ ଇଡ୍ଲି, ସମ୍ବର, ଚଟ୍ନିଭରା ପ୍ଲେଟ୍ ପାଇଁ ସବୁବେଳେ ସେଠାରେ ଗ୍ରାହକଙ୍କ ଭିଡ ଜମୁଛି। ଧନମ କହନ୍ତି, ଲୋକେ ଫେଟଭରି ଖାଇଲେ ତାହା ତାଙ୍କୁ ଆନନ୍ଦ ଦେଇଥାଏ। ତାଙ୍କୁ ଏଭଳି ସେବା ସମ୍ପର୍କରେ ଯିଏ ପଚାରନ୍ତି ସେ କହନ୍ତି, ଏ ପୃଥିବୀକୁ କିଛି ଦିନ ଲାଗି ଆମେ ଆସିଛୁ, ଟଙ୍କା ପଛରେ କାହିଁକି ଗୋଡାଇବା? ଅନ୍ୟକୁ ଭଲ ପାଇବା ହେଉଛି ସବୁଠୁ ବଡ଼ କଥା ଓ ତାହା ହିଁ ଜୀବନକୁ ଆଗକୁ ବଢାଏ। ଏତିକି କହି ପୁଣି ଧନମ ପୁଣି ତାଙ୍କ କାମରେ ଲାଗିପଡ଼ନ୍ତି। ଧନମ ୧୯୬୦ରେ ବିବାହ କରିବା ପରେ ତାଙ୍କ ସ୍ବାମୀଙ୍କ ସହ ପୁଦୁକୋଟ୍ଟୋଇକୁ ଆସିଥିଲେ। ସେଠାରେ ତାଙ୍କ ସ୍ବାମୀ ଜଳଖିଆ ଦୋକାନ ଖୋଲିଥିଲେ । ତାଙ୍କ ସ୍ବାସ୍ଥ୍ୟ ଖରାପ ହୋଇ ମୃତ୍ୟୁ ଘଟିଲା ପରେ ୧୯୮୦ରେ ପରିବାର ଚଳାଇବା ଲାଗିି ଧନମ ଏହି କାର୍ଯ୍ୟରେ ଲାଗିଯାଇଥିଲେ। ସେବେଠାରୁ ସେ ଏହି ଦୋକାନ ଚଳାଇଆସୁଛନ୍ତି। ପ୍ରଥମେ ୩ ପଇସାରେ ଗୋଟିଏ ଇଡ୍ଲି ବିକୁଥିଲେ ଓ ଏବେ ତାହା ୨ ଟଙ୍କା ହୋଇଛି।
