Posted inଜାତୀୟ

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ ଥିବା ଏହାର କାର୍ଯ୍ୟାଳୟ ଆଗରେ ବିକ୍ଷୋଭ କରାଯାଇଛି। ମୁମ୍ୱାଇର ବାନ୍ଦ୍ରା-କୁର୍ଲା କମ୍ପ୍ଲେକ୍ସରେ ଥିବା ମେଟା ବିଲ୍ଡିଂ ବାହାରେ ଯୁବ କଂଗ୍ରେସ କର୍ମୀମାନେ ବିକ୍ଷୋଭ କରିବା ସହ ଭଙ୍ଗାରୁଜା କରିଥିବାବେଳେ ମୁମ୍ୱାଇ ଯୁବକଂଗ୍ରେସ ସଭାପତି ଜିନତ ସାବ୍ରିନଙ୍କ ସମେତ ଯୁବକଂଗ୍ରେସ ଜାତୀୟ ସମ୍ପାଦକ ପଓ୍ୱନ ମାଜେଥିଆ, ନିଖିଲ ରୁପାରେଲ ଏବଂ ଜାଫରଙ୍କ ବିରୋଧରେ ଏତଲା ଦାଏର ହୋଇଛି। ଏଥିସହିତ ୧୫/୨୦ ଜଣ ଅଜଣା ମହିଳାଙ୍କୁ ମଧ୍ୟ ଏଥିରେ ସାମିଲ କରାଯାଇଛି। ଶୁକ୍ରବାର ଅପରାହ୍ନରେ ବାନ୍ଦ୍ରା-କୁର୍ଲାସ୍ଥିତ ମେଟା କାର୍ଯ୍ୟାଳୟ ବାହାରେ ୨୦ରୁ ୨୫ ଜଣ ଲୋକ ପହଞ୍ଚତ୍ ସ୍ଲୋଗାନ ଦେଇ ବିକ୍ଷୋଭ କରିଥିଲେ।
ସେହିପରି ହାଇଦ୍ରାବାଦରେ ଥିବା ମେଟା ଅଫିସରେ ତେଲଙ୍ଗାନା ଯୁବକଂଗ୍ରେସ କର୍ମୀମାନେ ଫୁଲକୁଣ୍ଡ ଫିଙ୍ଗିବା ସହ ଭଙ୍ଗାରୁଜା କରିଥିଲେ। ରାଜ୍ୟ ସଭାପତି ଜାକିଡି ଶିବଚରଣ ରେଡ୍ଡୀଙ୍କ ନେତୃତ୍ୱରେ ଯୁବକଂଗ୍ରେସ କର୍ମୀମାନେ ମେଟା ଏବଂ ଭାଜପା ନେତୃତ୍ୱାଧୀନ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ। ସୋସିଆଲ ମିଡିଆ ପ୍ଲାଟ୍‌ଫର୍ମରେ ରାଜନୈତିକ ହସ୍ତକ୍ଷେପ ହେଉଥିବା ସେମାନେ ଅଭିଯୋଗ କରିବା ସହ କେତେକ ପୋଷ୍ଟକୁ ପୁନଃ ସ୍ଥାପନ କରିବା ପାଇଁ ଦାବି କରିଥିଲେ। ହରିୟାଣାର ଗୁରୁଗ୍ରାମରେ ଥିବା ମେଟା ଅଫିସ ବାହାରେ ମଧ୍ୟ ଅନୁରୂପ ବିକ୍ଷୋଭ ହୋଇଥିଲା।
ଉପଭୋକ୍ତା ସଂଖ୍ୟା ଦୃଷ୍ଟିରୁ ଭାରତ ସବୁଠୁ ବୃହତ୍‌ ବଜାର ହୋଇଥିବାବେଳେ ପ୍ରଭାବଶାଳୀ ରାଜନୈତିକ ସଂଗଠନର ବିକ୍ଷୋଭ ତୀବ୍ର ରୂପ ନେଇଥିବାବେଳେ ଏନେଇ କୌଣସି ମନ୍ତବ୍ୟ ଦେବାକୁ ମେଟା ମନା କରିଦେଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ପସନ୍ଦ ହୋଇ ନ ଥିବା ସୋସିଆଲ ମିଡିଆ ବିଷୟବସ୍ତୁ ହଟାଇବା ପାଇଁ
କଠୋର ପଦକ୍ଷେପ
ମେଟା କାର୍ଯ୍ୟାଳୟରେ…
ନେଉଥିବାରୁ ଭାରତରେ ଅଭିବ୍ୟକ୍ତି ସ୍ୱାଧୀନତା ପ୍ରତି ସମ୍ଭାବ୍ୟ ବିପଦ ବଢ଼ୁଥିବା ନେଇ ବିତର୍କ ବଢ଼ିବାରେ ଲାଗିଛି। ଅନ୍ୟପକ୍ଷରେ କେନ୍ଦ୍ର ସରକାରଙ୍କ କହିବା କଥା ହେଲା କୌଣସି ସୋସିଆଲ ମିଡିଆ ବିଷୟବସ୍ତୁ ସ୍ଥାନୀୟ ଆଇନର ଉଲ୍ଲଂଘନ କରୁଥିଲେ କିମ୍ୱା ଜନସାଧାରଣଙ୍କ ନିରାପତ୍ତା ଓ ଜାତୀୟ ସୁରକ୍ଷା ପ୍ରତି ବିପଦ ସୃଷ୍ଟି କରିବା ସମ୍ଭାବନା ଥିଲେ, ସେଗୁଡ଼ିକୁ ହଟାଇବାକୁ ନିର୍ଦ୍ଦେଶ ଦିଆଯାଇଥାଏ। ତେବେ କଂଗ୍ରେସର ଦୀର୍ଘଦିନର ଅଭିଯୋଗ ହେଲା ମେଟା ଓ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟ୍‌ଫର୍ମଗୁଡ଼ିକ ବିରୋଧୀ ଦଳର ଆକାଉଣ୍ଟଗୁଡ଼ିକୁ ହଟାଇ ମୋଦି ସରକାରଙ୍କ ସପକ୍ଷରେ ଆକାଉଣ୍ଟଗୁଡ଼ିକୁ ସମର୍ଥନ କରୁଛନ୍ତି ଏବଂ ଅନ୍‌ଲାଇନ ବିରୋଧୀ ସ୍ୱରକୁ ଚାପି ଦେଉଛନ୍ତି। ତେବେ ସ୍ଥାନୀୟ ଆଇନକୁ ଅନୁପାଳନ କରିବାକୁ ଯାଇ ମେଟା ଭାରତରେ କଣ୍ଟେଣ୍ଟ ଉପରେ କଟକଣା ଲଗାଇଥିବା କହିଛି।
କଂଗ୍ରେସର କାର୍ଯ୍ୟକୁ ଭାଜପା ଶନିବାର ସମାଲୋଚନା କରିଛି। ସେମାନେ କେବଳ ହାଇଦ୍ରାବାଦସ୍ଥିତ ମେଟା ଅଫିସ୍‌ ଭଙ୍ଗାରୁଜା କରିନାହାନ୍ତି, ବରଂ ସୋସିଆଲ ମିଡିଆରେ ତାହା ଦେଖାଇଛନ୍ତି ବୋଲି ଭାଜପା ରାଷ୍ଟ୍ରୀୟ ମୁଖପାତ୍ର ପ୍ରଦୀପ ଭଣ୍ଡାରୀ କହିଛନ୍ତି। ଘରୋଇ କମ୍ପାନୀଗୁଡ଼ିକର କାର୍ଯ୍ୟାଳୟ ଭଙ୍ଗାରୁଜା କରିବା ହେଉଛି କଂଗ୍ରେସ ମଡେଲ ବୋଲି ସେ କହିଥିବାବେଳେ ସୂଚନା ପ୍ରଯୁକ୍ତି ମନ୍ତ୍ରଣାଳୟ ପକ୍ଷରୁ କୌଣସି ମନ୍ତବ୍ୟ ଦିଆଯାଇ ନାହିଁ।
ଅନ୍ୟପକ୍ଷରେ ଯଦି ଏହାର ନେତାମାନଙ୍କ ଇନ୍‌ଷ୍ଟାଗ୍ରାମ ଆକାଉଣ୍ଟଗୁଡ଼ିକୁ ପୁନଃ ସ୍ଥାପନ କରା ନ ଯାଏ ତେବେ ଦେଶରେ ଥିବା ମେଟା କାର୍ଯ୍ୟାଳୟଗୁଡ଼ିକରେ ଧସେଇ ପଶିବେ ବୋଲି ଯୁବକଂଗ୍ରେସ ପକ୍ଷରୁ Xରେ ଏକ ପୋଷ୍ଟ ଜରିଆରେ ଚେତାବନୀ ଦିଆଯାଇଥିଲା। ଶୁକ୍ରବାର ବିକ୍ଷୋଭ ପରେ ଏଭଳି ୨ଟି ଆକାଉଣ୍ଟକୁ ପୁନଃ ସ୍ଥାପନ କରାଯାଇଛି। ତେବେ ସରକାରଙ୍କୁ ସମାଲୋଚନା କରୁଥିବା ଖବରଦାତା, କଣ୍ଟେଣ୍ଟ କ୍ରିଏଟର, ଇନ୍‌ଫ୍ଲୁଏନ୍ସରମାନଙ୍କ ଅନେକ ହଜାର ଆକାଉଣ୍ଟ ଉପରେ କଟକଣା ରହିଥିବା ଯୁବକଂଗ୍ରେସ ସୋସିଆଲ ମିଡିଆ ଦାୟିତ୍ୱରେ ଥିବା ମନୁ ଜୈନ କହିଛନ୍ତି। ମେଟା ଆଲଗୋରିଦମ୍‌ କିପରି ପୋଷ୍ଟଗୁଡ଼ିକୁ ସୀମିତ କରେ ତାହା ସ୍ପଷ୍ଟ କରିବା ସହ ସରକାରଙ୍କ ନିର୍ଦ୍ଦେଶରେ ବନ୍ଦ ହୋଇଥିବା ଆକାଉଣ୍ଟଗୁଡ଼ିକ ପୁନଃସ୍ଥାପିତ ହେବା ଆବଶ୍ୟକ ବୋଲି ଜୈନ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

ତାମିଲନାଡୁରେ ଚାଞ୍ଚଲ୍ୟ: ଟ୍ରେନ୍‌ରେ ମହିଳାଙ୍କୁ ବଳାତ୍କାର ପରେ ହତ୍ୟା

ଚେନ୍ନାଇ,୨୧ା୧୧: ତାମିଲନାଡୁର କନ୍ୟାକୁମାରୀ ଜିଲା ଅନ୍ତର୍ଗତ ନାଗେରକଏଲ ରେଲ୍‌ଓ୍ବେ ୟାର୍ଡରେ ଗତ ୧୩ ତାରିଖରେ ଏକ ଅବ୍ୟବହୃତ ଟ୍ରେନ୍‌ ବଗିରୁ ଜଣେ ୫୪ ବର୍ଷୀୟ ମହିଳାଙ୍କ ମୃତଦେହ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

Kartik Purnima 2026: ସ୍ନାନ-ଦାନଠାରୁ ଆରମ୍ଭ କରି ଦୀପଦାନ ପର୍ଯ୍ୟନ୍ତ, ଏହି ଦିନ ନିଶ୍ଚୟ କରନ୍ତୁ ଏହି ୫ଟି ଶୁଭ କାର୍ଯ୍ୟ!

କାର୍ତ୍ତିକ ମାସ ଶୁକ୍ଳ ପକ୍ଷ ପୂର୍ଣ୍ଣିମା ତିଥିରେ ପାଳିତ ହେଉଥିବା କାର୍ତ୍ତିକ ପୂର୍ଣ୍ଣିମାକୁ ହିନ୍ଦୁ ଧର୍ମରେ ଅତ୍ୟନ୍ତ ପବିତ୍ର ଓ ମହତ୍ତ୍ୱପୂର୍ଣ୍ଣ ମନେ କରାଯାଏ। ସ୍ନାନ, ଦାନ,…

ତୃତୀୟ ଦିନ ଖେଳ ଶେଷ ସୁଦ୍ଧା ଭାରତ ୪୮୬/୪

ଓ୍ବେଲିଂଟନ,୨୧।୧୧: ଲୋକେଶ ରାହୁଲଙ୍କ ଶତକ ଏବଂ ଅଧିନାୟକ ଶୁବମନ ଗିଲଙ୍କ ୯୮ ରନର ଇନିଂସ ବଳରେ ଏଠାରେ ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ପ୍ରଥମ ଟେଷ୍ଟ କ୍ରିକେଟ ମ୍ୟାଚ୍‌ରେ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?