ଲକ୍ଷ୍ନୌ,୨୩।୮: ତ୍ତତ୍ତରପ୍ରଦେଶର ଗୋଣ୍ଡାରୁ ଏପରି ଏକ ଘଟଣା ସାମ୍ନାକୁ ଆସିଛି, ଯାହାକୁ ନେଇ ସୋସିଆଲ ମିଡିଆରେ ବେଶ୍ ଚର୍ଚ୍ଚା ହେଉଛି । ଜଣେ ମହିଳା ପ୍ରାୟ ୮ ବର୍ଷ ଧରି ସ୍ୱାମୀଙ୍କୁ ନଜଣାଇ ପ୍ରାୟ ୧୨ ଲକ୍ଷ ଟଙ୍କା ସଞ୍ଚୟ କରିଥିଲେ। ଭବିଷ୍ୟତରେ ସେହି ଟଙ୍କାରେ ସୁନା ଗହଣା କିଣିବା ତାଙ୍କର ଯୋଜନା ଥିଲା। ମହିଳା ଜଣକ ଟଙ୍କାଗୁଡ଼ିକୁ ଘରର ଏକ ଟ୍ରଙ୍କରେ ରଖିଥିଲେ। ବର୍ଷ ବର୍ଷ ଧରି ଟ୍ରଙ୍କଟି ବନ୍ଦ ରହିବା ପରେ ଯେତେବେଳେ ସେ ଏହାକୁ ଖୋଲିଲେ, ଭିତରର ଦୃଶ୍ୟ ଦେଖି ଚକିତ ହୋଇଗଲେ । ନୋଟ୍ଗୁଡ଼ିକୁ ମୂଷା କାମୁଡ଼ି ନଷ୍ଟ କରିଦେଇଥିଲେ। ଅନେକ ନୋଟ୍ର କେବଳ ଖଣ୍ଡବିଖଣ୍ଡ ଅଂଶ ହିଁ ରହିଥିଲା।
ସୂଚନା ଅନୁସାରେ, ମହିଳା ଜଣକ ପ୍ରାୟ ୨୦୧୯ରୁ ଅଳ୍ପ ଅଳ୍ପ କରି ଟଙ୍କା ସଞ୍ଚୟ କରି ଟ୍ରଙ୍କରେ ରଖୁଥିଲେ। ଧୀରେ ଧୀରେ ଏହି ରାଶି ପ୍ରାୟ ୧୨ ଲକ୍ଷ ଟଙ୍କାରେ ପହଞ୍ଚିଥିଲା। ଏ ସମ୍ପର୍କରେ ସେ ସ୍ୱାମୀଙ୍କୁ ମଧ୍ୟ ଜଣାଇନଥିଲେ। ଟ୍ରଙ୍କ ଖୋଲିବା ପରେ ଟଙ୍କାଗୁଡ଼ିକ ମୂଷା ଦ୍ୱାରା ନଷ୍ଟ ହୋଇଥିବା ଜଣାପଡ଼ିଥିଲା। ଘଟଣା ପରେ ପରିବାର ଲୋକେ ଟ୍ରଙ୍କରୁ ବାହାରିଥିବା ନୋଟ୍ ଓ ନୋଟ୍ର ଖଣ୍ଡଗୁଡ଼ିକୁ ଅଲଗା କରିଥିଲେ। ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବା ପରେ ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଲୋକେ ଭିନ୍ନଭିନ୍ନ ପ୍ରତିକ୍ରିୟା ଦେଉଛନ୍ତି ।
