ଭାରତର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନୀ ପ୍ରାୟତଃ ଚର୍ଚ୍ଚାରେ ଥାନ୍ତି। ନିକଟରେ ତାଙ୍କ କମ୍ପାନୀ ରିଲାଏନ୍ସ ଗ୍ରୁପ୍ ଫ୍ୟୁଚର୍ ଗ୍ରୁପ୍କୁ କିଣିଛି। ଫ୍ୟୁଚର୍ ଗ୍ରୁପ୍ର ପ୍ରସିଦ୍ଧ ବିଗ୍ ବଜାର ଏବେ ଅମ୍ବାନୀ ପରିବାରର ହୋଇଯାଇଛି। ପ୍ରତିଦିନ ଗୋଟିଏ ପରେ ଗୋଟିଏ ସଫଳତାର ଶିଡି ଚଢିଚାଲିଥିବା ମୁକେଶ ଅମ୍ବାନୀ ଏହାର ସମସ୍ତ ଶ୍ରେୟ ନିଜ ପିତା ଧୀରୁ ଭାଇ ଅମ୍ବାନୀଙ୍କୁ ଦିଅନ୍ତି। ମୁକେଶଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ତାଙ୍କ ପିତା ପିଲାଦିନେ କେମିତି ତାଙ୍କ ଅନୁଶାସନରେ ରଖିଥିଲେ ଏଥିରେ ସେ କହିଛନ୍ତି। ୨୦୦୨ରେ ଅଭିନେତ୍ରୀ ସିମି ଅଗ୍ରଓ୍ବାଲଙ୍କ ସହ ଏକ ମୁକେଶ ଏକ ସାକ୍ଷାତକାରରେ ନଜର ଆସିଥିଲେ। ଏଥିରେ ସେ କହିଥିଲେ ପିଲାଦିନେ ମୁଁ ପିତାଙ୍କୁ ସଂଘର୍ଷ କରିବା ଦେଖିଛି। ଥରେ ସନ୍ଧ୍ୟା ଆମ ଘରକୁ କିଛି ଅତିଥି ଆସିଥାନ୍ତି। ସେତେବେଳେ ମୁଁ ୧୦ କି ୧୧ ବର୍ଷ ଏବଂ ସାନ ଭାଇ ଅନୀଲ ୯ ବର୍ଷ ଥିଲେ। ଅନ୍ୟ ପିଲାଙ୍କ ସମୟ ମିଶି ଘରେ ବହୁତ୍ ଦୁଷ୍ଟ ହେଉଥିଲୁ। ମା’ ଅତିଥିଙ୍କ ପାଇଁ ଖାଇବା ଆଣିଥିଲେ। ଆମେ ଦୁଇଜଣ ମିଶି ଅତିଥି ଖାଇବା ପୂର୍ବରୁ ସବୁ ଖାଇଦେଇଥିଲୁ। ପିତା ମନେ ମନେ ବହୁତ୍ ରାଗୁଥିଲେ। କିନ୍ତୁ ଉପରୁ କହୁଥିଲେ ଦୁଷ୍ଟ ହୁଅ ନାହିଁ। କିନ୍ତୁ ଆମେ ତାଙ୍କ କଥା ନ ମାନି ସୋଫା ଉପରେ ଚଢି କୁଦିବା ଆରମ୍ଭ କଲୁ। ଏହାପର ଦିନ ସକାଳୁ ପିତା ଆମ ୨ ଜଣଙ୍କୁ ଡାକି କହିଲେ, ତୁମେ ୨ ଜଣ ଘରୁ ବାହାରି ଯାଅ। ତୁମେ ଆଜିଠୁ ଗ୍ୟାରେଜ୍ରେ ବନ୍ଦ ହୋଇ ରହିବ। ଯେଉଁ ପର୍ଯ୍ୟନ୍ତ ତୁମେ ୨ ଜଣ ନିଜ ଭୁଲ ନ ବୁଝିପାରିଛ ସେ ପର୍ଯ୍ୟନ୍ତ ଘରକୁ ଆସିବ ନାହିଁ। ମା’ ଛୋଟ ପିଲା ଦୁଷ୍ଟାମୀ କରନ୍ତି କହି ଯେତେ ଗୁହାରି କରିଥିଲେ ମଧ୍ୟ ସେ ଶୁଣି ନ ଥିଲେ। ଫଳରେ ଅନୀଲ ଆଉ ମୁଁ ଗ୍ୟାରେଜ୍ରେ ରହିଥିଲୁ। ଖାଇବାକୁ କେବଳ ରୁଟି ଏବଂ ପାଣି ମିଳିଥିଲା। ଏଠାରେ ୨ ଦିନର ରହଣି କାଳରେ ଆମ ଦୁଇ ଭାଇଙ୍କ ସମ୍ପର୍କ ମଜଭୁତ ହୋଇଥିଲା ଏବଂ ନିଜର ଭୁଲ୍ ବୁଝି ପାରିଥିଲୁ। ସେଦିନଠାରୁ ଆମ ଦୁଷ୍ଟାମୀ ବନ୍ଦ ହୋଇଥିଲା ବୋଲି ମୁକେଶ କହିଥିଲେ।
