ୟୁକ୍ରେନ୍‌ର ୪ ଅଞ୍ଚଳରେ ଗଣଭୋଟ

କିଭ୍‌/ମସ୍କୋ,୨୪ା୯: ମସ୍କୋ ଦଖଲରେ ଥିବା ୪ ଅଞ୍ଚଳ ଡୋନେସ୍କ, ଲୁହାନ୍‌ସ୍କ, ଖେରସୋନ ଓ ଜାପୋରିଝିଆ ରୁଷିଆରେ ସାମିଲ ହେବ ନା ପୂର୍ବବତ୍‌ ୟୁକ୍ରେନ୍‌ରେ ରହିବ ତାହା ହେଉଛି ବର୍ତ୍ତମାନ ସବୁଠୁ ବଡ଼ ପ୍ରଶ୍ନ। ଏହାର ଉତ୍ତର ପାଇବା ପାଇଁ ଏହି ୪ ୟୁକ୍ରେନୀୟ ଭୂଖଣ୍ଡରେ ଶୁକ୍ରବାରଠାରୁ ଗଣଭୋଟ ଆରମ୍ଭ ହୋଇଛି, ଯାହାକି ୫ ଦିନ ଧରି ଚାଲିବ। ଗଣଭୋଟ ମସ୍କୋ ସପକ୍ଷରେ ଗଲେ ୟୁକ୍ରେନ୍‌ର ୧୫% ଭାଗ ଆସୁଥିବା ଏହି ଅଞ୍ଚଳର ମିଶ୍ରଣ ରୁଷିଆ ଭୂଖଣ୍ଡ ସହ ହେବ। ତେଣୁ କିଭ୍‌ ପକ୍ଷରୁ ଗଣଭୋଟକୁ ବିରୋଧ କରାଯାଇଛି। ଏହି ବେଆଇନ ତଥା ଅବୈଧ ମତଦାନ ପ୍ରକ୍ରିୟା ଯୋଗୁ ଆଗକୁ ଉତ୍ତେଜନା ଆହୁରି ବୃଦ୍ଧି ପାଇବ ବୋଲି ୟୁକ୍ରେନ୍‌, ଆମେରିକା ଓ ପାଶ୍ଚାତ୍ୟ ରାଷ୍ଟ୍ରଗୁଡ଼ିକ ସମେତ ଜାତିସଂଘ ମଧ୍ୟ ନିନ୍ଦା କରିଛି।
ରୁଷିଆ ୭ ମାସ ଧରି ଯୁଦ୍ଧକରି ୟୁକ୍ରେନ୍‌ଠାରୁ ୪ ଅଞ୍ଚଳ ଛଡ଼ାଇନେଇଛି। ସେହି ଅଞ୍ଚଳଗୁଡ଼ିକରେ ଗଣଭୋଟ କରାଉଛି। ଯେଉଁମାନେ ଏହି ମତଦାନରେ ସାମିଲ ହେଉନାହାନ୍ତି ଦଣ୍ଡିତ ହେବେ ବୋଲି ମସ୍କୋ ପକ୍ଷରୁ ଧମକ ଦିଆଯାଇଛି। ଲୁହାନ୍‌ସ୍କ ଗଭର୍ନର ସେର୍ହି ଗଇଡାଇ କହିଛନ୍ତି, ଷ୍ଟାରୋବିଲ୍‌ସ୍କରେ ରୁଷୀୟ ଅଧିକାରୀମାନେ ଲୋକଙ୍କୁ ସହର ଛାଡ଼ି ଯିବାକୁ ଦେଉ ନାହାନ୍ତି। ସଶସ୍ତ୍ର ଗୋଷ୍ଠୀ ଘର ଘର ଯାଇ ଲୋକଙ୍କୁ ରୁଷିଆ ସପକ୍ଷରେ ଭୋଟ ଦେବାକୁ ବାଧ୍ୟ କରୁଛନ୍ତି। ଯୁଦ୍ଧ ପୂର୍ବ ଜନସଂଖ୍ୟାର ଅଧିକାଂଶ ଗଣପଳାୟନ କରିଥିବାରୁ କୌଣସି ଅନ୍ତର୍ଜାତୀୟ ସଂସ୍ଥା ପକ୍ଷରୁ ଏହି ୪ ଅଞ୍ଚଳରେ ପର୍ଯ୍ୟବେକ୍ଷକ ମଧ୍ୟ ନିଯୁକ୍ତ କରାଯାଇ ନାହିଁ। ନିର୍ବାଚନଗୁଡ଼ିକୁ ନିରୀକ୍ଷଣ କରୁଥିବା ଅର୍ଗାନାଇଜେଶନ୍‌ ଫର୍‌ ସିକ୍ୟୁରିଟି ଇନ୍‌ ୟୁରୋପ(ଓଏସ୍‌ସିଇ) ପକ୍ଷରୁ କୁହାଯାଇଛି ଯେ, ଏହି ରେଫରେଣ୍ଡମ୍‌ର ପରିଣାମ ଯାହା ଆସୁନା କାହିଁକି, ତାହା ବୈଧ ହେବ ନାହିଁ। ଅନ୍ୟପକ୍ଷେ ସ୍ଥାନୀୟ ଲୋକଙ୍କୁ ନିଜ ମତ ପ୍ରକାଶ ପାଇଁ ଏହା ଏକ ସୁଯୋଗ ବୋଲି ମସ୍କୋ କହିଛି। ପ୍ରକାଶ ଯେ, ଡୋନେସ୍କ, ଲୁହାନ୍‌ସ୍କ, ଖେରସୋନ ଓ ଜାପୋରିଝିଆ ଦଖଲ ପରଠାରୁ ସେଠାରେ ମସ୍କୋ ନିଜ ପ୍ରଶାସକମାନଙ୍କୁ ନିଯୁକ୍ତ କରିଛି। ୨୦୧୪ରେ ମଧ୍ୟ ରୁଷିଆ କ୍ରିମିଆ ଦଖଲ କରିବା ପୂର୍ବରୁ ସେଠାରେ ଗଣଭୋଟ କରାଇଥିଲା, ଯାହାର ପରିଣାମକୁ କୌଣସି ଅନ୍ତର୍ଜାତୀୟ ସଙ୍ଗଠନ ସ୍ବୀକୃତି ଦେଇନାହିଁ।

ପୁଟିନ୍‌ଙ୍କୁ ରୁଷିଆରେ ବିରୋଧ

୩ ଲକ୍ଷ ରିଜର୍ଭ ସୈନ୍ୟଙ୍କୁ ୟୁକ୍ରେନ୍‌ ବିରୋଧରେ ଯୁଦ୍ଧ ପାଇଁ ପଠାଇବାକୁ ଘୋଷଣା କରିଥିବା ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ଙ୍କୁ ନିଜ ଦେଶରେ ଘୋର ବିରୋଧର ସମ୍ମୁଖୀନ ହେବାକୁ ପଡ଼ିଛି। ଜୋରଜବଦସ୍ତ ସେନାରେ ସାମିଲ କରାଯିବା ଭୟରେ ଯୁବପିଢ଼ି ଦେଶ ଛାଡ଼ି ଅନ୍ୟତ୍ର ପଳାୟନ କରିବାରେ ଲାଗିଛନ୍ତି। ଏହି ପରିପ୍ରେକ୍ଷୀରେ ୧୮ରୁ ୫୫ ବର୍ଷୀୟଙ୍କୁ ରୁଷିଆରେ ବିମାନ ଟିକେଟ ଦିଆଯାଉ ନାହିଁ। ଡାକ୍ତର, ଶିକ୍ଷକ ଓ ବ୍ୟାଙ୍କ କର୍ମଚାରୀମାନଙ୍କୁ ଯୁଦ୍ଧ ପାଇଁ ପ୍ରସ୍ତୁତ ହେବାକୁ ମସ୍କୋ ପକ୍ଷରୁ କୁହାଯାଇଛି। ଫଳରେ ସେମାନେ ସୀମା ଦେଇ ଖସିଯିବାକୁ ଉଦ୍ୟମ କରୁଛନ୍ତି। ଏଥିଯୋଗୁ ରୁଷିଆ ସୀମାଗୁଡ଼ିକରେ ଟ୍ରାଫିକ୍‌ ଜାମ ହୋଇଛି। ପୁଟିନ୍‌ଙ୍କ ନିଷ୍ପତ୍ତି ପ୍ରତିବାଦରେ ରୁଷିଆର ୩୦ ସହରରେ ବିକ୍ଷୋଭ ପ୍ରଦର୍ଶନ କରାଯାଇଛି। ବହୁ ବିକ୍ଷୋଭକାରୀଙ୍କୁ ରୁଷିଆ ପୋଲିସ ଗିରଫ କରିଛି।


Enter your email to get our daily news in your inbox.

All Right Reserved By Dharitri.Com

୧୩ଜଣଙ୍କ ଜୀବନ ବଞ୍ଚାଇଲେ ୫ବର୍ଷର ଶିଶୁ

ଓ୍ବାଶିଂଟନ୍‌, ୩୦।୭: ଆମେରିକାର ଚିକାଗୋ ସହରରେ ଜଣେ ୫ବର୍ଷର ଶିଶୁ ପାଇଁ ଘରର ୧୩ ଜଣ ସଦସ୍ୟଙ୍କ ଜୀବନ ବଞ୍ଚିଯାଇଛି। ରୋଷେଇ ଘରେ ନିଆଁ ଲାଗିଥିବାର...

ଇମ୍ରାନଙ୍କ ଘୋଷଣା: ବିନା ପାସପୋର୍ଟରେ ପାକିସ୍ତାନ ଆସିପାରିବେ ଭାରତୀୟ ଶ୍ରଦ୍ଧାଳୁ

ଇସଲାମାବାଦ,୧।୧୧:କରତାରପୁର କରିଡର ଦେଇ ପାକିସ୍ତାନ ଆସୁଥିବା ଭାରତୀୟ ତୀର୍ଥଯାତ୍ରୀଙ୍କ ପାଇଁ ଖୁସି ଖବର ଆଣିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍‌। ବିନା ପାସପୋର୍ଟରେ ଭାରତୀୟ ଶ୍ରଦ୍ଧାଳୁ...

ଦେବାଳିଆ ପାକିସ୍ତାନ: ମିଟିଂରେ ଚା’, ବିସ୍କୁଟ ଉପରେ ରୋକ ଲଗାଇଲେ ଇମ୍ରାନ ସରକାର

ଇସଲାମାବାଦ,୨୬।୮: ପାକିସ୍ତାନର ଅର୍ଥନୈତିକ ସ୍ଥିତି ସମ୍ପୂର୍ଣ୍ଣ ଦେବାଳିଆ ହୋଇପଡିଛି। ଭାରତଠାରୁ ବ୍ୟବସାୟିକ ସମ୍ପର୍କ ଛିନ୍ନ କରିବା ପରେ ଏହାର ପ୍ରଭାବ ବଜାର ଦର ଉପରେ ପଡିଛି।...

ସେନାଙ୍କ ସହ କଫି ପିଇଲେ ଜେଲେନ୍‌ସ୍କି: ଭିଡିଓ ଭାଇରାଲ

କ୍ୱିଭ,୨୮।୨: ରୁଷିଆ ଓ ୟୁକ୍ରେନ ମଧ୍ୟରେ ଜାରି ରହିଥିବା ଯୁଦ୍ଧର ଆଜି ହେଉଛି ପଞ୍ଚମ ଦିନ। ଶକ୍ତିଶାଳୀ ରୁଷିଆ ସୈନ୍ୟଙ୍କ ସମ୍ମୁଖରେ ୟୁକ୍ରେନ ସୈନ୍ୟ ଦୃଢ଼ତାର...

ରୁଷିଆ-ୟୁକ୍ରେନ ଶେଷ ଆଲୋଚନା ବିଫଳ

କ୍ୱିଭ୍‌,୩୦ା୩: ରୁଷିଆ ଏବଂ ୟୁକ୍ରେନ ମଧ୍ୟରେ ହୋଇଥିବା ଶେଷ ଆଲୋଚନା ମଧ୍ୟ ବିଫଳ ହୋଇଥିବା ଜଣାପଡିଛି। ରୁଷିଆର ଶକ୍ତି କେନ୍ଦ୍ରର କ୍ରେମଲିନ କହିଛି, ୟୁକ୍ରେନ ସହ...

ଅଗଷ୍ଟ ଦ୍ୱିତୀୟ ସପ୍ତାହରେ ଆସିବ କରୋନା ଭ୍ୟାକ୍ସିନ

ମସ୍କୋ,୭।୮: କରୋନା ମହାମାରୀକୁ ନେଇ ସାରା ବିଶ୍ୱ ଚିନ୍ତାରେ ଥିବା ବେଳେ ଏବେ ଏହାର ଭ୍ୟାକ୍ସିନ ବା ଟିକା ପ୍ରସ୍ତୁତ କାମରେ ପ୍ରାୟ ସମସ୍ତ ବିକାଶଶୀଳ...

ଶେଷ ହେବ ରୁଷିଆ-ୟୁକ୍ରେନ ଯୁଦ୍ଧ!

କ୍ୱିଭ୍‌,୨୪ା୭: ରୁଷିଆ-ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଆଜି ୧୫୧ ଦିନରେ ପହଞ୍ଚିଛି। ଖୁସିର କଥା ହେଉଛି, ଏହି ଯୁଦ୍ଧରେ ପ୍ରଥମ ଥର ପାଇଁ ରୁଷିଆ ଏବଂ...

୨୦ ଫୁଟ ଗଭୀର ସମୁଦ୍ର ତଳେ ପେଣ୍ଟିଂ କରୁଛନ୍ତି ଚିତ୍ରକର

ହାଭାନା, ୨୨।୬: କ୍ୟୁବାର ଜଣେ ଚିତ୍ରକର ୨୦ ଫୁଟ ଗଭୀର ସମୁଦ୍ର ତଳେ ପେଣ୍ଟିଂ କରି ବେଶ୍‌ ଚର୍ଚ୍ଚାରେ ରହିଛନ୍ତି। ଏହା ଏକ ନିଆରା ଅନୁଭୁତି...

Advertisement
Archives

Model This Week