ଆବୁଧାବି, ୪।୧୦: ଚଳିତ ଆଇପିଏଲ୍ର ୧୫ତମ ମ୍ୟାଚ୍ରେ ଶନିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍ସିବି) ୮ ଉଇକେଟ୍ରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ବିରାଟ କୋହଲିଙ୍କ ନେତୃତ୍ୱାଧୀନ ବାଙ୍ଗାଲୋରର ଏହା ଚଳିତ ସିଜନରେ ୩ୟ ବିଜୟ ଥିଲା। ଏହି ବିଜୟ ସହ ଆର୍ସିବି ପଏଣ୍ଟ ଟେବୁଲର ଶୀର୍ଷ ସ୍ଥାନକୁ ଉଠିଛି। ମ୍ୟାଚ୍ ଶେଷ ହେବା ପରେ କୋହଲି ରାଜସ୍ଥାନ ଅଲ୍ରାଉଣ୍ଡର ରାହୁଲ ଟଓ୍ବୋତିଆଙ୍କୁ ଏକ ସ୍ବତନ୍ତ୍ର ଉପହାର ପ୍ରଦାନ କରିଥିଲେ। ଯାହାକୁ ନେଇ ଏବେ ସୋସିଆଲ୍ ମିଡିଆରେ ବେଶ୍ ଚର୍ଚ୍ଚା।
Rahul Tewatia is elated as he gets an autographed jersey by Virat Kohli.
Moments that matter the most 😍😍#Dream11IPL pic.twitter.com/NtVwpOLt1J
— IndianPremierLeague (@IPL) October 3, 2020
ଜିତି ସାରିଲା ପରେ କୋହଲି ନିଜର ଜର୍ସିରେ ଦସ୍ତଖତ କରି ଏହାକୁ ରାହୁଲଙ୍କୁ ପ୍ରଦାନ କରିଥିଲେ। ରାହୁଲଙ୍କୁ କୋହଲି ଜର୍ସି ପ୍ରଦାନ କରୁଥିବାର ଏକ ଫଟୋକୁ ଆଇପିଏଲ୍ ପକ୍ଷରୁ ଏହାର ଟୁଇଟର୍ ଆକାଉଣ୍ଟରେ ଶେୟାର କରାଯାଇଛି। ଏଠାରେ ଉଲ୍ଲେଖଯୋଗ୍ୟ, ଲେଗ୍-ସ୍ପିନ ଅଲ୍ରାଉଣ୍ଡର ରାହୁଲ କିଙ୍ଗ୍ସ ଇଲେଭେନ ପଞ୍ଜାବ ବିପକ୍ଷ ମ୍ୟାଚ୍ରେ ରାତାରାତି ଚର୍ଚ୍ଚାକୁ ଆସିଥିଲେ। ଏହି ମ୍ୟାଚ୍ରେ ସେ ପଞ୍ଜାବ ଦ୍ରୁତ ବୋଲର ସେଲଡନ୍ କଟ୍ରେଲଙ୍କ ଗୋଟିଏ ଓଭରରେ ୫ ଛକା ମାରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ସେହିଭଳି ବାଙ୍ଗାଲୋର ବିପକ୍ଷ ମ୍ୟାଚ୍ରେ ମଧ୍ୟ ଟଓ୍ବୋତିଆ ୧୨ ବଲରୁ ୨୪ ରନର ଦ୍ରୁତ ଇନିଂସ ଖେଳିଥିଲେ। ଟଓ୍ବୋତିଆଙ୍କ ଏଭଳି ଆକମଣାତ୍ମକ ବ୍ୟାଟିଂ ବୋଧ ହୁଏ କୋହଲିଙ୍କୁ ପସନ୍ଦ ଆସିଥିଲା। ଯେଉଁଥି ପାଇଁ ସେ ମ୍ୟାଚ୍ ପରେ ନିଜର ଅଟୋଗ୍ରାଫ୍ ଥିବା ଜର୍ସି ରାହୁଲଙ୍କୁ ପ୍ରଦାନ କରିଥିଲେ।
