ଅବହେଳା ଯୋଗୁ ଅସୁରକ୍ଷିତ

ବଇଣ୍ଡା,୮ା୧୧ (ପରିକ୍ଷିତ ସାହୁ): ବଢ଼ିଚାଲିଛି ବନ୍ୟସମ୍ପଦ ଲୁଟ୍‌ପାଟ। ନିୟମିତ ଗଛ କାଟୁଛନ୍ତି କାଠ ମାଫିଆ। ଚୋରି ହେଉଛି ଲଘୁ ଖଣିଜ ଦ୍ରବ୍ୟ। ଶିକାର ହେଉଛନ୍ତି ବନ୍ୟଜନ୍ତୁ। ଜଙ୍ଗଲ ମଧ୍ୟରେ ଏପରି ଅବାଧ ପ୍ରବେଶ, ଚୋରି ଓ ଶିକାର ଘଟଣାକୁ ରୋକିପାରୁନି ଦାୟିତ୍ୱରେ ଥିବା ବନ ବିଭାଗ। ବିଭାଗୀୟ ଅଧିକାରୀମାନଙ୍କ ଅବହେଳା ଯୋଗୁ ଅଧିକ ପ୍ରଭାବିତ ତଥା ଅସୁରକ୍ଷିତ ହେଉଛନ୍ତି ହାତୀ। ଜଙ୍ଗଲ ମଧ୍ୟରେ ଖାଦ୍ୟାଭାବର ଶିକାର ହେଉଥିବାରୁ ଏହି ବିଶାଳକାୟ ପ୍ରାଣୀ ଗାଁ ମୁହାଁ ହେଉଛି। ହେଲେ ବାର୍‌ହା ଶିକାରୀଙ୍କ ବିଦ୍ୟୁତ୍‌ ଫାଶ ଏମାନଙ୍କ ପାଇଁ କାଳ ସାଜୁଛି। ଅନୁଗୋଳ ଜିଲା ଆଠମଲ୍ଲିକ ବନଖଣ୍ଡରେ ଗୋଟିଏ ପରେ ଗୋଟିଏ ହାତୀଙ୍କ ମୃତ୍ୟୁ ଏହି କାରଣରୁ ହେଉଥିବା ଅଭିଯୋଗ ହେଉଥିଲେ ହେଁ ତଦନ୍ତ ଜାରି ରହିଥିବା କହି ଏହାକୁ ଲୁଚାଇବାର ଉଦ୍ୟମ କରାଯାଉଛି।
ଆଠମଲ୍ଲିକ ବନଖଣ୍ଡରେ ବିଦ୍ୟୁତ୍‌ ଫାଶରେ ପଡ଼ି ହାତୀଙ୍କ ଜୀବନ ଯିବା ବାରମ୍ବାର ଦେଖାଯାଉଛି। ବନଖଣ୍ଡର ଆଠମଲ୍ଲିକ, ମାଧପୁର, ଧଣ୍ଡାଟୋପା, ହଣ୍ଡପା ଓ ବାମୁର ରେଞ୍ଜରେ ହାତୀଙ୍କ ଚଳପ୍ରଚଳ ଥିବାବେଳେ ହଣ୍ଡପା, ମାଧପୁର ଓ ବାମୁର ରେଞ୍ଜରେ ଶିକାରୀ ଅଧିକ ସକ୍ରିୟ ରହିଥିବା କୁହାଯାଉଛି। କାରଣ ଏକାଧିକ ହାତୀଙ୍କ ଜୀବନ ଶିକାରୀମାନଙ୍କ ଦ୍ୱାରା ବିଛାଯାଇଥିବା ବିଦ୍ୟୁତ୍‌ ତାରରେ ଲାଗି ଯାଇଛି। ୧୪ ନଭେମ୍ବର ୨୦୧୮ରେ ହଣ୍ଡପା ରେଞ୍ଜ ସାପଘରା ପଞ୍ଚାୟତର ହେମାମୁରା ଜଙ୍ଗଲରେ ଏକ ଦନ୍ତା ହାତୀ ବିଦ୍ୟୁତ୍‌ ଫାଶରେ ପଡ଼ି ପ୍ରାଣ ହରାଇଥିଲା। ସେହିପରି ୨୫ ନଭେମ୍ବର ୨୦୧୯ରେ ଟେଣ୍ଟୁଲି ଜଙ୍ଗଲରେ ଏକ ଦନ୍ତା ହାତୀର ମୃତ୍ୟୁ ହୋଇଥିଲା। ଜଙ୍ଗଲରେ ବିଛାଯାଇଥିବା ବିଦ୍ୟୁତ୍‌ ତାର ହାତୀ ମୃତ୍ୟୁର କାରଣ ବୋଲି କୁହାଯାଉଥିଲେ ହେଁ ବନ ବିଭାଗ ପ୍ରମାଣ ପାଇପାରି ନ ଥିଲା। ଏହି ରେଞ୍ଜର ନାକିଚି ଜଙ୍ଗଲଠାରେ ୫ ଜୁନ ୨୦୨୧ରେ ଏକ ମାଈ ହାତୀର ମୃତ୍ୟୁ ହୋଇଥିଲା। ମୃତ ଶରୀରରୁ ଗୁଳି ମିଳିଥିବାରୁ ଏଥିରେ ଶିକାରୀଙ୍କ ହାତ ଥିବା ଜଣାପଡ଼ିଥିଲା। ମାଧପୁର ରେଞ୍ଜର ମୁଣ୍ଡାପଡା ଖେସ୍ରା ଜଙ୍ଗଲରେ ୧୫ ଅକ୍ଟୋବର ୨୦୨୨ରେ ଏକ ଅଣ୍ଡିରା ହାତୀର ମୃତ୍ୟୁ ହୋଇଥିଲା। ସେହିପରି ବାମୁର ରେଞ୍ଜ ଶାନ୍ତିପୁର ଜଙ୍ଗଲରେ ୨୮ ଅକ୍ଟୋବର ୨୦୨୨ରେ ଏକ ମାଈ ହାତୀର ମୃତ୍ୟୁ ହୋଇଥିଲା। ବାର୍‌ହା ଶିକାର ଉଦ୍ଦେଶ୍ୟରେ ବସାଯାଇଥିବା ବିଦ୍ୟୁତ୍‌ ଫାଶ ହାତୀର ଜୀବନ ନେଇଥିବା ଚର୍ଚ୍ଚା ଲାଗି ରହିଥିଲେ ବି ବନ ବିଭାଗର ତଦନ୍ତ ଶେଷ ହୋଇପାରି ନାହିଁ। ଜଙ୍ଗଲ ଓ ବନ୍ୟଜନ୍ତୁଙ୍କ ସୁରକ୍ଷାକୁ ସରକାର ଗୁରୁତ୍ୱ ଦେଉଛନ୍ତି। ବିଶେଷକରି ଐତିହ୍ୟ ପ୍ରାଣୀ ହାତୀ ମୃତ୍ୟୁକୁ ନେଇ ନାନା ତନାଘନା ହେଉଛି। ନୂଆ ନୂଆ ଯୋଜନା ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି। ସଚେତନତା କାର୍ଯ୍ୟକ୍ରମମାନ ହାତକୁ ନିଆଯାଉଛି। ହେଲେ ବନ ବିଭାଗ ଯତ୍ନବାନ ହେଉ ନ ଥିବାରୁ ହାତୀ ମୃତ୍ୟୁ ଘଟଣା ବଢ଼ିଚାଲିଥିବା ଅଭିଯୋଗ ହେଉଛି। ଏ ନେଇ ଆଠମଲ୍ଲିକ ଡିଏଫ୍‌ଓ ଏସ୍‌.ଆନନ୍ଦ କହିଛନ୍ତି, ହାତୀକୁ ସୁରକ୍ଷା ଦେବା ପାଇଁ ବନ ବିଭାଗ ପକ୍ଷରୁ ପଦକ୍ଷେପ ନିଆଯାଉଛି। ବିଭିନ୍ନ ଗ୍ରାମରେ ସଚେତନତା କାର୍ଯ୍ୟକ୍ରମ କରାଯାଉଛି।

ବିଭାଗ ଯତ୍ନବାନ ହେଉନି
ଜଙ୍ଗଲରେ ଖାଦ୍ୟ ବୃଦ୍ଧି ପ୍ରତି ଦୃଷ୍ଟି ଦିଆଯାଉ ନ ଥିବାରୁ ହାତୀପଲ ଧାନ, ଆଖୁ ଆଦି ଖାଇବାକୁ ଗଁା ମୁହଁା ହେଉଛନ୍ତି। ଫଳରେ ଚାଷୀ କ୍ଷତିଗ୍ରସ୍ତ ହେଉଥିବାବେଳେ ଉପଯୁକ୍ତ କ୍ଷତିପୂରଣ ମିଳୁନି। ଅନେକ ସମୟରେ ଗଁା ମୁହଁା ହାତୀ ବାର୍‌ହା ପାଇଁ ବସାଯାଇଥିବା ବିଦ୍ୟୁତ୍‌ ଫାଶରେ ପଡ଼ି ପ୍ରାଣ ହରାଉଛନ୍ତି। ବନ ବିଭାଗ ଯତ୍ନବାନ ହେଉ ନ ଥିବାରୁ ଏପରି ଘଟଣା ବଢ଼ିଚାଲିଛି।
-ଶିବରାମ ନାୟକ, ସାନହୁଲା

ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦିଅନ୍ତୁ
ଆଠମଲ୍ଲିକ ବନଖଣ୍ଡରେ ଗୋଟିଏ ପରେ ଗୋଟିଏ ହାତୀ ବିଦ୍ୟୁତ୍‌ ଫାଶରେ ପଡ଼ୁଛନ୍ତି। ହେଲେ ଏହାକୁ ରୋକିବା ଦିଗରେ ବନ ବିଭାଗ ଉପଯୁକ୍ତ ପଦକ୍ଷେପ ନେଉନାହିଁ। ଏପରି କି ଠିକ୍‌ ଭାବେ ତଦନ୍ତ କରି ଶିକାରୀଙ୍କୁ ଗିରଫ କରାଯାଉ ନାହିଁ। ଏଥିପ୍ରତି ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବା ଆବଶ୍ୟକ।
-ଭଗବାନ ଘିୱାଲା, ବଇଣ୍ଡା

ଆଗେ ଅଧିକାରୀ ସଚେତନ ହୁଅନ୍ତୁ
ହାତୀଙ୍କ ସୁରକ୍ଷା ପାଇଁ ବନ ବିଭାଗ ପକ୍ଷରୁ ଲୋକଙ୍କୁ ସଚେତନ କରାଯାଉଥିବା କୁହାଯାଉଛି। ହେଲେ ଆଠମଲ୍ଲିକ ବନଖଣ୍ଡରେ ଯେପରି ବିଦ୍ୟୁତ୍‌ ଫାଶରେ ପଡ଼ି ହାତୀ ମୃତ୍ୟୁ ଘଟଣା ବଢ଼ିଚାଲିଛି ସେଥିରୁ ବିଭାଗର ଅବହେଳା ବାରି ହୋଇପଡ଼ୁଛି। ତେଣୁ ପ୍ରଥମେ ନିଜ କର୍ତ୍ତବ୍ୟ ପ୍ରତି ବିଭାଗୀୟ ଅଧିକାରୀ ସଚେତନ ହୁଅନ୍ତୁ।

-ଧ୍ରୁବଚରଣ ସାହୁ, ବଡ଼ଗୋବିନ୍ଦପୁର
ଜଙ୍ଗଲରେ ଖାଦ୍ୟ ଯାଞ୍ଚ ହେଉନି
ବନ ବିଭାଗ ଅଧିକାରୀମାନେ ଠିକ୍‌ ଭାବେ ଜଙ୍ଗଲ ପରିଦର୍ଶନ କରୁନାହାନ୍ତି। ହାତୀଙ୍କ ପାଇଁ ପର୍ଯ୍ୟାପ୍ତ ଖାଦ୍ୟ ରହିଛି କି ନାହିଁ ତାହାର ଯାଞ୍ଚ କରୁନାହାନ୍ତି। ବନ ବିଭାଗର ଏହି ଅବହେଳା ଯୋଗୁ ହାତୀ ଜଙ୍ଗଲରୁ ବାହାରକୁ ଆସି ଖାଦ୍ୟ ଖୋଜିବା ବେଳେ ବାର୍‌ହା ପାଇଁ ବସାଯାଇଥିବା ବିଦ୍ୟୁତ୍‌ ଫାଶରେ ପଡ଼ି ପ୍ରାଣ ହରାଉଛି।
-ଅଞ୍ଜନ କୁମାର ପ୍ରଧାନ, ଆଇନଜୀବୀ, ଆଠମଲ୍ଲିକ


Enter your email to get our daily news in your inbox.

All Right Reserved By Dharitri.Com

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

ତାମିଲନାଡୁରେ ଚାଞ୍ଚଲ୍ୟ: ଟ୍ରେନ୍‌ରେ ମହିଳାଙ୍କୁ ବଳାତ୍କାର ପରେ ହତ୍ୟା

ଚେନ୍ନାଇ,୨୧ା୧୧: ତାମିଲନାଡୁର କନ୍ୟାକୁମାରୀ ଜିଲା ଅନ୍ତର୍ଗତ ନାଗେରକଏଲ ରେଲ୍‌ଓ୍ବେ ୟାର୍ଡରେ ଗତ ୧୩ ତାରିଖରେ ଏକ ଅବ୍ୟବହୃତ ଟ୍ରେନ୍‌ ବଗିରୁ ଜଣେ ୫୪ ବର୍ଷୀୟ ମହିଳାଙ୍କ ମୃତଦେହ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

Kartik Purnima 2026: ସ୍ନାନ-ଦାନଠାରୁ ଆରମ୍ଭ କରି ଦୀପଦାନ ପର୍ଯ୍ୟନ୍ତ, ଏହି ଦିନ ନିଶ୍ଚୟ କରନ୍ତୁ ଏହି ୫ଟି ଶୁଭ କାର୍ଯ୍ୟ!

କାର୍ତ୍ତିକ ମାସ ଶୁକ୍ଳ ପକ୍ଷ ପୂର୍ଣ୍ଣିମା ତିଥିରେ ପାଳିତ ହେଉଥିବା କାର୍ତ୍ତିକ ପୂର୍ଣ୍ଣିମାକୁ ହିନ୍ଦୁ ଧର୍ମରେ ଅତ୍ୟନ୍ତ ପବିତ୍ର ଓ ମହତ୍ତ୍ୱପୂର୍ଣ୍ଣ ମନେ କରାଯାଏ। ସ୍ନାନ, ଦାନ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?