ବଦଳୁନି ଆପରାଧିକ ମନୋଭାବ

ଅନୁଗୋଳ ଅଫିସ, ୧୧ା୪:  ଅପରାଧରେ ଜଡ଼ିତ ଅଭିଯୋଗରେ ଜେଲ ପଠାଯାଉଛି। ମାସ ମାସ ଧରି କାରାଗାରାରେ ରଖାଯାଇ ଦଣ୍ଡିତ କରାଯାଉଛି। ଆପରାଧିକ କାର୍ଯ୍ୟ ଛାଡ଼ି ସାଧାରଣ ଜୀବନକୁ ଫେରିବା ପାଇଁ ଜେଲ୍‌ ସଂସ୍କାର ପ୍ରକ୍ରିୟାରେ ବହୁ ନୀତିଶିକ୍ଷା ଦିଆଯାଉଛି। ହେଲେ କେତେଜଣ ଅଭ୍ୟାସଗତ ଅପରାଧୀଙ୍କ ମନୋଭବରେ ପରିବର୍ତ୍ତନ ଆସୁନାହିଁ। ବିଭିନ୍ନ ଉପାୟରେ ଜେଲ୍‌ରୁ ବାହାରିବା ପରେ ପୁଣି ସେମାନେ ଆପରାଧିକ କାର୍ଯ୍ୟରେ ଜଡ଼ିତ ରହୁଛନ୍ତି। ଏହାକୁ ନେଇ ଅନୁଗୋଳ ପୋଲିସର ମୁଣ୍ଡବିନ୍ଧା ଆରମ୍ଭ ହୋଇଛି। ଏପରି ପୁରୁଣା ଦାଗୀଙ୍କ ଉପରେ କଡ଼ା ନଜର ରଖିବାକୁ ସବୁ ଥାନା ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି।
ଅନୁଗୋଳ ଜିଲାରେ ଲୁଟ୍‌, ଡକାୟତି, ଗଣ୍ଡଗୋଳ ଠାରୁ ଆରମ୍ଭ କରି ଚୋରା କୋଇଲା ଓ ମଦ କାରବାରରେ ବହୁ ପୁରୁଣା ଅପରାଧୀଙ୍କ ହାତ ରହୁଛି। ଏହା ଜଣାପଡ଼ିବା ପରେ ସେମାନଙ୍କୁ ଧରିବାକୁ ବିଭିନ୍ନ ସମୟରେ ଅନୁଗୋଳ ପୋଲିସ ମୁଖ୍ୟାଳୟ ପକ୍ଷରୁ ସମସ୍ତ ଥାନାକୁ କୁହାଯାଉଛି। କିନ୍ତୁ କେତେଜଣ ଧରାପଡ଼ୁଧିବାବେଳେ ଆଉ କେତେଜଣ ଫେରାର ହୋଇଯାଉଛନ୍ତି। କିଛିଦିନ ଲୁଚି ରହିବା ପରେ ପରିସ୍ଥିତି ଶାନ୍ତ ଦେଖି ପୁଣି ଆପରାଧିକ କାର୍ଯ୍ୟକଳାପ ଆରମ୍ଭ କରିଦେଉଛନ୍ତି। ଛେଣ୍ଡିପଦା ଓ ତାଳଚେର ଅଞ୍ଚଳରେ ହେଉଥିବା ଚୋରା କୋଇଲା କାରବାରରେ ଏପରି ବହୁ ପୁରୁଣା କୋଇଲା ମାଫିଆଙ୍କ ବାରମ୍ବାର ସମ୍ପୃକ୍ତି ପୋଲିସ ଜାଣିବାକୁ ପାଉଛି। ସେହିପରି ଅନୁଗୋଳ ସହର ଉପକଣ୍ଠରେ ଗତମାସ ପ୍ରଥମ ସପ୍ତାହରେ କେତେଜଣ ଦୁର୍ବୃତ୍ତ ଜଣେ ପୂର୍ବତନ ସରପଞ୍ଚଙ୍କ ଘର ଆଗରେ ଗଣ୍ଡଗୋଳ କରିଥିଲେ। ଖଣ୍ଡା ଓ ଭୁଜାଲି ବୁଲାଇ ଲୋକଙ୍କୁ ଭୟଭୀତ କରାଇଥିଲେ। ଘରର କାଚ, ଆସବାବପତ୍ର ଭାଙ୍ଗି ଦେଇଥିଲେ। ପୋଲିସ ତଦନ୍ତ ବେଳେ ଘଟଣାରେ ପୁରୁଣା ଦାଗୀମାନେ ସାମିଲ ଥିବା ଜଣାପଡ଼ିଥିଲା। ସେମାନଙ୍କ ମଧ୍ୟରୁ ଜଣେ ନିକଟରେ ବେଲ୍‌ରେ ଜେଲ୍‌ରୁ ବାହାରିଥିଲେ। କେବଳ ଏହି ଗୋଟିଏ ଘଟଣାରେ ନୁହେଁ, ବେଲ୍‌ରେ ଆସିଥିବା ସମ୍ପୃକ୍ତ ଦାଗୀଜଣକ ଗତ ଦୋଳପୂର୍ଣ୍ଣିମାରେ ସହରର ଡିଆସି ଛକରେ ନିଜ ଗୋଷ୍ଠୀଙ୍କୁ ଧରି ଗଣ୍ଡଗୋଳ କରିଥିଲେ। ସେଠାରେ ଖଣ୍ଡା ଓ ଭୁଜାଲି ବୁଲାଇ ସାଧାରଣରେ ଆତଙ୍କ ସୃଷ୍ଟି କରିଥିଲେ। ସେହିପରି ଆଉ କେତେଜଣ ଅପରାଧୀ ନିୟମିତ ଭାବେ ଡ୍ରଗ୍ସ କାରବାରରେ ସମ୍ପୃକ୍ତ ରହୁଛନ୍ତି। ଏକାଧିକ ଥର ଜେଲ୍‌ ଯାଇଥିଲେ ବି ବାହାରକୁ ବାହାରିବା ମାତ୍ରେ ପୁଣି ସେହି ପୁରୁଣା କାରବାର ଚଳାଇ ଲକ୍ଷ ଲକ୍ଷ ଟଙ୍କା ଉପାର୍ଜନ କରୁଛନ୍ତି। ତେଣୁ ଜିଲାରେ ଅପରାଧ ସଂଖ୍ୟା ବଢ଼ାଉଥିବା ଏପରି ଅଭ୍ୟାସଗତ ଅପରାଧୀମାନଙ୍କୁ ଧରିବା ଓ ସେମାନଙ୍କ ଉପରେ କଡ଼ା ନଜର ରଖିବାକୁ ଯୋଜନା ପ୍ରସ୍ତୁତ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି।

ପ୍ରକୃତ ଅପରାଧୀଙ୍କୁ ଧରାଯାଉ
ବିଭିନ୍ନ ସମୟରେ ପୋଲିସ ନିରୀହ ଯୁବକମାନଙ୍କୁ ମିଛ ମାମଲାରେ ଫସାଉଛି। ଜେଲରୁ ବାହାରିବା ପରେ ସେମାନଙ୍କ ମଧ୍ୟରୁ କେତେଜଣ ସୁଧୁରି ଯାଉଛନ୍ତି। ଆଉ କେତେଜଣ ପୋଲିସ ପାଇଁ ମୁଣ୍ଡବିନ୍ଧାର କାରଣ ପାଲଟୁଛନ୍ତି। ତେଣୁ ପ୍ରକୃତ ଅପରାଧୀଙ୍କୁ ଧରାଗଲେ ଜିଲାରେ ଅପରାଧ ସଂଖ୍ୟା ହ୍ରାସ ପାଇବ।
-ପ୍ରଦୀପ ଦେବତା, ଆଇନଜୀବୀ, ଅନୁଗୋଳ

କାଉନସେଲିଂ କରାଯିବା ଆବଶ୍ୟକ
କେବଳ ଜେଲ୍‌ ଭିତରେ ନୁହେଁ, ବାହାରକୁ ଆସିବା ପରେ ମଧ୍ୟ ଏପରି ପୁରୁଣା ଦାଗୀମାନଙ୍କ କାଉନସେଲିଂର ଆବଶ୍ୟକତା ରହିଛି। ଏହାଛଡ଼ା ବିଭିନ୍ନ ସମୟରେ ଥାନାକୁ ଡାକି ହାଜିରା ନେବା ସହ କାର୍ଯ୍ୟକଳାପ ଉପରେ ପୋଲିସ ସତର୍କ ନଜର ରଖିବା ଜରୁରୀ। ରୋଜଗାର ପାଇଁ ବିଭିନ୍ନ ତାଲିମ ବ୍ୟବସ୍ଥା କରାଗଲେ ଭଲ ହୁଅନ୍ତା।
-ରଞ୍ଜନ ଧୀରସାମନ୍ତ, ବୁଦ୍ଧିଜୀବୀ

ଚାର୍ଜଶିଟ୍‌ରେ କଡ଼ା ଦଫା ଲଗାଯାଉ
ଅନେକ ସମୟରେ ପୋଲିସ ଠିକ୍‌ ଭାବେ ତଦନ୍ତ କରୁନାହିଁ। କୋହଳ ଦଫା ଲଗାଇ କୋର୍ଟରେ ଚାର୍ଜଶିଟ୍‌ ଦାଖଲ କରୁଛି। ସେଥିପାଇଁ ଅପରାଧୀମାନେ ଶୀଘ୍ର ଜେଲରୁ ମୁକୁଳି ଯାଉଛନ୍ତି। ଏହା ହିଁ ସେମାନଙ୍କୁ ଅଧିକ ଅପରାଧ ଦିଗରେ ପ୍ରୋତ୍ସାହିତ କରୁଛି। କଡ଼ା ଦଫା ସହ ଉପଯୁକ୍ତ ଦଣ୍ଡ ମିଳିଲେ ସେମାନେ ସୁଧୁରିବେ।
-ରଶ୍ମିରଞ୍ଜନ ପ୍ରଧାନ, ବୁଦ୍ଧିଜୀବୀ

ସବୁ ଥାନାକୁ ନିର୍ଦ୍ଦେଶ ଦିଆଯାଇଛି
ଜେଲରୁ ଫେରୁଥିବା ଅଭ୍ୟାସଗତ ଅପରାଧୀମାନେ ପୁଣି ଆପରାଧିକ କାର୍ଯ୍ୟରେ ସାମିଲ ରହୁଛନ୍ତି। ଏମାନଙ୍କ ଉପରେ ସ୍ବତନ୍ତ୍ର ଦୃଷ୍ଟି ରଖିବାକୁ ସମସ୍ତ ଥାନା ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି। ଏହାଛଡ଼ା ପୋଲିସର ଗୋଇନ୍ଦା ବିଭାଗକୁ ମଧ୍ୟ ସଜାଗ ରଖାଯାଇଛି। ଜନସାଧାରଣଙ୍କୁ ସୂଚନା ଦେବାକୁ କୁହାଯାଇଛି।
-ଜଗମୋହନ ମୀନା, ଅନୁଗୋଳ ଏସ୍‌ପି


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଆବାସ ନାହିଁ କି ରୋଜଗାର ନାହିଁ, ଆମେ ବଞ୍ଚିବୁ କେମିତି?’ ବାତ୍ୟା ଆଶ୍ରୟସ୍ଥଳୀରେ ଜିଲାପାଳଙ୍କୁ ଗୁହାରି କଲେ ଜନଜାତି

ମହାକାଳପଡ଼ା,୨୧ା୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳରେ ବାତ୍ୟା ଅକ୍ୱାନ ପ୍ରଭାବରେ ପ୍ରଶାସନ ପକ୍ଷରୁ ଆଶ୍ରୟସ୍ଥଳୀରେ ବିପନ୍ନମାନଙ୍କୁ ଥଇଥାନ କରାଯାଇଛି। ଏ ନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?