କଟକଣା ନ ମାନି କାରବାର

ଅନୁଗୋଳ ଅଫିସ, ୨୪।୪

ଅନୁଗୋଳ ଜିଲାରେ କରୋନାର ଦ୍ରୁତ ସଂକ୍ରମଣ ଜାରି ରହିଛି। ବିଶେଷକରି ଅନୁଗୋଳ, ତାଳଚେର ଓ କିଶୋରନଗର ବ୍ଲକରୁ ଦୈନିକ ଅଧିକ ସଂଖ୍ୟକ ପଜିଟିଭ୍‌ ଚିହ୍ନଟ ହେଉଛନ୍ତି। ତେଣୁ ଏଠାରେ କରୋନା ଚେନ୍‌ ଭାଙ୍ଗିବାକୁ ଅନୁଗୋଳ ଓ ତାଳଚେର ପୌରାଞ୍ଚଳ ସହ କିଶୋରନଗରର ବଇଣ୍ଡା ବଜାରକୁ ସପ୍ତାହାନ୍ତ ଶଟ୍‌ଡାଉନ୍‌ ପୂର୍ବରୁ ଗୁରୁବାର ରାତି ୯ଟାରୁ ବନ୍ଦ ରଖିବା ପାଇଁ ପ୍ରଶାସନ ପକ୍ଷରୁ ଘୋଷଣା କରାଯାଇଥିଲା। ଏ ନେଇ ସମସ୍ତ ବ୍ୟବସାୟୀ, ଜନସାଧାରଣଙ୍କୁ ଡାକବାଜି ଯନ୍ତ୍ର ଯୋଗେ ଜଣାଇ ଦିଆଯାଇଥିଲା। କିନ୍ତୁ ଏହି କଟକଣାକୁ ଶୁକ୍ରବାର ଅନୁଗୋଳ ସହରରେ ଉଲ୍ଲଂଘନ କରାଯାଇଥିବା ଦେଖାଯାଇଛି। କେତେଜଣ ଅମାନିଆ ବ୍ୟବସାୟୀ ବିଭିନ୍ନ ବାହାନାରେ ସକାଳେ ଦୋକାନ ଖୋଲି କାରବାର କରିଛନ୍ତି। କିଏ ଚା’ ତ ଆଉକିଏ ବରା ଓ ମିଠା ବିକ୍ରି କରିଛନ୍ତି। କିଛି କାମ ନ ଥିଲେ ମଧ୍ୟ ବହୁ ଅମାନିଆ ସହରରେ ବୁଲାବୁଲି କରିଛନ୍ତି। ତେବେ ଶନିବାର ଓ ରବିବାର ସପ୍ତାହାନ୍ତ ଶଟ୍‌ଡାଉନ୍‌ ସମୟରେ ପ୍ରଶାସନ ଅମାନିଆଙ୍କ ପ୍ରତି କଠୋର ହେବ ବୋଲି ସୂଚନା ମିଳିଛି।
ଗୁରୁବାର ରାତି ୯ଟାରୁ ବନ୍ଦ ରହିଥିବା ତାଳଚେର ପୌରାଞ୍ଚଳ ଓ ବଇଣ୍ଡା ବଜାରରେ କଟକଣା ଉଲ୍ଲଂଘନର ସେପରି ଚିତ୍ର ଦେଖିବାକୁ ମିଳି ନ ଥିଲା। ଏଠାରେ କୌଣସି ବ୍ୟବସାୟ ପ୍ରତିଷ୍ଠାନ ଖୋଲା ନ ଥିଲା। ହେଲେ ଅନୁଗୋଳ ସହରରେ ନିୟମ ମାନିବାକୁ ଯେପରି କେହି ପ୍ରସ୍ତୁତ ନ ଥିଲେ। ଏପରି କି ପୋଲିସ ଟ୍ରେନିଂ କଲେଜ (ପିଟିସି)ରେ ପ୍ରଶିକ୍ଷଣ ପରେ କେତେଜଣ ପୋଲିସ ବାବୁ ସକାଳୁ ପାନ, ଚା ପିଇବାକୁ ଶିମିଳିପଡ଼ା ଛକକୁ ଚାଲିଆସିଥିଲେ। ସେହିପରି ମିଠା ଗଣିବା ବାହାନାରେ ଜଣେ ବ୍ୟବସାୟୀ ଦୋକାନ ଖୋଲିଥିବା ବେଳେ ସହରର ଏକ ଜଳଖିଆ ଦୋକାନରେ ପ୍ରବଳ ବେପାର ହୋଇଥିଲା। ସିଙ୍ଗଡ଼ା, କାକରା, ଆଳୁଚପ୍‌ ଓ ଇଡ୍‌ଲି ଥିଲେ ମଧ୍ୟ ବରା ପାଇଁ ଅମାନିଆ ଗ୍ରାହକ ଆଗ୍ରହ ଦେଖାଇବାରୁ ଦୋକାନୀ ଜଣକ ଘରୁ ବିରି ଆଣ ମଗାଇ ବରା ଛାଣି ବିକ୍ରି କରିଥିଲେ। ସେହିପରି ମାଛ ମାର୍କେଟ୍‌ରେ ଭୋରୁ ମାଛ ନେଇ କେତେଜଣ ବ୍ୟବସାୟୀ ପହଞ୍ଚିଥିବା ଦେଖିବାକୁ ମିଳିଥିଲା। ଜରୁରୀ କାର୍ଯ୍ୟ ନ ଥାଇ ବଜାରକୁ ଆସିଥିବା କେତେଜଣଙ୍କଠାରୁ ପୋଲିସ ଓ ପ୍ରଶାସନ ଜରିମାନା ଆଦାୟ କରିଥିଲା। ଶନିବାର ଓ ରବିବାର ସପ୍ତାହାନ୍ତ ଶଟ୍‌ଡାଉନ୍‌ ଘୋଷଣା ହୋଇଥିବାରୁ ଏହି ସମୟରେ କେହି ଦୋକାନ ଖୋଲିଲେ କି କଟକଣା ଭାଙ୍ଗି ବୁଲାବୁଲି କଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।
ଥାନାରେ ମାମଲା ହେବ
କେତେଜଣ ବ୍ୟବସାୟୀ ଦୋକାନ ଖୋଲିଥିବା ଅଭିଯୋଗ ଆସିଛି। କେତେଜଣ ଲୋକ ଅଯଥାରେ ବଜାରକୁ ଆସିଥିବା ଦେଖାଯାଇଛି। ଶନିବାର ଠାରୁ କାର୍ଯ୍ୟାନୁଷ୍ଠାନକୁ ଜୋର୍‌ଦାର କରାଯିବ। ଆବଶ୍ୟକ ପଡ଼ିଲେ ଥାନାରେ ଫୌଜଦାରି ମାମଲା ରୁଜୁ କରାଯିବ।
-ଗିରିଜା ଶଙ୍କର ମଲ୍ଲିକ, ପୌରନିର୍ବାହୀ ଅଧିକାରୀ, ଅନୁଗୋଳ

ବ୍ୟବସାୟୀ ନିୟମ ମାନିଛନ୍ତି
ତାଳଚେର ସହରରେ ଲଗାଯାଇଥିବା କଟକଣାକୁ ବ୍ୟବସାୟୀମାନେ ମାନିଛନ୍ତି। କେତେଜଣ ଅମାନିଆ କଟକଣା ଉଲ୍ଲଂଘନ କରିଥିବାରୁ ୧୧ ହଜାର ଟଙ୍କା ଜରିମାନା ଆଦାୟ କରାଯାଇଛି। ୭ଟି ଏନ୍‌ଫୋର୍ସମେଣ୍ଟ ଟିମ୍‌ ଶନିବାର ଓ ରବିବାର ବିଭିନ୍ନ ସ୍ଥାନରେ ଯାଞ୍ଚ କରିବ।
-ରଶ୍ମିରେଖା ଅମାନ୍ତ, ପୌରନିର୍ବାହୀ ଅଧିକାରୀ, ତାଳଚେର

୫ ପ୍ଲାଟୁନ୍‌ ଫୋର୍ସ ମୁତୟନ
ଜିଲାର ବିଭିନ୍ନ କ୍ଲଷ୍ଟରେ ଘୋଷଣା ହୋଇଥିବା ଶଟ୍‌ଡାଉନ୍‌ କଡ଼ାକଡ଼ି କରିବାକୁ ପ୍ରଶାସନକୁ ପୂର୍ଣ୍ଣମାତ୍ରାରେ ପୋଲିସ ସହଯୋଗ କରୁଛି। ଏଥିପାଇଁ ଜିଲାରେ ୫ ପ୍ଲାଟୁନ୍‌ ଫୋର୍ସ ମୁତୟନ ରହିଛନ୍ତି। ଅମାନିଆଙ୍କୁ ସାବାଡ଼ କରିବାକୁ ପ୍ରତି ଥାନା ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି।
-ଜଗମୋହନ ମୀନା, ଏସ୍‌ପି, ଅନୁଗୋଳ

ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ
ବଇଣ୍ଡା ବଜାରରେ କରୋନା ଚେନ୍‌ ଭାଙ୍ଗିବାକୁ ଦୋକାନଗୁଡ଼ିକୁ ଗୁରୁବାର ରାତିରୁ ବନ୍ଦ ରଖାଯାଇଛି। ଶୁକ୍ରବାର ଦିନ ତମାମ କୌଣସି ବ୍ୟବସାୟୀ ନିୟମ ଉଲ୍ଲଂଘନ କରିନାହାନ୍ତି। ସପ୍ତାହାନ୍ତ ଶଟ୍‌ଡାଉନ୍‌ ବେଳେ ଯଦି କେହି ଅମାନିଆ ହୁଅନ୍ତି ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ।
-ଡ. ଲକ୍ଷ୍ମୀପ୍ରସାଦ ସାହୁ, ତହସିଲଦାର, କିଶୋରନଗର


Enter your email to get our daily news in your inbox.

All Right Reserved By Dharitri.Com

ମିଶନ ଶକ୍ତି ବଜାର ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୮ା୨(ଅନିଲ ଦାସ)ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ଭୁବନେଶ୍ବରରେ ମିଶନ ଶକ୍ତି ବଜାରକୁ ଉଦ୍‌ଘାଟନ କରିଛନ୍ତି। ଏହି ଅବସରରେ ସେ କହିଛନ୍ତି, ରାଜ୍ୟର ଗ୍ରାମାଞ୍ଚଳ ଏବଂ ଅର୍ଦ୍ଧ...

ଅବକାରୀ କାର୍ଯ୍ୟାଳୟରେ ଅଗ୍ନିକାଣ୍ଡ, ପାଉଁଶ ହୋଇଗଲା ମୋଟରସାଇକେଲ

କାମାକ୍ଷାନଗର,୨୭।୨: ଭୟାବହ ଅଗ୍ନିକାଣ୍ଡରେ ଜଳିପୋଡ଼ି ପାଉଁଶ ହୋଇଗଲା ପାଞ୍ଚରୁ ଅଧିକ ମୋଟରସାଇକେଲ। ଏଭଳି ଏକ ଦୁର୍ଘଟଣା ଘଟିଛି କାମାକ୍ଷାନଗର ଅବକାରୀ କାର୍ଯ୍ୟାଳୟ ପରିସରରେ। ସୂଚନାଥାଉ କି,...

ଭୁବନେଶ୍ୱର ପହଞ୍ଚିଲେ ମାଇକ୍ରୋସଫ୍ଟ ସିଇଓ ବିଲ ଗେଟ୍ସ

ଭୁବନେଶ୍ୱର,୨୭।୨: ଭୁବନେଶ୍ବରରେ ପହଞ୍ଚିଲେ ମାଇକ୍ରୋସଫ୍ଟର ପୂର୍ବତନ ସିଇଓ ବିଲ ଗେଟ୍ସ। ବୁଧବାର ଅର୍ଥାତ୍‌ କାଲି କୃଷି ଭବନ କାର୍ଯ୍ୟକ୍ରମରେ ସେ ଯୋଗଦେବେ। ଏହି ଗସ୍ତରେ ବିଲ...

୫୯ନମ୍ବର ଜାତୀୟ ରାଜପଥର ୨୭କିମି ରାସ୍ତା ପ୍ରଶସ୍ତିକରଣ ପାଇଁ ୭୧୮କୋଟି ମଞ୍ଜୁର କଲା କେନ୍ଦ୍ର

ଭୁବନେଶ୍ୱର,୨୭।୨: ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ୫୯ନମ୍ବର ଜାତୀୟ ରାଜପଥର ୨୬.୯୬କିମି ରାସ୍ତାର ପ୍ରଶସ୍ତିକରଣ ପାଇଁ ୭୧୮.୨୬କୋଟି ଟଙ୍କା ମଞ୍ଜୁର କରିଛନ୍ତି। କନ୍ଧମାଳ ଓ...

ବାପାଙ୍କୁ ହତ୍ୟା କରି ଅଖାରେ ପୋତିଦେଲେ ପୁଅ!

ସମ୍ବଲପୁର,୨୭।୨: ପାରିବାରିକ ବିବାଦରୁ ବାପାଙ୍କୁ ହତ୍ୟା କଲେ ସୈତାନ ପୁଅ। ଏପରି ବୀଭତ୍ସ ହତ୍ୟାକାଣ୍ଡ ସମ୍ବଲପୁର ଜିଲାରେ ଘଟିଛି। ହତ୍ୟା କରି ଫେରାର ହୋଇଛି ପୁଅ।...

ବରଗଡ଼ରେ ପ୍ରବଳ ବର୍ଷା

ବରଗଡ,୨୭।୨(ପ୍ରେମାନନ୍ଦ ଖମାରୀ)- ବରଗଡ଼ ସହର ସମେତ ଆଖପାଖ ଅଞ୍ଚଳରେ ମଙ୍ଗଳବାର ରାତି ପ୍ରାୟ ୮ଟା ୪୦ ମିନିଟରୁ ପ୍ରବଳ ବର୍ଷା ଲାଗି ରହିଛି । ବର୍ଷା...

ହାଇକୋର୍ଟରେ ନକଲି ଡାକ୍ତର ଚିହ୍ନଟ ମାମଲା: ‘ଜାଲ ଡାକ୍ତର ନିଯୁକ୍ତି ରୋକିବାକୁ କ’ଣ ପଦକ୍ଷେପ ନେଇଛ ଜଣାଅ’

କଟକ,୨୭ା୨ (କାର୍ତ୍ତିକ ସାହୁ) ରାଜ୍ୟରେ ରହିଥିବା ନକଲି ଡାକ୍ତରମାନଙ୍କୁ ଚିହ୍ନଟ କରାଯିବା ନେଇ ହାଇକୋର୍ଟରେ ରୁଜୁ ମାମଲାର ଶୁଣାଣି ମଙ୍ଗଳବାର ହୋଇଛି। ଓଡ଼ିଶା ରାଜ୍ୟ ଆଇନ...

ପରୀକ୍ଷା ହଲ୍‌ରେ କପି ଦେଲେ ମହିଳା ହୋମଗାର୍ଡ, ସହଯୋଗ କରି ନିଲମ୍ବିତ ହେଲେ ଶିକ୍ଷୟିତ୍ରୀ

କଟକ,୨୬ା୨ (କାର୍ତ୍ତିକ ସାହୁ): ମାଟ୍ରିକ ପରୀକ୍ଷା ହଲ୍‌ରେ ଦାୟିତ୍ୱ ଠିକ ଭାବେ ତୁଲାଇ ନ ଥିବାରୁ ନରସିଂହପୁର ବ୍ଲକ ଅନ୍ତର୍ଗତ ପତଣ୍ଡାସ୍ଥିତ ଶଙ୍କର୍ଷଣ ବିଦ୍ୟାପୀଠର ଶିକ୍ଷୟିତ୍ରୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri