ଦାରିଙ୍ଗବାଡି, ୨୮ /୧ (ଅରୁଣ ସାହୁ)- ଓଡିଶାର କାଶ୍ମୀର ଭାବେ ପରିଚିତ କନ୍ଧମାଳ ଜିଲ୍ଲା ଦାରିଙ୍ଗବାଡି ର ଟ୍ରାଫିକ ସମସ୍ୟା ସୁଧୁରୁନି ସେହିପରି ୫୯ ନଂ ଜାତୀୟ ରାଜପଥ ଉପରେ ଉଠାଦୋକାନ ଗୁଡିକ ରହିଥିବାରୁ ଟ୍ରାଫିକ ସମସ୍ୟା ଦ୍ବିଗୁଣିତ ହେଉଛି । ସେପଟେ ଜାତୀୟ ରାଜପଥ ଉପରେ ଶହ ଶହ ଗାଡି ମୋଟର ଯାତାୟାତ ହେଉଥିବା ବେଳେ ହର୍ଣର ଶବ୍ଦ ପ୍ରଦ୍ୟୁଷଣ ସହ ଉଠା ଦୋକାନୀମାନେ ପାଟି କରି ଗ୍ରହକଙ୍କୁ ଡାକିବା ଯୋଗୁଁ ଜାତୀୟରାଜପଥ ରେ କୋଳାହଳ ବୃଦ୍ଧି ପାଉଛି ସ୍ଥାନୀୟ ପୋଲିସ ଏବଂ ପ୍ରଶାସନ ଏକାଧିକ ଥର ଉଠାଦୋକାନୀଙ୍କୁ ରାଜପଥ କଡରୁ ଉଠେଇବାକୁ ପ୍ରୟାସ କରିଥିଲେ ମଧ୍ୟ ସେମାନଙ୍କ ସ୍ଥାୟୀ ଥଇଥାନ କରାଯାଉନଥିବାରୁ ଉଠା ଦୋକାନି ମାନେ ବହୁ ସମୟରେ ହଇରାଣ ଭୋଗୁଛନ୍ତି। ରାଜପଥରୁ ଅନ୍ୟତ୍ର ନେଇ ସମସ୍ତଙ୍କୁ ଥଇଥାନ କରିବା ପାଇଁ ଉଠା ଦୋକାନି ମାନେ ବାରମ୍ବାର ପ୍ରଶାସନ ନିକଟରେ ଲିଖିତ ଅଭିଯୋଗ କରିଥିଲେ ମଧ୍ୟ ପ୍ରଶାସନର ଅବହେଳା ଯୋଗୁଁ ଜାତୀୟ ରାଜପଥ ରେ ଭିଡ଼ ସହ ଟ୍ରାଫିକ ସମସ୍ୟା ବୃଦ୍ଧି ପାଉଛି ସେହିପରି ରାଜପଥ ଉପରେ ବାଇକ ଗୁଡିକ ଦ୍ରୁତ ଗତିରେ ଯାତାୟାତ ମଧ୍ୟ ଟ୍ରାଫିକ ସମସ୍ୟାର ବଡ଼ କାରଣ ବୋଲି କୁହାଯାଉଛି। ଶୀଘ୍ର ଉଠା ଦୋକାନୀଙ୍କୁ ଥଇଥାନ କରାଗଲେ ଟ୍ରାଫିକ ସମସ୍ୟାର ସମାଧାନ ହୋଇପାରିବ ବୋଲି କୁହାଯାଉଛ।
ସୂଚନା ଯୋଗ୍ୟଯେ, ଉଠା ଦୋକାନି ମାନେ ନିୟମିତ ବ୍ୟବସାୟ କଲେ ଗୁଜୁରାଣ ମେଣ୍ଟୁଛି ସେମାନଙ୍କ ପାଇଁ ଭେଣ୍ଡିଂ ଜୋନର ବ୍ୟବସ୍ଥା କରାଗଲେ ସେମାନଙ୍କ ଆର୍ଥିକ ଅବସ୍ଥାରେ ସୁଧାର ଆସିବା ସହ ସ୍ବାବଲମ୍ବୀ ହୋଇପାରିବେ ବୋଲି ବୁଦ୍ଧିଜୀବିମାନେ ମତ ପ୍ରକାଶ କରୁଛନ୍ତି ଉଠା ଦୋକାନି ମାନେ ପନିପରିବା ଓ ଅନ୍ୟାନ୍ୟ ସାମଗ୍ରୀ ରାସ୍ତକଡରେ ବିକ୍ରିବଟା କରିବାରୁ ଅନେକ ଗ୍ରାହକଙ୍କ ସୁବିଧା ହେଉଛି ତେଣୁ ସେମାନଙ୍କୁ ସ୍ଥାୟୀ ଥଇଥାନ କରାଯିବା ସହ ଅଟୋ ଷ୍ଟାଣ୍ଡ ର୍ନିମାଣ କରାଯିବା ଜରୁରୀ ହୋଇପଡିଛି।
