ବର୍ଷାକୁ ନାହିଁ ଭରସା

ଅନୁଗୋଳ ଅଫିସ, ୩୦ା୭ କଥାରେ ଅଛି ଆଷାଢ଼-ଶ୍ରାବଣ, ମେଘ ବରଷେ ଘନ ଘନ। ଚାଷ ଓ ଚାଷୀ ପାଇଁ ଏହି ଦୁଇ ମାସ ଅତ୍ୟନ୍ତ ମହତ୍ତ୍ୱପୂର୍ଣ୍ଣ। ହେଲେ ଆଷାଢ଼ ଯାଇ ଶ୍ରାବଣ ଆରମ୍ଭ ହୋଇଥିଲେ ମଧ୍ୟ ଅନୁଗୋଳ ଜିଲାରେ ସ୍ବାଭାବିକ ହୋଇପାରୁନି କୃଷି କାର୍ଯ୍ୟ। ଆବଶ୍ୟକ ବୃଷ୍ଟିର ଅଧା ବି ଏଯାଏ ହୋଇ ନ ଥିବାରୁ ରୁଆ ଉପୁଡ଼ା ଜିଲାରେ ଆଗେଇପାରୁ ନାହିଁ। ଲଘୁଚାପ ଯୋଗୁ ଆସନ୍ତା ୪ ତାରିଖ ଯାଏ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। କିନ୍ତୁ ଏହା ଚାଷୀଙ୍କ ମନରେ ଆଶା ଭରିପାରୁ ନାହିଁ। କାରଣ ଗତବର୍ଷ ଏହି ସମୟରେ ଚାଷୀ ହତାଶ ହୋଇଥିବାରୁ ଚଳିତବର୍ଷ ବର୍ଷା ଉପରେ ବିଶ୍ୱାସ ରଖିପାରୁ ନାହିଁ। ଫଳରେ ଜିଲାର ୮ଟି ଯାକ ବ୍ଲକରେ ଚାଷ କାର୍ଯ୍ୟ ପ୍ରଭାବିତ ହୋଇଛି।
କୃଷି ବିଭାଗର ସୂଚନା ଅନୁଯାୟୀ, ଜୁଲାଇ ସୁଦ୍ଧା ଅନୁଗୋଳ ଜିଲାରେ ୩୪୭ ମିଲିମିଟର ବର୍ଷା ହେବା କଥା। କିନ୍ତୁ ଅଦ୍ୟାବଧି ମାତ୍ର ୧୫୭.୮୭ ମିଲିମିଟର ବର୍ଷା ରେକର୍ଡ କରାଯାଇଛି, ଯାହା ଗତବର୍ଷ ୨୩୮.୦୮ ମି.ମି. ତୁଳନାରେ ବହୁ କମ୍‌। ଚଳିତ ଲଘୁଚାପଜନିତ ବର୍ଷା ପରେ ଉକ୍ତ ପରିମାଣ ୨ଶହ ମିଲିମିଟର ହୋଇପାରେ। ତଥାପି ଏହା ଚାଷ କାର୍ଯ୍ୟକୁ ସ୍ବାଭାବିକ କରିପାରିବ ନାହିଁ। ଜିଲାର ପାଲଲହଡ଼ାରେ ସର୍ବାଧିକ ୨୪୩ ମି.ମି. ବର୍ଷା ହୋଇଛି। ବଅଁରପାଳରେ ୨୩୧ ମି.ମି., କିଶୋରନଗରରେ ୨୨୪.୮ ମି.ମି., ତାଳଚେରରେ ୨୨୪ ମି.ମି., କଣିହଁାରେ ୨୦୯ ମି.ମି., ଅନୁଗୋଳରେ ୧୯୭.୪ ମି.ମି., ଆଠମଲ୍ଲିକରେ ୧୬୪.୩ ମି.ମି. ଓ ଛେଣ୍ଡିପଦାରେ ସବୁଠୁ କମ୍‌ ୧୩୦ ମି.ମି. ବର୍ଷା ହୋଇଛି। ଚଳିତବର୍ଷ ଜିଲାରେ ମୋଟ୍‌ ୮୬ ହଜାର ୪୫ ହେକ୍ଟର ଜମିରେ ଖରିଫ ଧାନ ଚାଷ ପାଇଁ ଲକ୍ଷ୍ୟ ରଖାଯାଇଥିଲା। ଅନିୟମିତ ବୃଷ୍ଟିପାତ ଯୋଗୁ ସେହି ଲକ୍ଷ୍ୟ ଏବେ ୪୬ ହଜାର ୯୮୫ ହେକ୍ଟରରେ ଯାଏ ପହଞ୍ଚିପାରିଛି। ଅନୁଗୋଳ ବ୍ଲକରେ ୧୨ ହଜାର ୨୧୦ ହେକ୍ଟର ମଧ୍ୟରୁ ଅଦ୍ୟାବଧି ୩ ହଜାର ୮୧୭ ହେକ୍ଟର ଜମିରେ ଚାଷ କାର୍ଯ୍ୟ ହୋଇପାରିଛି। ସେହିପରି ବଅଁରପାଳ ବ୍ଲକରେ ୧୦ ହଜାର ୬୭୫ ହେକ୍ଟର ମଧ୍ୟରୁ ୪ ହଜାର ୫୬୭ ହେକ୍ଟର, ଛେଣ୍ଡିପଦାରେ ୧୨ ହଜାର ୪୬୩ ହେକ୍ଟରରୁ ୬ ହଜାର ୭୫୪ ହେକ୍ଟର, ଆଠମଲ୍ଲିକରେ ୧୨ ହଜାର ୧୮୬ରୁ ୬ ହଜାର ୮୯୦ ହେକ୍ଟର, କିଶୋରନଗରରେ ୮ ହଜାର ୪୩୨ରୁ ୩ ହଜାର ୫୩୫ ହେକ୍ଟର, ତାଳଚେରରେ ୭ ହଜାର ୫୪୦ରୁ ୫ ହଜାର ୮୮୭ ହେକ୍ଟର, କଣିହଁାରେ ୧୨ ହଜାର ୧୭୯ରୁ ୭ ହଜାର ୩୫୮ ହେକ୍ଟର, ପାଲଲହଡ଼ାରେ ୧୦ ହଜାର ୩୬୦ରୁ ୮ ହଜାର ୧୭୭ ହେକ୍ଟର ଜମିରେ ଚାଷ କାର୍ଯ୍ୟ ସରିଛି। ଜିଲାର କେତେକ ସ୍ଥାନରେ କମ୍‌ ବୃଷ୍ଟିପାତ ନେଇ ସରକାରଙ୍କୁ ପୂର୍ବରୁ ରିପୋର୍ଟ ପ୍ରଦାନ କରାଯାଇଥିଲା। ଅଧିକ ବର୍ଷା ହୋଇ ନ ଥିଲେ କିଛି ବ୍ଲକରେ ଧାନ ସ୍ଥାନରେ ମୁଗ ଓ ବିରି ଚାଷ କରିବାକୁ ଚାଷୀଙ୍କୁ ପରାମର୍ଶ ଦିଆଯିବାକୁ ପ୍ରସ୍ତୁତି କରାଯାଉଥିଲା। ରାଜ୍ୟ କୃଷି ବିଭାଗର ଉପନିର୍ଦ୍ଦେଶକ ମଧ୍ୟ ଅନୁଗୋଳ ଗସ୍ତରେ ଆସି କେତେକ ବ୍ଲକରେ ସ୍ଥିତି ଅନୁଧ୍ୟାନ କରିଥିଲେ। ହେଲେ ଲଘୁଚାପଜନିତ ବର୍ଷା ହେଉଥିବାରୁ ଚାଷ ସ୍ଥିତି ସୁଧୁରିଯିବାର ଆଶା କରାଯାଉଥିବା କୃଷି ବିଭାଗ ପକ୍ଷରୁ କୁହାଯାଇଛି।
ପାଣି ନ ଥିବାରୁ ଉଜୁଡ଼ିଗଲା
ଆବଶ୍ୟକ ବର୍ଷା ଅଭାବରୁ ଜମିରେ ପାଣି ନାହିଁ। ତେଣୁ ଚଳିତବର୍ଷ ଚାଷ ଅବସ୍ଥା କ’ଣ ହେବ, ତାହା ଚାଷୀମାନେ ଭାବିପାରୁ ନାହାନ୍ତି। ଜିଲାର ବିଭିନ୍ନ ଅଞ୍ଚଳର ଚାଷୀମାନେ ଏହାକୁ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି। ଫସଲ ବଞ୍ଚିବ କି ମରିବ ତାହା କାହାକୁ ଜଣାନାହିଁ। ତେଣୁ ସବୁକିଛି ଭଗବାନଙ୍କ ଉପରେ ଛାଡ଼ିଦେଇଛୁ।
-ପାପୁନ୍‌ ସାହୁ
ଚାରବାଟି, ଛେଣ୍ଡିପଦା
ମେଘୁଆ ପାଗ ଦେଉଛି ଆଶ୍ୱାସନା
ମାସେ ହେଲାଣି ବର୍ଷା ସେପରି ନାହିଁ। ଖରା ଅଧିକ ହେଉଥିବାରୁ ବିଲ ଶୁଖିଯାଉଛି। ଆଷାଢ଼ ମାସରେ ଏପରି ସ୍ଥିତି ଯୋଗୁ ଚାଷ ଜିଲାରେ କାର୍ଯ୍ୟ ପଛେଇ ଚାଲିଛି। ଦୁଇ ଦିନ ହେଲା ଲଘୁଚାପ ଯୋଗୁ କିଛି କିଛି ବର୍ଷା ହେଉଛି। ପାଗ ମେଘଯୁକ୍ତ ରହୁଛି। ଏହା ଚାଷୀ ଭାଇମାନଙ୍କ ମନରେ ଆଶ୍ୱାସନା ଦେଉଛି।
-ରମାକାନ୍ତ ସାହୁ
ପାଣିହରା, ଖମାର
ମରୁଡ଼ି ଆଶଙ୍କାରେ ନିଦ ହଜିଗଲାଣି
ଆଷାଢ଼ ଆରମ୍ଭରୁ ତଳି ଉଠାଇବା କାର୍ଯ୍ୟ ଆରମ୍ଭ ହୋଇଥିଲା। କିନ୍ତୁ ପରେ ବର୍ଷା ଠିକ୍‌ ଭାବେ ହେଲାନାହିଁ। ତେଣୁ ରୁଆ କାର୍ଯ୍ୟ ଆଗେଇପାରୁ ନାହିଁ। ଆଗାମୀ ଦିନରେ ଯଦି ଏପରି ଅନିୟମିତ ବର୍ଷା ହୁଏ ତା’ହେଲେ ମରୁଡ଼ି ଆଶଙ୍କା ଦେଖାଦେଇପାରେ। ସେଥିପାଇଁ ଜିଲାର ଚାଷୀମାନଙ୍କ ଆଖିରୁ ନିଦ ହଜିଗଲାଣି।
-ହାଡ଼ିବନ୍ଧୁ ସାହୁ
ବରସାହି, ଛେଣ୍ଡିପଦା
ଅଧିକ ସମସ୍ୟା ହେବ ନାହିଁ
ଅନୁଗୋଳ ଜିଲାରେ ମାସେ ହେଲା ନିଅଣ୍ଟିଆ ବର୍ଷା ଚାଷୀଙ୍କୁ ହତାଶ କରିଥିଲା। ହେଲେ କିଛି ଦିନ ହେବ ଅଳ୍ପ ଅଳ୍ପ ବର୍ଷା ହେଉଥିବାରୁ ଚାଷରେ ଅଧିକ ସମସ୍ୟା ରହିବ ନାହିଁ। ତେଣୁ ଚାଷୀ ଭାଇମାନେ ଯଥାଶୀଘ୍ର ବେଉଷଣ ଓ ରୁଆପୋତା କରିବାକୁ ପ୍ରସ୍ତୁତ ହୋଇଯାଆନ୍ତୁ।
-ଦେବରାଜ ମହାନ୍ତି, ଜିଲା ମୁଖ୍ୟ କୃଷି ଅଧିକାରୀ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

ଷ୍ଟ୍ରିଟଲାଇଟ୍‌ ନାଁରେ ୭.୨୪ ଲକ୍ଷ ହଡ଼ପ, ବନ୍ଧାହେଲେ ପୂର୍ବତନ ପିଇଓ, ଜେଇ, ଠିକାଦାର

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକର ବାଲ୍ୟସରା ଗ୍ରାମପଞ୍ଚାୟତରେ ଷ୍ଟ୍ରିଟ ଲାଇଟ୍‌ ସ୍ଥାପନ ଓ ରକ୍ଷଣାବେକ୍ଷଣ ନାଁରେ ସରକାରୀ ଅର୍ଥ ହଡ଼ପ ମାମଲାରେ ଭିଜିଲାନ୍ସ…

ଆବାସ ନାହିଁ କି ରୋଜଗାର ନାହିଁ, ଆମେ ବଞ୍ଚିବୁ କେମିତି?’ ବାତ୍ୟା ଆଶ୍ରୟସ୍ଥଳୀରେ ଜିଲାପାଳଙ୍କୁ ଗୁହାରି କଲେ ଜନଜାତି

ମହାକାଳପଡ଼ା,୨୧ା୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳରେ ବାତ୍ୟା ଅକ୍ୱାନ ପ୍ରଭାବରେ ପ୍ରଶାସନ ପକ୍ଷରୁ ଆଶ୍ରୟସ୍ଥଳୀରେ ବିପନ୍ନମାନଙ୍କୁ ଥଇଥାନ କରାଯାଇଛି। ଏ ନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?