ଟଲିଉଡ ତାରକା ନିତିନ୍ ଏବଂ ଶାଲିନିଙ୍କ ବିବାହ ଖବର କିଛି ଦିନ ଧରି ଚର୍ଚ୍ଚାରେ ରହିଆସୁଛି। ଫେବୃୟାରୀରେ ଦୁହିଁଙ୍କ ନିର୍ବନ୍ଧ ହୋଇଥିବା ବେଳେ ଏପ୍ରିଲରେ ବିବାହ ହୋଇଥାନ୍ତା। ମାତ୍ର କରୋନା ଲାଗି ଲକ୍ଡାଉନ୍ ହୋଥିବାରୁ ବିବାହ ହୋଇପାରି ନ ଥିଲା। ତେବେ ଜୁଲାଇ ଶେଷରେ ଦୁହେଁ ଖୁବ୍ଶୀଘ୍ର ବିବାହ କରିପାରନ୍ତି ବୋଲି ଖବର ରହିଛି।
ନିତିନ ଏବଂ ଶାଲିନୀ ୨୬ ଜୁଲାଇରେ ହାଇଦ୍ରାବାଦରେ ବିବାହ କରିବେ। ଉଭୟଙ୍କ ପରିବାର ମିଶି ଏହି ତାରିଖ ଏକାଠି କରିଛନ୍ତି। ସମସ୍ତ କୋଭିଡ-୧୯ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଏହି ବିବାହ ଅନୁଷ୍ଠିତ ହେବ। ସାମାଜିକ ଦୂରତା ଓ କମ୍ ଅତିଥିଙ୍କୁ ବିବାହରେ ନିମନ୍ତ୍ରଣ କରାଯିବ।
ଚଳିତ ବର୍ଷ ଫେବୃଆରୀରେ ନିତିନଙ୍କର ଦୀର୍ଘ ଦିନର ପ୍ରେମିକା ଶାଲିନି ରେଡ୍ଡୀଙ୍କ ସହ ନିର୍ବନ୍ଧ ହୋଇଥିଲା । ଉଭୟଙ୍କ ନିର୍ବନ୍ଧ ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା। ଦୁହେଁ ପରସ୍ପର ସହିତ ବହୁତ ଖୁସି ଥିଲା ପରି ଦେଖାଯାଉଥିଲେ। ଶାଲିନି ବ୍ରିଟେନର ଏକ ବିଶ୍ୱବିଦ୍ୟାଳୟରୁ ବିଜନେସ ମ୍ୟାନେଜମେଣ୍ଟ ଅଧ୍ୟୟନ କରିଥିଲେ। ଦୁହେଁ ଆଠ ବର୍ଷ ଧରି ପରସ୍ପରକୁ ଜାଣିଛନ୍ତି ।
ନିତିନ ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ପ୍ରାୟ ୫୦ ଟି ଚଳଚ୍ଚିତ୍ରରେ ଅଭିନୟ କରିଛନ୍ତି। ସେ ୨୦୦୨ ମସିହାରୁ ତାଙ୍କ ଚଳଚ୍ଚିତ୍ର କ୍ୟାରିଅର୍ ଆରମ୍ଭ କରିଥିଲେ। ‘ଶ୍ରୀନିବାସା କଲ୍ୟାଣମ’ ଏବଂ ‘ଚଲ ମୋହନ ରଙ୍ଗା’ ଭଳି ଚଳଚ୍ଚିତ୍ରରେ ନିତିନ ତାଙ୍କର ଚମତ୍କାର ଅଭିନୟ ପାଇଁ ବେଶ ଜଣାଶୁଣା।
