ଗୋଠଛଡ଼ା ଗଜ ପାଇଁ ସ୍ଥିତି ଗମ୍ଭୀର

ଅନୁଗୋଳ ଅଫିସ,୮।୧: ଢେଙ୍କାନାଳରୁ ଅନୁଗୋଳ ବନଖଣ୍ଡକୁ ଚାଲି ଆସିଥିବା ୨୫ ହାତୀ ମଧ୍ୟରୁ ଗୋଟିଏ ଗୋଠଛଡ଼ା ମାଈ ହାତୀ ଅନୁଗୋଳ ସଦର ଥାନା ଓ ବଅଁରପାଳ ଥାନା ଅଞ୍ଚଳରେ ଶନିବାର ଗମ୍ଭୀର ସ୍ଥିତି ସୃଷ୍ଟି ହୋଇଛି। ଭୋର୍‌ ସମୟରେ ଏହି ମାଈ ହାତୀ ଅନୁଗୋଳ ବନଖଣ୍ଡ ଛେଳିଆପଡ଼ାର ସୁବାସ ସାହୁ, ଅଙ୍ଗାରବନ୍ଧର ଅନିରୁଦ୍ଧ ସାହୁ, ବାରସିଂହାର ରମେଶ ଚନ୍ଦ୍ର ସ୍ବାଇଁ ଓ ବଅଁରପାଳ ଥାନା ଗଡ଼ସନ୍ତ୍ରୀ ଗାଁର ଅଜୟ ସାମଲଙ୍କ ଜୀବନ ନେଇ ଏକପ୍ରକାର ଆତଙ୍କିତ ପରିବେଶ ସୃଷ୍ଟି କରିଛି। ସ୍ଥିତି ଏପରି ହୋଇଛି ଯେ, ଏହି ୪ ଗଁା ଲୋକଙ୍କ ସହ ଆଖପାଖ ଅଞ୍ଚଳର ଲୋକେ ମଧ୍ୟ ଭୟଭୀତ ଅବସ୍ଥାରେ ରହିଛନ୍ତି। ଦିନ ତମାମ ଲୋକେ ଘରୁ ବାହାରକୁ ଯିବାକୁ ଡରୁଥିବା ବେଳେ ସନ୍ଧ୍ୟା ନ ହେଉଣୁ କବାଟ କିଳି ଦେଇଥିବା ଜଣାପଡ଼ିଛି।
ଗୋଟିଏ ଦିନରେ ହାତୀ ଏତେ ଜୀବନ ନେବା ଅନୁଗୋଳ ଜିଲା ପାଇଁ ଦ୍ୱିତୀୟ ଘଟଣା। ପୂର୍ବରୁ ୨୦୧୯ ଏପ୍ରିଲ ୧୯ ଭୋର୍‌ ସମୟରେ ତାଳଚେରରେ ୫ ଜଣଙ୍କ ଜୀବନ ନେଇ ଏପରି ମୃତ୍ୟୁର ତାଣ୍ଡବ ଖେଳାଇଥିଲା ଢେଙ୍କାନାଳରୁ ବ୍ରାହ୍ମଣୀ ନଦୀ ପାର ହୋଇ ଚାଲି ଆସିଥିବା ନରହନ୍ତା ରାକେଶ। ପୂର୍ବରୁ ୧୬ ଜଣଙ୍କ ଜୀବନ ନେଇଥିବା ରାକେଶ ତାଳଚେର ପୌରାଞ୍ଚଳର ଷଣ୍ଢ ଗାଁରେ ପଶି ସେଠାରେ ରହୁଥିବା ପାଲଲହଡା ଗୋବିନ୍ଦପୁର ଅଞ୍ଚଳର କାଳିଆ ସିଂ (୨୫), ଦେଢ଼ବର୍ଷର ଝିଅ ଅନିଷା ଓ ସାରଥି ସିଂ (୧୬)ଙ୍କୁ ଦଳି ଦେଇଥିଲା। ପରେ କାଳିଆଙ୍କ ଘର ନିକଟରେ ରହୁଥିବା ସମ୍ବଲପୁର କ୍ଷେତରାଜପୁର ଅଞ୍ଚଳର ସୁନିତା ସେଠ (୩୫)ଙ୍କ ଜୀବନ ନେଇଥିଲା। ଏହାପରେ ସେଠାରୁ ୨ କି.ମି. ଦୂର ସନ୍ଥପଡା ଗ୍ରାମରେ ପଶି ଭ୍ରମରବର ସାମଲ (୭୦)ଙ୍କୁ ଆକ୍ରମଣ କରି ମାରିଦେଇଥିଲା। ଏହି ଘଟଣା ସେତେବେଳେ ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିବା ବେଳେ ପୁଣି ଅନୁଗୋଳ ଜିଲାରେ ଶନିବାର ହାତୀ ୪ ଗଁାରେ ପଶି ୪ଜଣଙ୍କ ଜୀବନ ନେବା ଚର୍ଚ୍ଚାର ବିଷୟ ହୋଇଛି।

 

ଅପାରଗ ବନ ବିଭାଗ
ବନ ବିଭାଗ ଓ ପ୍ରଶାସନର ଅପାରଗତା ପାଇଁ ହାତୀ ଆକ୍ରମଣରେ ଜିଲାରେ ଗୋଟିଏ ପରେ ଗୋଟିଏ ଜୀବନହାନି ହେଉଛି। ୪ରୁ ୫ ମାସ ହେଲା ଢେଙ୍କାନାଳରୁ ଆସିଥିବା ଉକ୍ତ ହାତୀ ପଲ ଅନୁଗୋଳରେ ଉପଦ୍ରବ କରୁଛନ୍ତି। କିନ୍ତୁ ବନ ବିଭାଗ ଲୋକଙ୍କୁ ସଚେତନ କି ସତର୍କ କରୁନାହିଁ। ଲୋକେ ମଲା ପରେ ଆସି ଟଙ୍କା ବାଣ୍ଟିଲେ କି ସମବେଦନା ଜଣାଇଲେ କିଛି ଲାଭ ନାହିଁ। କେତେଜଣ ରାଜନେତା ବନ ବିଭାଗ ସହ ସମ୍ପର୍କ ରଖି କେବଳ ଠିକା କାମ କରୁଥିବା ବେଳେ ସମସ୍ୟାର ସମାଧାନ ଦିଗରେ ଦୃଷ୍ଟି ଦେଉନାହାନ୍ତି।
-ପ୍ରତାପ ଚନ୍ଦ୍ର ପ୍ରଧାନ, ଭାଜପା ନେତା
ଗଁାକୁ ସୁରକ୍ଷିତ ରଖାଯାଉ
ଛେଳିଆପଡ଼ାକୁ ପୂର୍ବରୁ କେବେ ହାତୀ ପଶି ନ ଥିଲେ। ହେଲେ ଏବେ ହାତୀ ପଶି ଧନଜୀବନ ହାନି କରୁଥିବାରୁ ଗଁାକୁ ସୁରକ୍ଷିତ ରଖିବାର ବ୍ୟବସ୍ଥା କରାଯାଉ। ନ ହେଲେ ବାରମ୍ବାର ଏପରି ଅଘଟଣ ଘଟିବାର ଆଶଙ୍କା ରହିଛି।
-ବଳରାମ ସାହୁ, ଛେଳିଆପଡା
ହାତୀକୁ ନିଅଣ୍ଟ ହେଉଛି ଜଙ୍ଗଲ
ହାତୀଙ୍କ ସଂଖ୍ୟା ବଢ଼ୁଛି। ହେଲେ ସେମାନଙ୍କ ଚଲାବୁଲା ପାଇଁ ପର୍ଯ୍ୟାପ୍ତ ହେଉନାହିଁ ଜଙ୍ଗଲ। ତେଣୁ ଖାଦ୍ୟାଭାବର ଶିକାର ହେଉଥିବା ହାତୀ ଗାଁ ମୁହାଁ ହେଉଛନ୍ତି। ଧାନ, ପରିବା ଓ ଆଖୁ ଆଦି ଫସଲ ନଷ୍ଟ କରିବା ସହ ଜୀବନହାନି ଘଟାଉଛନ୍ତି। ଅଭିଯୋଗ କଲେ ବି ବନ ବିଭାଗ ଶୁଣୁନାହିଁ।
-ପବନା ସାହୁ, ଗ୍ରାମବାସୀ
ଭୟରେ କବାଟ ଦେଇଦେଲୁ
ଆମ ଗଁାକୁ ହାତୀ ଆସନ୍ତିନି। କେବେ ବି ଏମିତି ଆତଙ୍କର ସମ୍ମୁଖୀନ ହୋଇ ନ ଥିଲୁ। ହେଲେ ଶନିବାର ହଠାତ୍‌ ହାତୀ ପଶିଆସି ଜଣଙ୍କର ଜୀବନ ନେଇଯିବା ଆମକୁ ଆତଙ୍କିତ କରି ଦେଇଛି। ଭୟରେ କବାଟ କିଳିଦେଇଥିଲେ ବି ଆଗକୁ କେମିତି ରହିବୁ ତାହା ଚିନ୍ତା କରୁଛୁ।
-ତିଳ ସାହୁ, ଛେଳିଆପଡ଼ା


Enter your email to get our daily news in your inbox.

All Right Reserved By Dharitri.Com

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

ତାମିଲନାଡୁରେ ଚାଞ୍ଚଲ୍ୟ: ଟ୍ରେନ୍‌ରେ ମହିଳାଙ୍କୁ ବଳାତ୍କାର ପରେ ହତ୍ୟା

ଚେନ୍ନାଇ,୨୧ା୧୧: ତାମିଲନାଡୁର କନ୍ୟାକୁମାରୀ ଜିଲା ଅନ୍ତର୍ଗତ ନାଗେରକଏଲ ରେଲ୍‌ଓ୍ବେ ୟାର୍ଡରେ ଗତ ୧୩ ତାରିଖରେ ଏକ ଅବ୍ୟବହୃତ ଟ୍ରେନ୍‌ ବଗିରୁ ଜଣେ ୫୪ ବର୍ଷୀୟ ମହିଳାଙ୍କ ମୃତଦେହ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

Kartik Purnima 2026: ସ୍ନାନ-ଦାନଠାରୁ ଆରମ୍ଭ କରି ଦୀପଦାନ ପର୍ଯ୍ୟନ୍ତ, ଏହି ଦିନ ନିଶ୍ଚୟ କରନ୍ତୁ ଏହି ୫ଟି ଶୁଭ କାର୍ଯ୍ୟ!

କାର୍ତ୍ତିକ ମାସ ଶୁକ୍ଳ ପକ୍ଷ ପୂର୍ଣ୍ଣିମା ତିଥିରେ ପାଳିତ ହେଉଥିବା କାର୍ତ୍ତିକ ପୂର୍ଣ୍ଣିମାକୁ ହିନ୍ଦୁ ଧର୍ମରେ ଅତ୍ୟନ୍ତ ପବିତ୍ର ଓ ମହତ୍ତ୍ୱପୂର୍ଣ୍ଣ ମନେ କରାଯାଏ। ସ୍ନାନ, ଦାନ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?