ମୁଖ୍ୟ ସମସ୍ୟା ମାଟି

ଅନୁଗୋଳ ଅଫିସ, ୨୭।୮: ପାଖେଇ ଆସିଲାଣି ପାର୍ବଣ। ଜୋର୍‌ ଧରିଲାଣି ମୂର୍ତ୍ତି ଗଢ଼ା। ଦିନରାତି କାର୍ଯ୍ୟରେ ଲାଗିଛନ୍ତି ରାଜ୍ୟ ଓ ରାଜ୍ୟ ବାହାରର କାରିଗର। ହେଲେ ମୁଖ୍ୟ ସମସ୍ୟା କରୁଛି ମାଟି। ନିଖୁଣ କାରିଗରି ପାଇଁ ଭଲ ମାଟି ଜରୁରୀ ହୋଇଥିଲେ ବି ଏହା ମିଳୁନି ଅନୁଗୋଳରେ। ନଡ଼ା ବି ଅମୂଲ ମୂଲ। ଏହାକୁ ନେଇ ଚିନ୍ତିତ ଅନେକ କାରିଗର କୋଲକାତାର ଗଙ୍ଗାନଦୀ କୂଳରୁ ବସ୍‌ ଯୋଗେ ବସ୍ତା ବସ୍ତା ମାଟି ଆଣୁଛନ୍ତି। ବିଶେଷକରି ମୂର୍ତ୍ତି ଦୋମାଟିଆ ବେଳେ ଏହାକୁ ବ୍ୟବହାର କରାଯାଉଥିବା କାରଗିରମାନେ କହିଛନ୍ତି।
ଆସନ୍ତା ୩୧ ତାରିଖରେ ଧରାବତରଣ କରିବେ ବିଘ୍ନ ବିନାଶନ। କରୋନା ପ୍ରଭାବ ସେପରି ନ ଥିବାରୁ ଦୀର୍ଘ ୨ ବର୍ଷ ପରେ ଧୁମ୍‌ଧାମରେ ପାଳନ ହେବ ଏହି ପୂଜା। ଏଥିପାଇଁ ଶିକ୍ଷାନୁଷ୍ଠାନଠାରୁ ଆରମ୍ଭ କରି ସହରର ବିଭିନ୍ନ ସାହି, କ୍ଲବ ଆଦିରେ ଶେଷ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି। ଚାରିଆଡ଼େ ଯେପରି ଉତ୍ସବର ମାହୋଲ। ଭଳିକି ଭଳି ମୂର୍ତ୍ତି ପାଇଁ ଦିଆଯାଇଛି ବରାଦ। ହାତରେ ଆଉ ଅଧିକ ଦିନ ନ ଥିବାରୁ ଅର୍ଡର ଅନୁଯାୟୀ କାର୍ଯ୍ୟରେ ଲାଗିପଡ଼ିଛନ୍ତି ଅନୁଗୋଳ ଓ ତାଳଚେରର ମୂର୍ତ୍ତି କାରିଗରମାନେ। ସେମାନଙ୍କ କହିବା ଅନୁଯାୟୀ, ତାଳଚେରରେ ଅକ୍ଷୟ ତୃତୀୟାଠାରୁ ଓ ଅନୁଗୋଳରେ ରଥଯାତ୍ରା ପରେ ମୂର୍ତ୍ତି ନିର୍ମାଣ କାର୍ଯ୍ୟ ଆରମ୍ଭ ହୋଇଥାଏ। ଗଣେଶ ପୂଜା ତାଳରେର ଗଣପର୍ବ ହୋଇଥିବାରୁ ଏଠାରେ ବଡ଼ ବଡ଼ ମୂର୍ତ୍ତି ପାଇଁ ବେଶି ବରାଦ ମିଳିଥାଏ। ସେଥିପାଇଁ ୧୫ ଫୁଟିଆ ମୂର୍ତ୍ତି ନିର୍ମାଣ କରାଯାଇଥାଏ। ତେବେ ଶିକ୍ଷାନୁଷ୍ଠାନଗୁଡ଼ିକୁ ଲକ୍ଷ୍ୟରେ ରଖି ଦେଢ଼ ଫୁଟର ମୂର୍ତ୍ତି କାରିଗରମାନେ ନିର୍ମାଣ କରିଥାନ୍ତି। ସାଧାରଣତଃ ୨ ଶହରୁ ୧୦ ହଜାର ଟଙ୍କା ଯାଏ ଏହାର ମୂଲ୍ୟ ରଖାଯାଇଥାଏ। ତାଳଚେରରେ ୫୦ରୁ ଅଧିକ ମାଟି ଶିଳ୍ପୀ କାର୍ଯ୍ୟରେ ଲାଗିଥିବା ବେଳେ ଅନୁଗୋଳ ଦଶହରା ପଡ଼ିଆଠାରେ ମୂର୍ତ୍ତି କାରିଗରମାନେ ଦିନରାତି କାର୍ଯ୍ୟରେ ଲାଗିପଡ଼ିଛନ୍ତି। ଏମାନଙ୍କ ମଧ୍ୟରେ ବହୁ ବଙ୍ଗୀୟ କାରିଗର ଅଛନ୍ତି। କେବଳ ଗଣେଶ ପୂଜାରେ ସହରରେ ଦେଢ଼ହଜାର ମୂର୍ତ୍ତି ବିକ୍ରି କରାଯିବାକୁ ଲକ୍ଷ୍ୟ ରଖାଯାଇଛି। ତେବେ ହାତରେ ଆଉ ମାତ୍ର ୪ ଦିନ ଥିବାରୁ ରାତି କେତେବେଳେ ପାହିଯାଉଛି ତାହା ସେମାନେ ଜାଣିପାରୁ ନାହାନ୍ତି। ହେଲେ ବର୍ଷ ବର୍ଷ ଧରି ବିଭିନ୍ନ ଦେବଦେବୀଙ୍କ ମୂର୍ତ୍ତି ଗଢ଼ୁଥିବା ଏହି କାରିଗରମାନେ ମାଟିକୁ ନେଇ କ୍ଷୋଭବ୍ୟକ୍ତ କରିଛନ୍ତି। ଭଲ ମାଟିର ଅଭାବ ଦେଖାଦେଇଥିବା ବେଳେ ପ୍ରଶାସନ ପକ୍ଷରୁ ମଧ୍ୟ ଧରପଗଡ଼ କରାଯାଉଛି। ବିଶେଷକରି ମୂର୍ତ୍ତିରେ ଚୂଡ଼ାନ୍ତ ସ୍ପର୍ଶ ଦେବା ପୂର୍ବରୁ ଦୋମାଟିଆ କରିବାକୁ ସେମାନେ ପୂର୍ବଭଳି ମାଟି ପାଉନାହାନ୍ତି। ତେଣୁ ଗଙ୍ଗାନଦୀ କୂଳରୁ ମାଟି ଆଣି କାମ ଚଳାଉଥିବା ମେଦିନପୁରର କାରିଗରମାନେ କହିଛନ୍ତି। ସେହିପରି ଆବଶ୍ୟକ ଅନୁଯାୟୀ ନଡ଼ା ମଧ୍ୟ ମିଳୁନାହିଁ। ଫଳରେ ଛେଣ୍ଡିପଦା ଅଞ୍ଚଳକୁ ଯାଇ ନଡ଼ା ବିଡ଼ା ପିଛା ୭ରୁ ୧୦ ଟଙ୍କାରେ କିଣିବାକୁ ପଡ଼ୁଛି। ଚଳିତବର୍ଷର ଲଗାଣ ବର୍ଷା ପାଇଁ ମଧ୍ୟ ମୂର୍ତ୍ତି ଗଢ଼ା କାମ ସାମାନ୍ୟ ମାନ୍ଦା ପଡ଼ିଯାଇଛି। ତଥାପି ପୂଜାକୁ ନେଇ ଅନୁଗୋଳ ଓ ତାଳଚେରର ଯୁବପିଢ଼ୀଙ୍କ ମଧ୍ୟରେ ଥିବା ଉତ୍ସାହକୁ ଦେଖି ନିର୍ଦ୍ଧାରିତ ସମୟ ପୂର୍ବରୁ ମୂର୍ତ୍ତି କାର୍ଯ୍ୟ ଶେଷ କରାଯିବ ବୋଲି କାରିଗରମାନେ ପ୍ରକାଶ କରିଛନ୍ତି।

 

ଲୋକଙ୍କ ନିକଟରୁ ପ୍ରଶଂସା ମିଳୁଛି
୨୨ ବର୍ଷ ହେବ ମୂର୍ତ୍ତି ନିର୍ମାଣ କରୁଛି। ପୂର୍ବପେକ୍ଷା ଅଧିକ କାରଗିର କାର୍ଯ୍ୟରେ ଲାଗିଛନ୍ତି। ଯୁବପିଢ଼ି ମଧ୍ୟ ଏଥିପ୍ରତି ଆଗ୍ରହ ଦେଖାଉଛନ୍ତି। ଭଲ ମୂର୍ତ୍ତି ପାଇଁ ଲୋକଙ୍କଠାରୁ ଅନେକ ପ୍ରଶଂସା ମିଳୁଛି। ହେଲେ ମାଟି ଓ ନଡ଼ା ସମସ୍ୟା ଯୋଗୁ ଏ କ୍ଷେତ୍ରରେ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି।
-ମୁନା ମହାପାତ୍ର, କାରିଗର, ତାଳଚେର
ସରଞ୍ଜାମ ଦରବୃଦ୍ଧି ବାଧୁଛି
ପଶ୍ଚିମବଙ୍ଗ ମେଦିନପୁରରୁ ଆସି ଦୀର୍ଘ ୧୨ ହେଲା ଅନୁଗୋଳ ଦଶହରା ପଡ଼ିଆରେ ମୂର୍ତ୍ତି ନିର୍ମାଣ କରୁଛି। ଚଳିତବର୍ଷ ଭଲ ବ୍ୟବସାୟ ଆଶା ରହିଥିଲେ ମଧ୍ୟ ଲଗାଣ ବର୍ଷା ବାଧକ ସାଜୁଛି। ତେବେ ମାଟି, ନଡ଼ାଠାରୁ ଆରମ୍ଭ କରି ମୂର୍ତ୍ତି ପାଇଁ ଆବଶ୍ୟକ ସରଞ୍ଜାମର ଦର ବୃଦ୍ଧି କାରିଗରଙ୍କୁ ବାଧୁଛି।
-ମିଲନ କୁମାର ବର୍ମାନ, କାରିଗର, ମେଦିନପୁର
ନୂଆ ନୂଆ କାମ ଆତ୍ମସନ୍ତୋଷ ଦେଉଛି
୪ ବର୍ଷ ହେବ ମୂର୍ତ୍ତି କାମ କରୁଛି। ମାଟି ଚକଟିବା ଠାରୁ ଆରମ୍ଭ କରିଥିବା ଶେଷ ସ୍ପର୍ଶ ଦେବା ଯାଏ ସବୁ କାର୍ଯ୍ୟ ଶିଖି ସାରିଛି। ସାଧାନା ରହିଲେ ଯେ କୌଣସି କାର୍ଯ୍ୟରେ ସଫଳତା ପାଇବାରେ ବିଳମ୍ବ ହେବ ନାହିଁ। ନୂଆ ନୂଆ କାମ କରୁଥିବାରୁ ଆତ୍ମସନ୍ତୋଷ ମିଳୁଛି।
-କାର୍ତ୍ତିକ, କାରିଗର, ଅନୁଗୋଳ
ଗ୍ରାହକଙ୍କ ମନକୁ ପାଇଲେ କଷ୍ଟ ଦୂର ହୋଇଯିବ
ମୂର୍ତ୍ତିଗୁଡ଼ିକରେ ଶେଷ ସ୍ପର୍ଶ ଦିଆଯିବା ଆରମ୍ଭ ହୋଇଛି। ୧୦ ବର୍ଷ ହେବ କାମ କରୁଥିବାରୁ ଆଉ କାରିଗରୀରେ ସମସ୍ୟା ହେଉନାହିଁ। ତେବେ ଲୋକଙ୍କ ଚାହିଦାକୁ ନଜରରେ ରଖି ଭିନ୍ନ ତଥା ଫିନିସିଂ ଦେବାକୁ ପଡ଼ୁଛି। ଏହା ଗ୍ରାହକଙ୍କ ମନକୁ ପାଇଲେ ସବୁ କଷ୍ଟ ଦୂର ହୋଇଯିବ।
-ସୁରେନ୍ଦ୍ର ମହାପାତ୍ର, ରଙ୍ଗ କାରିଗର, ତାଳଚେର


Enter your email to get our daily news in your inbox.

All Right Reserved By Dharitri.Com

ବିନା କାମ୍‌ରେ ସୂଚନା ଫଲକ

କୁଚିଣ୍ଡା, ୧୯।୬ (ଡି.ଏନ.ଏ.): କୁଚିଣ୍ଡା ବ୍ଲକ ଗୋଛରା ପଁଚେତ୍‌ ଅଧୀନ ଲଇଗୁରା ଗଁାର ପାଏନ୍‌ ଖିଆ ବଁଧର ଉନ୍‌ନତିକରନ କାମ୍‌ ୪ ଲାଖ୍‌ ଟଁକା ଖରଚ...

ମଙ୍ଗଳରେ ଜୀବନ ସନ୍ଧାନ ପ୍ରୟାସ

ବ୍ରହ୍ମପୁର ଅଫିସ୍‌,୨୦-୧୧:ମଙ୍ଗଳରେ ଜୀବନ ସନ୍ଧାନକୁ ନେଇ ବିଭିନ୍ନ ଦେଶର ବୈଜ୍ଞାନିକମାନେ ଗବେଷଣା ଚଳାଇଛନ୍ତି। ହେଲେ ବର୍ତ୍ତମାନ ସୁଦ୍ଧା କୌଣସି ସଫଳତା ମିଳିପାରି ନାହିଁ। ତେବେ ବ୍ରହ୍ମପୁରର...

ଡିପୋରେ ନିଆଁ: ଜଳିଗଲା ଲକ୍ଷାଧିକ ଟଙ୍କାର କାଠ

ଭଞ୍ଜନଗର,୧।୪: ଭଞ୍ଜନଗର କଲେଜ ରୋଡ଼ରେ ଥିବା ଓଡ଼ିଶା ବନ ଉନ୍ନୟନ ନିଗମର କାଠ ଡିପୋରେ ଗୁରୁବାର ନିଆଁ ଲାଗିଯାଇଥିଲା। ଏଥିରେ ଲକ୍ଷାଧିକ ଟଙ୍କାର କାଠ ଜଳିଯାଇଛି।...

ରିଲିଫ୍‌ ପାଣ୍ଠିକୁ ସହାୟତା

ସୋର, ୨୪ା୪(ଡି.ଏନ୍‌.ଏ.)-ସୋର ଗୋପୀନାଥପୁରସ୍ଥିତ କଳାକାର ମହାସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ୧୦ ହଜାର ଟଙ୍କାର ଏକ ଡ୍ରାଫ୍ଟ ସୋର ତହସିଲଦାରଙ୍କ ଡ. ଅଶୋକ କୁମାର...

ଫୁଲଚାଷ କରି ସ୍ବାବଲମ୍ବୀ ହେଉଛନ୍ତି ଗଞ୍ଜାମ ମହିଳା

ସନ୍ତୋଷ ପାଢୀ ଛତ୍ରପୁର,୨୦ା୩(ଡି.ଏନ୍‌.ଏ.) – ମହିଳା ସବୁ କ୍ଷେତ୍ରରେ ଆଗକୁ ଯାଇ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ଲାଗିଛନ୍ତି।  ଏପରିକି ପୁରୁଷଙ୍କୁ ମଧ୍ୟ କେତେକ...

ଭୁବନେଶ୍ୱର ଫେରନ୍ତାଙ୍କୁ ନେଇ ଦିଗପହଣ୍ଡିରେ ବଢୁଛି ଅସନ୍ତୋଷ: ସ୍ଥିତି ଅନୁଧ୍ୟାନ କଲା ପ୍ରଶାସନ

ଦିଗପହଣ୍ଡି,୮ା୪(ଡି.ଏନ୍‌.ଏ.) : ଗଞ୍ଜାମ ଜିଲା ଦିଗପହଣ୍ଡି ବ୍ଲକ ବୋମୋକେଇ ପଞ୍ଚାୟତ କୁମରଡ଼ା ଗାଁକୁ ଭୁବନେଶ୍ୱର ଫେରନ୍ତା ଶ୍ରମିକଙ୍କୁ ନେଇ ଚାପା ଉତ୍ତେଜନା ଲାଗି ରହିଛି। ଗଞ୍ଜାମ...

ବଜ୍ରପାତରେ ସ୍ବାମୀ ମୃତ, ସ୍ତ୍ରୀ ଗୁରୁତର

ବାରିପଦା ଅଫିସ/ରାଇରଙ୍ଗପୁର,୧୬ା୬(ଡି.ଏନ.ଏ.): ମୟୂରଭଞ୍ଜ ଜିଲା ବାଦାମପାହାଡ଼ ଥାନା ଅନ୍ତର୍ଗତ ପଢିଆ ଗ୍ରାମ ନିକଟରେ ସୋମବାର ବଜ୍ରପାତରେ ସ୍ବାମୀଙ୍କ ମୃତ୍ୟୁ ଘଟିଥିବା ବେଳେ ସ୍ତ୍ରୀ ଗୁରୁତର ଆହତ...

ଅଜୟଗଡ ଘାଟିରେ ଧସିଲା ପାହାଡ

ପାରଳାଖେମୁଣ୍ଡି,୧୫ା୧୦(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ଠାରୁ ଅଜୟଗଡ ମୁଖ୍ୟ ରାସ୍ତା ନାମନାଗଡ ନିକଟ ଅଜୟଗଡ ଘାଟିରେ ବୁଧବାର ରାତିରେ ପାହାଡ ଧସିଛି। ଫଳରେ ଗୁମ୍ମା ବ୍ଲକର...

Advertisement
Archives

Model This Week