ଲାଭ ଦେଇଛି ଲଘୁଚାପ

ଅନୁଗୋଳ ଅଫିସ,୨୩ା୯: ଅଗଷ୍ଟରେ ଫାଟି ଆଁ କରିଥିଲା ଜମି। ବର୍ଷାକୁ ଚାହିଁ ଚାହିଁ ଗଡ଼ି ଯାଇଥିଲା ଚାଷ ସମୟ। ଫଳରେ ଧାନ ଫସଲକୁ ନେଇ ପୂରଣ ହୋଇପାରିଲାନି ଲକ୍ଷ୍ୟଧାର୍ଯ୍ୟ। ତଥାପି ମରୁଡ଼ି ଆଶଙ୍କାରେ ଆତଙ୍କିତ ହୋଇପଡ଼ିଥିଲେ ଅନୁଗୋଳ ଜିଲାର ଚାଷୀ। ହେଲେ ସେପ୍ଟେମ୍ବରରେ ବଦଳିଗଲା ସ୍ଥିତି। ଘନ ଘନ ଲଘୁଚାପ ସହ ଲଗାଣ ବର୍ଷା ଜିଲାର ଅନେକ ଅଞ୍ଚଳକୁ ଜଳପ୍ଳାବିତ କରିଦେଲା। ଶୁଖି ଆସୁଥିବା ଚାଷୀ ମୁହଁରେ ହସ ଖେଳାଇଦେଲା। ତେବେ ଅନ୍ୟ ଜିଲାପରି ଅତି ପ୍ରବଳ ବର୍ଷା ହୋଇ ନ ଥିବାରୁ ଅନୁଗୋଳର ଚାଷୀଙ୍କୁ ମିଳିଛି ଲାଭ। ଜିଲାରେ ସେପରି ପ୍ରଭାବିତ ହୋଇନି ଧାନ ଫସଲ। ବୁଡ଼ି ରହିଥିବା ୨୫୦ ହେକ୍ଟର ଜମି ଉପରୁ ତୁରନ୍ତ ପାଣି ଛାଡ଼ିଯାଇଥିବାରୁ ଏବେ ସତେଜ ହୋଇଉଠିଛି ଧାନ ଗଛ।
ଚଳିତବର୍ଷ ଅନୁଗୋଳ ଜିଲାର ୮୬ ହଜାର ୦୪୫ ହେକ୍ଟର ଜମିରେ ଧାନ ଚାଷ କରାଯିବାକୁ ଲକ୍ଷ୍ୟ ରଖାଯାଇଥିଲା। କିନ୍ତୁ ସ୍ବଳ୍ପ ବୃଷ୍ଟି ଏଥିରେ ଅନ୍ତରାୟ ସାଜିଥିଲା। ବହୁ କଷ୍ଟରେ ଚାଷୀକୁଳ ୭୧ ହଜାର ୯୦୪ ହେକ୍ଟରରେ ଫସଲ କରିଥିବାବେଳେ ୧୪ ହଜାର ୧୪୧ ହେକ୍ଟର ପଡ଼ିଆ ପଡ଼ିଥିଲା। ଏଣେ ତଳି ବୁଢ଼ା ହୋଇଯାଉଥିବାରୁ ଚାଷୀଙ୍କ ଚିନ୍ତା ବଢ଼ିଯାଇଥିଲା। ହେଲେ ବର୍ଷାର ଦେଖା ନ ଥିଲା। ଚାଷୀମାନଙ୍କ ହତାଶ ଭାବକୁ ଦେଖି ଅଧିକ ବିଳମ୍ବ ନ କରି ଅନୁଗୋଳ ଜିଲାକୁ ସମ୍ପୂର୍ଣ୍ଣ ମରୁଡ଼ି ଘୋଷଣା କରିବାକୁ ବିରୋଧୀ ରାଜନୈତିକ ଦଳଗୁଡ଼ିକ ପକ୍ଷରୁ ଜୋରଦାର ଦାବି କରାଯାଇଥିଲା। ସରକାରୀ ସ୍ତରରେ ମଧ୍ୟ ଧାନ ଚାଷର ବିକଳ୍ପ ବ୍ୟବସ୍ଥା ଉପରେ ବିଚାର ବିମର୍ଶ ଜାରି ରହିଥିଲା। କେତେକ ବ୍ଲକରେ ତୈଳବୀଜ ଚାଷ କରିବାକୁ ଚାଷୀଙ୍କୁ ପରାମର୍ଶ ମଧ୍ୟ ଦିଆଯାଇଥିଲା। ମାତ୍ର ସେପ୍ଟେମ୍ବରରେ ପାଣିପାଗର ଚିତ୍ର ସମ୍ପୂର୍ଣ୍ଣ ବଦଳି ଯାଇଥିଲା। ଲଘୁଚାପଜନିତ ବର୍ଷା ପାଣିରେ ଚାଷ ଜମି ସବୁ ଭରିଯାଇଥିଲା। ଚାଷ ହୋଇଥିବା ୮୬ ହଜାର ୦୪୫ ହେକ୍ଟର ମଧ୍ୟରୁ ମାତ୍ର ୨୫୦ ହେକ୍ଟରରେ ଫସଲ ବୁଡ଼ି ଯାଇଥିଲା। କିନ୍ତୁ ଉକ୍ତ ପାଣି ଅଧିକ ଦିନ ନ ରହିବାରୁ ଅନ୍ୟ ଜିଲାରେ ଯେପରି ଫସଲ ପଚିଶଢ଼ି ଯାଇଛି, ସେପରି କ୍ଷୟକ୍ଷତିରୁ ଅନୁଗୋଳ ଜିଲା ବର୍ତ୍ତି ଯାଇଥିଲା। ତଥାପି ଯେଉଁ ସ୍ବଳ୍ପ ପରିମାଣର କ୍ଷତି ହୋଇଛି ତାହାକୁ ତୁରନ୍ତ ଯେପରି ଭରଣା କରାଯିବ ସେ ଦିଗରେ ଦୃଷ୍ଟି ଦେବାକୁ ଜିଲାର ଚାଷୀମାନେ ଦାବି କରିଛନ୍ତି।

ଆଶଙ୍କାରୁ ମିଳିଛି ମୁକ୍ତି
ଗତ ଲଗାଣ ବର୍ଷାରେ ଅନୁଗୋଳ ଜିଲାରେ କୃଷି କାର୍ଯ୍ୟ ପ୍ରଭାବିତ ହୋଇନାହିଁ। ବରଂ ମରୁଡ଼ି ଆଶଙ୍କାରେ ଥିବା ଚାଷୀଙ୍କୁ ଆଶ୍ବସ୍ତି ମିଳିଛି। ଆଠମଲ୍ଲିକ ଅଞ୍ଚଳର ଯେଉଁ କିଛି ଜମିରେ ବର୍ଷା ପାଣି ଜମି ରହିଥିଲା, ତାହା ଦିନଟିଏ ପରେ ନିଷ୍କାସିତ ହୋଇଯାଇଛି। ଏବେ ସେଭଳି ସମସ୍ୟା ଜିଲାରେ ନାହିଁ।
-ଦେବରାଜ ମହାନ୍ତି, ଜିଲା ମୁଖ୍ୟ କୃଷି ଅଧିକାରୀ, ଅନୁଗୋଳ

କାମରେ ଆସିବ ନାହିଁ
ଚଳିତବର୍ଷ ଠିକ୍‌ ସମୟରେ ବର୍ଷା ନ ହେବାରୁ ଛେଣ୍ଡିପଦା ବ୍ଲକ ଅଞ୍ଚଳରେ ଧାନ ଚାଷ ଲକ୍ଷ୍ୟଧାର୍ଯ୍ୟ ପୂରଣ କରିପାରି ନାହିଁ। ବିଶେଷକରି ଅଗଷ୍ଟରେ ସ୍ବଳ୍ପ ବୃଷ୍ଟି ଓ ଜଳସେଚନ ଅଭାବ କାରଣରୁ ବହୁ ହେକ୍ଟର ଜମି ପଡ଼ିଆ ପଡ଼ିଛି। ଚଳିତମାସରେ ପ୍ରବଳ ବର୍ଷା ହୋଇଥିଲେ ମଧ୍ୟ ବୁଢ଼ା ହୋଇଯାଇଥିବା ତଳି ଆଉ କାମରେ ଆସିବ ନାହିଁ।
-ସାଧୁ ଚରଣ ବାରିକ, ଚାଷୀ, କଙ୍କରେଇ, ଛେଣ୍ଡିପଦା

ଋଣ ପୈଠ ନେଇ ଚିନ୍ତାରେ
ଲଘୁଚାପ ବର୍ଷାରେ କିଛି ଧାନ ଫସଲ ନଷ୍ଟ ହୋଇଛି। ଏହାକୁ ନେଇ ଚିନ୍ତାରେ ଥିବା ଚାଷୀମାନେ ବହୁ ସ୍ଥାନରୁ ଆଣିଥିବା ଋଣ କିପରି ଶୁଝିବେ ତାହା ଭାବି ହେଉଛନ୍ତି। ରାଜ୍ୟ ସରକାର ତୁରନ୍ତ କ୍ଷତିଗ୍ରସ୍ତ ଚାଷୀମାନଙ୍କୁ ସହାୟତା ଯୋଗାଇ ଦେବା ସହ ଚାଷୀ କିପରି ଋଣ କବଳରୁ ମୁକ୍ତ ହୋଇପାରିବେ ସେ ନେଇ ବ୍ୟବସ୍ଥା କରନ୍ତୁ।
-ସୁଜିତ ମିଶ୍ର, ଚାଷୀ, ଠାକୁରଗଡ

ଚାଷୀଙ୍କୁ ସାର ମିଳୁନି
ଲଘୁଚାପ ବର୍ଷା ପରେ ଚାଷ ପାଇଁ ଆବଶ୍ୟକ ସାର ମିଳୁ ନ ଥିବା ବେଳେ କିଛି ବିଲରେ ପାଣି ଜମି ରହିଛି। ଏଥିଯୋଗୁ ଚାଷୀମାନେ କ୍ଷତି ସହିବାର ଆଶଙ୍କା ଦେଖାଦେଇଛି। ସରକାର ଏକ ପ୍ରତିନିଧି ପଠାଇ ଧାନ ଚାଷ ସ୍ଥିତି ଅନୁଧ୍ୟାନ କରି ତୁରନ୍ତ ଚାଷୀମାନଙ୍କୁ ସହାୟତା ନେଇ ଘୋଷଣା କରନ୍ତୁ।
-ଗୋପାଳ ନାୟକ, ମିଣ୍ଡୋଳ


Enter your email to get our daily news in your inbox.

All Right Reserved By Dharitri.Com

ଜଣଙ୍କୁ ପଥରରେ ଛେଚି ହତ୍ୟା, ମୃତଦେହ ନିକଟରେ ଦୁର୍ବୃତ୍ତ ରକ୍ତରେ ଲେଖିଲେ ପରବର୍ତ୍ତୀ ଟାର୍ଗେଟଙ୍କ ନାଁ

ପୁରୁଷୋତ୍ତମପୁର,୨୦ା୯(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଚିଙ୍ଗୁଡିଘାଇ ଗ୍ରାମରେ ଜଣେ ବ୍ୟକ୍ତିଙ୍କୁ ରବିବାର ରାତିରେ ଶୋଇଥିବା ଅବସ୍ଥାରେ ଅତି ବୀଭତ୍ସ ଭାବରେ ମୁଣ୍ଡକୁ ପଥର...

‘ସରକାରଙ୍କ ନିୟନ୍ତ୍ରଣରେ ମନ୍ଦିର ନ ରହୁ’

ପୁରୀ ଅଫିସ,୨୮ା୫: ବରିଷ୍ଠ ଭାଜପା ନେତା ସୁବ୍ରମଣ୍ୟମ୍‌ ସ୍ବାମୀ ଶୁକ୍ରବାର ପୁରୀ ଗସ୍ତରେ ଆସି ମହାପ୍ରଭୁଙ୍କୁ ଦର୍ଶନ କରିବା ସହ ଗୋବର୍ଦ୍ଧନ ପୀଠାଧୀଶ ଜଗଦ୍‌ଗୁରୁ ଶଙ୍କରାଚାର୍ଯ୍ୟଙ୍କୁ...

ମାଟ୍ରିକ ପରୀକ୍ଷା ଦେଲେ ବିଧାୟକ

ସୋରଡ଼ା,୩୦।୭(ଡି.ଏନ୍‌.ଏ.): ମାଟ୍ରିକ ଅଫଲାଇନ ପରୀକ୍ଷା ଶୁକ୍ରବାରଠାରୁ ଆରମ୍ଭ ହୋଇଛି। ଅସନ୍ତୁଷ୍ଟ ଥିବା ୧୫ ହଜାରରୁ ଅଧିକ ଛାତ୍ରୀଛାତ୍ର ପରୀକ୍ଷା ଦେଉଛନ୍ତି। ଏହା ମଧ୍ୟରେ ତିନିତିନି ଥର...

ଗୋବିନ୍ଦଙ୍କ କୋଭିଡ୍‌ ରିପୋର୍ଟକୁ ନେଇ ବଢିଲା ଦ୍ୱନ୍ଦ୍ୱ

ଟିଟିଲାଗଡ଼, ୨୫।୧୦(ଡି.ଏନ.ଏ.): ମମିତା ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଟିଟିଲାଗଡ ପୋଲିସ ବାରାକରୁ ଗତ ୧୭ ତାରିଖ ରାତିରେ ଫେରାର ହେବା ଦିନଠାରୁ...

କୁଜଙ୍ଗ ଓକିଲ ସଂଘ କର୍ମକର୍ତ୍ତାଙ୍କୁ ନୋଟିସ୍‌

କଟକ ଅଫିସ୍‌,୯ା୪: ଆଇନ୍‌ଜୀବୀଙ୍କୁ ଆର୍ଥତ୍କ ସହାୟତା ନେଇ ବିଭ୍ରାନ୍ତିକର ତଥ୍ୟ ପ୍ରଦାନ ଅଭିଯୋଗ। ହ୍ବାଟସ୍‌ଆପ୍‌ରେ ଏଭଳି ତଥ୍ୟ ପଠାଇ ଫସିଛନ୍ତି କୁଜଙ୍ଗ ଓକିଲ ସଂଘର ସାଧାରଣ...

ଖରସ୍ରୋତାକୁ ଚିରସ୍ରୋତା କରିବାକୁ ପ୍ରୟାସ

ରସୁଲପୁର,୩୧ା୮(ଡି.ଏନ.ଏ.): ଯାଜପୁର ଜିଲା ରସୁଲପୁର ବ୍ଲକର ଉତ୍ତର ସୀମାରେ ପ୍ରବାହିତ ମୂଳ ଖରସ୍ରୋତା ନଦୀକୁ ବଞ୍ଚାଇ ଚିରସ୍ରୋତା କରିବା ପାଇଁ ପୁନରୁଦ୍ଧାର ସମିତି ପକ୍ଷରୁ ପ୍ରୟାସ...

ଦାୟିତ୍ୱ ଗ୍ରହଣ କଲେ ସମୀର

ଭୁବନେଶ୍ୱର,୧୭।୧(ବ୍ୟୁରୋ): ଭାଜପାର ନବନିର୍ବାଚିତ ରାଜ୍ୟ ସଭାପତି ସମୀର ମହାନ୍ତି ଶୁକ୍ରବାର ଦାୟିତ୍ୱ ଗ୍ରହଣ କରିଛନ୍ତି। ରାଜ୍ୟ ଭାଜପା କାର୍ଯ୍ୟାଳୟରେ ଆୟୋଜିତ ସ୍ବତନ୍ତ୍ର ଉତ୍ସବରେ ଦଳର ପ୍ରମୁଖ...

କ୍ୱାରାଣ୍ଟାଇନ କଡ଼ାକଡ଼ି କରିବାକୁ ଦାବି

ତାଳଚେର,୯ା୫(ନି.ପ୍ର.) – ଓଡ଼ିଶା ବାହାରୁ ଅନୁଗୋଳ ଜିଲାକୁ ଆସୁଥିବା ଶ୍ରମିକ, ଛାତ୍ରୀଛାତ୍ର ତଥା ବ୍ୟକ୍ତି ବିଶେଷଙ୍କ ସମ୍ପର୍କରେ ଠିକ୍‌ ଭାବେ ସର୍ଭେ କରାଯାଇ ସେମାନଙ୍କୁ ମାସେ...

Advertisement
Archives

Model This Week