Posted inଖେଳ

ଜାତୀୟ ଚୟନକର୍ତ୍ତା ପଦ ପାଇଁ ଦରଖାସ୍ତ ଆହ୍ବାନ କଲା ବିସିସିଆଇ

ନୂଆଦିଲ୍ଲୀ,୧୧।୧୧(ପି.ଟି.): ଜାତୀୟ ଚୟନକର୍ତ୍ତା ପଦ ପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଆବେଦନ ପତ୍ର ଆହ୍ବାନ କରିଛି। ଜାତୀୟ ସିନିୟର ଚୟନ କମିଟିର ୩ଜଣ ଚୟନକର୍ତ୍ତାଙ୍କ କାର୍ଯ୍ୟକାଳ ପୂରଣ ହେବାକୁ ଯାଉଛି। ନଭେମ୍ବର ୧୫ ଅର୍ଥାତ ରବିବାରକୁ ଦରଖାସ୍ତ ପଠାଇବାର ଶେଷ ତାରିଖ ଭାବେ ଧାର୍ଯ୍ୟ କରାଯାଇଛି। ଆବେଦନକାରୀ ପ୍ରାର୍ଥୀଙ୍କ ସର୍ବୋଚ୍ଚ ବୟସସୀମା ୬୦ ରଖାଯାଇଛି। ପ୍ରାର୍ଥୀ ଅତିକମ୍‌ରେ ୩୦ଟି ପ୍ରଥମଶ୍ରେଣୀ ମ୍ୟାଚ୍‌ ଖେଳିବା ନିହାତି ଜରୁରୀ ବୋଲି କୁହାଯାଇଛି। ତେବେ ପ୍ରାର୍ଥୀଙ୍କର ଅନ୍ତର୍ଜାତୀୟ ମ୍ୟାଚ୍‌ ଖେଳିବାର ଅଭିଜ୍ଞତା (୭ ଟେଷ୍ଟ ଖେଳିଥିବେ କିମ୍ବା ୧୦ ଦିନିକିଆ ଓ ୨୦ ପ୍ରଥମଶ୍ରେଣୀ ମ୍ୟାଚ୍‌ ଖେଳିଥିବେ) ସମ୍ପର୍କରେ କିଛି କୁହାଯାଇନାହିଁ।
ଯେଉଁ ଚୟନକର୍ତ୍ତାଙ୍କ କାର୍ଯ୍ୟକାଳ ସରିବାକୁ ଯାଉଛି ସେମାନେ ହେଲେ ଦେବାଙ୍ଗ ଗାନ୍ଧୀ (ପୂର୍ବାଞ୍ଚଳ), ସରନଦୀପ ସିଂ (ଉତ୍ତରାଞ୍ଚଳ) ଓ ଯତୀନ ପରନଜାପେ (ପଶ୍ଚିମାଞ୍ଚଳ)। ଜୋନାଲ ପିଲିସିକୁ ବିସିସିଆଇ ଉଚ୍ଛେଦ କରିଛି। ଗତଥର ଏମ୍‌ଏସ୍‌କେ ପ୍ରସାଦଙ୍କ ବଦଳରେ ସମାନ ଜୋନ ସୁନୀଲ ଜୋଶୀଙ୍କୁ ମୁଖ୍ୟ ଚୟନକର୍ତ୍ତା ନିଯୁକ୍ତ କରାଯାଇଥିଲା। ସେହିପରି ରେଲଓ୍ବେର ହରବିନ୍ଦର ସିଂଙ୍କ ବଦଳରେ ରାଜସ୍ଥାନର ଗଗନ ଖୋଡା ଗତ ଫେବୃୟାରୀରେ ସେଣ୍ଟ୍ରାଲ ଜୋନ୍‌ ଚୟନକର୍ତ୍ତାଭାବେ ନିଯୁକ୍ତ ହୋଇଥିଲେ। ଗତ ପର୍ଯ୍ୟାୟରେ ମୁମ୍ବାଇର ଅଜିତ ଅଗରକର ଓ ଦିଲ୍ଲୀର ମନିନ୍ଦର ସିଂ ଆବେଦନ ପତ୍ର ଦାଖଲ କରିଥିଲେ। ଏମାନଙ୍କ ଦରଖାସ୍ତର ମାନ୍ୟତା ଏଥର ବଜାୟ ରହିବ ବୋଲି ଆଶା କରାଯାଉଛି।
ଜାତୀୟ ଚୟନକମିଟିର ଅଧ୍ୟକ୍ଷ ସର୍ବାଧିକ ସଂଖ୍ୟାରେ ଅନ୍ତର୍ଜାତୀୟ ମ୍ୟାଚ୍‌ ଖେଳିବାର ଅଭିଜ୍ଞତା ରହିବା ଆବଶ୍ୟକ। ଏହି ଦୃଷ୍ଟିକୋଣରୁ ଦେଖିବାକୁ ଗଲେ ସୁନୀଲ ଜୋଷୀ ଆଗରେ ରହିବେ। ଜୋଷୀ ୧୫ ଟେଷ୍ଟ ଓ ୬୯ ଦିନିକିଆ ଖେଳିଛନ୍ତି। କିନ୍ତୁ ଯଦି କେହି ଜୋଷୀଙ୍କଠାରୁ ଅଧିକ ମ୍ୟାଚ୍‌ ଖେଳିଥିବେ ତା’ହେଲେ ମଦନ ଲାଲଙ୍କ ନେତୃତ୍ୱରେ କ୍ରିକେଟ ଉପଦେଷ୍ଟା କମିଟି ତାଙ୍କୁ ମୁଖ୍ୟ ଚୟନକର୍ତ୍ତା ଭାବେ ଚୟନ କରିବେ। ସିନିୟର ଚୟନ କମିଟି ଭାରତ, ଭାରତ ଏ, ଦୁଲୀପ ଟ୍ରଫି, ଦେଓଧର ଟ୍ରଫି, ଚ୍ୟାଲେଞ୍ଜର ଟ୍ରଫି ଦଳ ଓ ଅବଶିଷ୍ଟ ଭାରତ (ଇରାନୀ ଟ୍ରଫି) ପାଇଁ କୋଚ ଚୟନ କରିଥାନ୍ତି। ସବୁଠୁ ବଡ଼ କଥା ହେଉଛି ସ୍ବଚ୍ଛତାର ସହ ଚୟନ କମିଟି ଦଳ ଚୟନ କରିବା ପାଇଁ ପ୍ରୟାସ କରିବା। କେବଳ ସେତିକି ନୁହେଁ ଜାତୀୟ ଦଳର ବେଞ୍ଚ୍‌ ଷ୍ଟ୍ରେନ୍ଥ ବୃଦ୍ଧିପାଇଁ ମଧ୍ୟ ଚୟନ କମିଟିର ଗୁରୁ ଦାୟିତ୍ୱ ରହିଛି। ଏଥିପାଇଁ କମିଟି ଯୋଜନା ଓ ପ୍ରସ୍ତୁତି କରିବାର ଆବଶ୍ୟକତା ରହିଛି। ଚୟନକର୍ତ୍ତାମାନେ ଟିମ୍‌ ମିଟିଂରେ ଯୋଗ ଦେବା ସହ ବିଭିନ୍ନ ଘରୋଇ ଓ ଅନ୍ତର୍ଜାତୀୟ ମ୍ୟାଚ୍‌ ଦେଖିବା ପାଇଁ ପର୍ଯ୍ୟାପ୍ତ ଭ୍ରମଣ କରିବାର ଆବଶ୍ୟକତା ରହିଛି। ନୋଟିଫିକେଶନ ଅନୁସାରେ ପ୍ରାର୍ଥୀମାନେ ବ୍ୟକ୍ତିଗତ ସାକ୍ଷାତକାର ପାଇଁ ଡକରା ପାଇବେ ବୋଲି କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ତେଲେଙ୍ଗନା, ଆନ୍ଧ୍ରକୁ ସିନ୍ଧୁଙ୍କ ଆର୍ଥିକ ସହାୟତା

ନୂଆଦିଲ୍ଲୀ,୨୬।୩(ପି.ଟି.)- କୋଭିଡ-୧୯ ସଂକ୍ରମଣକୁ ରୋକିବା ପାଇଁ ଅଲିମ୍ପିକ୍ସ ପଦକ ବଜୟିନୀ ତଥା ମହିଳା ବ୍ୟାଡମିଣ୍ଟନ ତାରକା ପି.ଭି. ସିନ୍ଧୁ ତେଲେଙ୍ଗାନା ଓ ଆନ୍ଧ୍ର ସରକାରଙ୍କୁ ୫...

ଏଲିସେ ପେରୀଙ୍କ ସଫଳତା

ଆଣ୍ଟିଗୁଆ, ୧୨।୯- ବିଶ୍ୱର ତୃତୀୟ ମହିଳା କ୍ରିକେଟର୍‌ ଭାବେ ଅଷ୍ଟ୍ରେଲିଆର ଷ୍ଟାର୍‌ ଅଲ୍‌ରାଉଣ୍ଡର ଏଲିସେ ପେରୀ ଅନ୍ତର୍ଜାତୀୟ ଦିନିକିଆ କ୍ରିକେଟ୍‌ରେ ୧୫୦ ଉଇକେଟ୍‌ ଅକ୍ତିଆର କରିଛନ୍ତି।...

ଘୁଞ୍ଚିପାରେ ୟୁଏସ୍‌ ଓପନ୍‌

ନ୍ୟୁୟର୍କ,୧୮।୩(ଏଏଫପି)- କରୋନା ଭାଇରସ୍‌ ଯୋଗୁ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଫ୍ରେଞ୍ଚ୍‌ ଓପନ ପରେ ଏବେ ୟୁଏସ୍‌ ଓପନ ଇଭେଣ୍ଟ ଉପରେ କଳାବାଦାଲ ଛାଇ ହୋଇଯାଇଛି। ଇଭେଣ୍ଟକୁ ଅଗଷ୍ଟ...

ତଥାପି ଅଭ୍ୟାସକୁ ଗୁରୁତ୍ୱ ଦେଉନି ବିରାଟ ବାହିନୀ

ନୂଆଦିଲ୍ଲୀ,୨୫।୬: ଅଭ୍ୟାସ ଅଭାବରୁ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲରେ ପରାସ୍ତ ହେଲା ଟିମ୍‌ ଇଣ୍ଡିଆ। ତଥାପି ଅଭ୍ୟାସକୁ ଗୁରୁତ୍ୱ ଦେଉ ନାହିଁ ବିରାଟ କୋହଲିଙ୍କ ନେତୃତ୍ୱାଧୀନ...

ଆଇସିସି, ଫିଫା ବିଶ୍ୱକପ୍‌ରେ ଦେଶ ପାଇଁ ପ୍ରତିନିଧିତ୍ୱ କରିଥିବା ଖେଳାଳି

ଜଣେ କ୍ରୀଡ଼ାବିତଙ୍କ ପାଇଁ ବିଶ୍ୱକପ୍‌ ଖେଳିବା ସବୁଠୁ ବଡ଼ କଥା। କିନ୍ତୁ ଏମିତି ଜଣେ କ୍ରୀଡ଼ାବିତ୍‌ ରହିଛନ୍ତି, ଯେକି ଦୁଇଟି କ୍ରୀଡ଼ାରେ ବିଶ୍ୱକପ ଖେଳିସାରିଛନ୍ତି। ଅଷ୍ଟ୍ରେଲିଆନ...

ଅଷ୍ଟ୍ରେଲିଆ ଦଳରୁ ବାଦ୍‌ ପଡ଼ିଥିଲେ ବ୍ରାଡମ୍ୟାନ

କିମ୍ବଦନ୍ତୀ ବ୍ୟାଟ୍ସମ୍ୟାନ ଡନ ବ୍ରାଡମ୍ୟାନ କ୍ରିକେଟ ଇତିହାସର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ। ୨୦ ବର୍ଷର ଲମ୍ବା କ୍ୟାରିୟରରେ ସେ ୫୨ ଟେଷ୍ଟ ଖେଳି ୬,୯୯୬ ରନ୍‌...

ୟଜିଏମ୍‌ ଲୁକାଙ୍କୁ ହରାଇଲେ ମହୀତୋଷ

ଭୁବନେଶ୍ୱର, ୧୧ା୮(କ୍ରୀଡ଼ା ପ୍ରତିନିଧି)- ଇଟାଲିରେ ଚାଲିଥିବା ସ୍ପିଲିମବର୍ଗୋ ଓପନର ଚେସ୍‌ର ମାଷ୍ଟର ବର୍ଗରେ ଓଡ଼ିଶାର ମହୀତୋଷ ଦେଙ୍କୁ ବଡ଼ ସଫଳତା ମିଳିଛି। ୧୯୮୧ ରେଟିଂ ପ୍ରାପ୍ତ...

ଧୋନୀଙ୍କ ପାଇଁ ଏମିତି କିଛି କରି ଦେଖାଇଲେ ବଡ ପ୍ରଶଂସକ

ଚେନ୍ନାଇ,୧୫।୧୦:ଆଇପିଏଲ୍‌ରେ ଚେନ୍ନାଇ ସୁପର କିଙ୍ଗସ(ସିଏସ୍‌କେ)କୁ ପାଓ୍ବାର ହାଉସ୍‌ କୁହାଯାଏ। ଏହି ଟୁର୍ନାମେଣ୍ଟରେ ଦଳ ତିନିଥର ଟାଇଟେଲ୍‌ ଜିତିଛି। ସିଏସ୍‌କେ ପ୍ରତ୍ୟେକଥର ପ୍ଲେ ଅଫରେ ପହଞ୍ଚି। କିନ୍ତୁ...

Advertisement
Ten Cric Info


Archives

Model This Week