ନିଖୋଜ ନାବାଳକଙ୍କୁ ବଳି ସନ୍ଦେହ

ମାଧପୁର (ମନୋଜ ପ୍ରଧାନ)/ବଇଣ୍ଡା (ପରିକ୍ଷିତ ସାହୁ), ୨୯ା୭: ଅନୁଗୋଳ ଜିଲା ଆଠମଲ୍ଲିକ ବ୍ଲକ କିଆକଟା ଥାନା ବାସୁଦେବପୁର ପଞ୍ଚାୟତ ସୁବର୍ଣ୍ଣପୁର ଗ୍ରାମର ନିଖୋଜ ସପ୍ତମ ଶ୍ରେଣୀ ଛାତ୍ର ସଞ୍ଜୀବ ବିଶ୍ୱାଳ(୧୩)ଙ୍କ ଗଳିତ ମୃତଦେହ ଶୁକ୍ରବାର ବାରେଣୀ ଜଙ୍ଗଲରୁ ମିଳିବା ପରେ ତୀବ୍ର ଉତ୍ତେଜନା ଦେଖାଦେଇଛି। ଝୁଲନ୍ତା ଅବସ୍ଥାରେ ମୃତଦେହ ଥିବାବେଳେ ଶରୀରର କିଛି ଅଂଶ ଗଛ ତଳେ ପଡ଼ିଥିବାରୁ ନରବଳି ପାଇଁ କେହି ତାଙ୍କୁ ହତ୍ୟା କରିଥିବା ସାଧାରଣରେ ସନ୍ଦେହ କରାଯାଉଛି। ପୋଲିସ ନିଷ୍କ୍ରିୟତାରୁ ଏହି ଘଟଣା ଘଟିଥିବା ଅଭିଯୋଗ କରି ଅଞ୍ଚଳବାସୀ ବାରେଣୀ ଛକଠାରେ ଆଠମଲ୍ଲିକ-କିଆକଟା ରାସ୍ତା ଅବରୋଧ କରିବା ସହ ପୋଲିସ ଗାଡ଼ି ଜାଳି ଦେଇଛନ୍ତି। ପରିସ୍ଥିତି ନିୟନ୍ତ୍ରଣ କରିବା ପାଇଁ ପୋଲିସ ଓ ପ୍ରଶାସନିକ ଅଧିକାରୀମାନେ ବୁଝାଶୁଝା ଜାରି ରଖିଛନ୍ତି।
ଘଟଣାରୁ ଜଣାପଡିଛି, ସୁବର୍ଣ୍ଣପୁର ଗ୍ରାମର ସଞ୍ଜୀବଙ୍କ ଦେହ କିଛି ବର୍ଷ ହେବ ଖରାପ ରହୁଥିଲା। ପଡ଼ୋଶୀ ଗଁା ଟୁସରଠାରେ ପୂଜା ପାଉଥିବା ମଙ୍ଗଳା କୋଠିରେ ମାନସିକ ରଖି ପୂଜା କଲେ ପୁଅ ଭଲ ହୋଇଯିବ ବୋଲି ଶୁଣିିବା ପରେ ଗତ ଜାନୁୟାରୀରେ ମା’ ବାସନ୍ତୀ ବିଶ୍ୱାଳ ଉକ୍ତ ମଙ୍ଗଳା କୋଠିକୁ ଯାଇ ଶରଣ ପଶିଥିଲେ। ପୁଅର ଦେହ ଭଲ ହୋଇଯିବ ବୋଲି କହି ସେଠାରେ ଥିବା ମହିଳା ପୂଜକ ୨ଟି ବୋଦା ଓ ୩୦ ହଜାର ଟଙ୍କା ବାସନ୍ତୀଙ୍କ ଠାରୁ ନେଇଥିଲେ। ହେଲେ ସଞ୍ଜୀବଙ୍କ ଦେହ ଭଲ ନ ହେବାରୁ ବାସନ୍ତୀ ଗତ ୨୨ ତାରିଖରେ ପୁଅକୁ ନେଇ ଟୁସର ଯାଇଥିଲେ। ପୂଜକଙ୍କ ନିର୍ଦ୍ଦେଶ ଅନୁଯାୟୀ ପୁଅକୁ ମଙ୍ଗଳା କୋଠିରେ ରାତିରେ ଅଧିଆ ପକାଇ ସେ ଅନ୍ୟ କୋଠରିରେ ଶୋଇଥିଲେ। ହେଲେ ସକାଳୁ ପୁଅକୁ ମଙ୍ଗଳା କୋଠିରେ ନ ପାଇ ବାସନ୍ତୀ ବିଚଳିତ ହୋଇପଡ଼ିଥିଲେ। ଏ ନେଇ ପୂଜା କରୁଥିବା ମହିଳାଙ୍କୁ ପଚାରିଥିଲେ ହେଁ କୌଣସି ଉତ୍ତର ପାଇ ନ ଥିଲେ। ପୁଅ ନିଖୋଜ ଥିବା ନେଇ ସେ ୨୩ ତାରିଖରେ କିଆକଟା ଥାନାରେ ଅଭିଯୋଗ କରିଥିଲେ। ପୋଲିସ ନମ୍ବର ୬୮/୨୩ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ପୂଜକଙ୍କୁ ଡାକି ପଚରାଉଚରା କରିଥିଲେ ମଧ୍ୟ ନିଖୋଜ ସଞ୍ଜୀବଙ୍କ ପତ୍ତା ପାଇ ନ ଥିଲା। ତଦନ୍ତରେ ଅବହେଳା ପ୍ରତିବାଦ କରି ଗୁରୁବାର ରାତିରେ ସୁବର୍ଣ୍ଣପୁର ଗ୍ରାମର ମହିଳା ପୁରୁଷ ଥାନା ଘେରାଉ କରିଥିଲେ। ତେବେ ଶୁକ୍ରବାର କେତେଜଣ ଗାଈ ଚରାଳି ଜଙ୍ଗଲକୁ ଛତୁ ସଂଗ୍ରହ କରିବା ପାଇଁ ଯାଇଥିବାବେଳେ ଏକ ଗଛରେ ମୃତଦେହ ଝୁଲୁଥିବା ଦେଖିବା ପରେ ଘଟଣାସ୍ଥଳରେ ଗ୍ରାମବାସୀ ପହଞ୍ଚିଥିଲେ। ଗୋଡ଼ ଓ ହାତ କଟାଯାଇଥିବାରୁ ନାବାଳକଙ୍କୁ ବଳି ଦିଆଯାଇ ଆତ୍ମହତ୍ୟାର ରୂପ ଦେବାକୁ ଗଛରେ ଟାଙ୍ଗି ଦିଆଯାଇଥିବା ଅଞ୍ଚଳବାସୀ ସନ୍ଦେହ କରିଥିଲେ। ଘଟଣା ପାଇଁ ସେମାନେ ପୋଲିସ ଅବହେଳାକୁ ଦାୟୀ କରି ସଞ୍ଜୀବଙ୍କ ପରିବାରକୁ ୨୦ ଲକ୍ଷ ଟଙ୍କା କ୍ଷତିପୂରଣ ଓ ଅଭିଯୁକ୍ତଙ୍କ ଗିରଫ ଦାବିରେ ବାରେଣୀଛକ ଠାରେ ରାସ୍ତାରୋକୋ କରିଥିଲେ। କିଆକଟା ପୋଲିସ ସେଠାରେ ପହଞ୍ଚିବା ପରେ ଲୋକେ ଅଧିକ ତାତିଯାଇଥିଲେ। ପୋଲିସ ଗାଡ଼ିରେ ନିଅଁା ଲଗାଇ ଦେଇଥିଲେ। ଖବରପାଇ ଅନୁଗୋଳ ଅତିରିକ୍ତ ଏସ୍‌ପି ସୁରେନ୍ଦ୍ର ରାୟଗୁରୁ, ଆଠମଲ୍ଲିକ ଏସ୍‌ଡିପିଓ ବାଳକୃଷ୍ଣ କଅଁର, ଆଠମଲ୍ଲିକ ଉପଜିଲାପାଳ ତରଣି ସୁନା, ଆଠମଲ୍ଲିକ ତହସିଲଦାର ଯଶୋବନ୍ତ ଦେହୁରୀ, କିଶୋରନଗର ତହସିଲଦାର ଶାନ୍ତି ସ୍ବରୂପ ମିଶ୍ର, ଠାକୁରଗଡ଼ ଆଇଆଇସି ପ୍ରିୟବତ ଦାସ, ହଣ୍ଡପା ଆଇଆଇସି ନମିତା ନାୟକଙ୍କ ସହ ସାଇଣ୍ଟିଫିକ ଟିମ୍‌ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ସହ ମୃତଦେହ ଜବତ କରିଥିଲେ।
ଏ ସମ୍ପର୍କରେ ଅନୁଗୋଳ ଏସ୍‌ପି ସୁଧାଂଶୁ ଶେଖର ମିଶ୍ର କହିଛନ୍ତି, ନିଖୋଜ ଅଭିଯୋଗ ପରେ ପୋଲିସ ତଦନ୍ତ କରୁଥିଲା। ମହିଳା ପୂଜକଙ୍କୁ ଡାକି ପଚରାଉଚରା କରୁଥିଲା। ତେବେ ମୃତଦେହ ମିଳିବା ପରେ ଉତ୍ତେଜନା ଦେଖାଦେଇଥିଲା। ଅନୁଗୋଳରୁ ଏକ ପୋଲିସ ଟିମ୍‌ ସେଠାକୁ ପଠାଯାଇ ପରିସ୍ଥିତି ନିୟନ୍ତ୍ରଣ କରିବା ପାଇଁ ଚେଷ୍ଟା କରାଯାଉଛି। ମହିଳା ପୂଜକଙ୍କ ସମେତ ୩ ଜଣଙ୍କୁ ଅଟକ ରଖାଯାଇଛି।


Enter your email to get our daily news in your inbox.

All Right Reserved By Dharitri.Com

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

ତାମିଲନାଡୁରେ ଚାଞ୍ଚଲ୍ୟ: ଟ୍ରେନ୍‌ରେ ମହିଳାଙ୍କୁ ବଳାତ୍କାର ପରେ ହତ୍ୟା

ଚେନ୍ନାଇ,୨୧ା୧୧: ତାମିଲନାଡୁର କନ୍ୟାକୁମାରୀ ଜିଲା ଅନ୍ତର୍ଗତ ନାଗେରକଏଲ ରେଲ୍‌ଓ୍ବେ ୟାର୍ଡରେ ଗତ ୧୩ ତାରିଖରେ ଏକ ଅବ୍ୟବହୃତ ଟ୍ରେନ୍‌ ବଗିରୁ ଜଣେ ୫୪ ବର୍ଷୀୟ ମହିଳାଙ୍କ ମୃତଦେହ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

Kartik Purnima 2026: ସ୍ନାନ-ଦାନଠାରୁ ଆରମ୍ଭ କରି ଦୀପଦାନ ପର୍ଯ୍ୟନ୍ତ, ଏହି ଦିନ ନିଶ୍ଚୟ କରନ୍ତୁ ଏହି ୫ଟି ଶୁଭ କାର୍ଯ୍ୟ!

କାର୍ତ୍ତିକ ମାସ ଶୁକ୍ଳ ପକ୍ଷ ପୂର୍ଣ୍ଣିମା ତିଥିରେ ପାଳିତ ହେଉଥିବା କାର୍ତ୍ତିକ ପୂର୍ଣ୍ଣିମାକୁ ହିନ୍ଦୁ ଧର୍ମରେ ଅତ୍ୟନ୍ତ ପବିତ୍ର ଓ ମହତ୍ତ୍ୱପୂର୍ଣ୍ଣ ମନେ କରାଯାଏ। ସ୍ନାନ, ଦାନ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?