ଦୁବାଇ, ୨୨।୧୦: ଚଳିତ ଆଇପିଏଲ୍ର ୪୦ତମ ମୁକାବିଲାରେ ଗୁରୁବାର ରାଜସ୍ଥାନ ରୟାଲ୍ସର ମୁକାବିଲା ସନ୍ରାଇଜର୍ସ ହାଇଦ୍ରାବାଦ୍ ସହ ହେବ। ତେବେ ଏହି ମ୍ୟାଚ୍ ପୂର୍ବରୁ ଡେଭିଡ୍ ଓ୍ବାର୍ନରଙ୍କ ନେତୃତ୍ୱାଧୀନ ହାଇଦ୍ରାବାଦ୍ ଦଳକୁ ବଡ଼ ଝଟ୍କା ଲାଗିଛି। ଦଳର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ କେନ୍ ଓ୍ବିଲିୟମସନ ଆଘାତଜନିତ ସମସ୍ୟା ଲାଗି ଏହି ମ୍ୟାଚ୍ରେ ଖେଳିବେ ନାହିଁ। ତେବେ ଓ୍ବିଲିୟମସନଙ୍କ ଆଘାତ ସମସ୍ୟା ସେତେ ଗମ୍ଭୀର ନ ଥିଲେ ମଧ୍ୟ ହାଇଦ୍ରାବାଦ୍ ଦଳ କୌଣସି ରିସ୍କ ଉଠାଇବାକୁ ଚାହୁଁନାହିଁ। ପ୍ଲେ-ଅଫ୍ରେ ସ୍ଥାନ ପକ୍କା କରିବା ଲାଗି ହାଇଦ୍ରାବାଦ୍ ଲାଗି ଏହି ମ୍ୟାଚ୍ ବେଶ୍ ଗୁରତ୍ୱପୂର୍ଣ୍ଣ। ବର୍ତ୍ତମାନ ସୁଦ୍ଧା ସନ୍ରାଇଜର୍ସ ୯ ମ୍ୟାଚ୍ରୁ ୩ ବିଜୟ ଓ ୬ ପରାଜୟ ସହ ୬ ପଏଣ୍ଟ ପାଇ ଟେବୁଲ ତାଲିକାର ୭ମ ସ୍ଥାନରେ ରହିଛି।
