ଲକ୍ଷ୍ନୌ,୧୭।୬: ରାଜ୍ୟର ସମସ୍ତ ଛାତ୍ରୀଛାତ୍ରଙ୍କ ପାଇଁ ଖୁସି ଖବର। ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଓ କ୍ରମାଗତ ଲୁ (ଗରମ ପବନ)କୁ ଦୃଷ୍ଟିରେ ରଖି ରାଜ୍ୟ ସରକାର ପ୍ରାଥମିକ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟଗୁଡ଼ିକର ଗ୍ରୀଷ୍ମକାଳୀନ ଛୁଟି ଅବଧିକୁ ବଢ଼ାଇ ଦେଇଛନ୍ତି, ଯାହାଦ୍ୱାରା ପିଲାମାନଙ୍କ ସ୍ୱାସ୍ଥ୍ୟ ସୁରକ୍ଷିତ ରହିପାରିବ। ନୂତନ ନିର୍ଦ୍ଦେଶାବଳୀ ଅନୁଯାୟୀ, ଏବେ ସ୍କୁଲଗୁଡ଼ିକ ୨୪ ଜୁନ ୨୦୨୬ ପର୍ଯ୍ୟନ୍ତ ବନ୍ଦ ରହିବ। ପୂର୍ୱରୁ ଜୁନ ୧୬ ରୁ ସ୍କୁଲ ଖୋଲିବାର ଥିଲା, କିନ୍ତୁ ପାଣିପାଗର ସ୍ଥିତିକୁ ଦେଖି ଉତ୍ତର ପ୍ରଦେଶ ସରକାର ଏହି ନିଷ୍ପତ୍ତି ନେଇଛନ୍ତି। ଏବେ ଛାତ୍ରଛାତ୍ରୀଙ୍କ ପାଇଁ ନିୟମିତ ପାଠପଢ଼ା (କ୍ଲାସ) ୨୫ ଜୁନ ୨୦୨୬ ରୁ ଆରମ୍ଭ ହେବ।
ଯଦିଓ ଛାତ୍ରଛାତ୍ରୀଙ୍କ ପାଇଁ ଛୁଟି ଜାରି ରହିବ, ହେଲେ ବିଦ୍ୟାଳୟଗୁଡ଼ିକରେ ଆବଶ୍ୟକୀୟ ବ୍ୟବସ୍ଥା ସଂପୂର୍ଣ୍ଣ କରିବା ପାଇଁ ସମ୍ପୃକ୍ତ ଅଧିକାରୀ ଓ ଶିକ୍ଷକମାନଙ୍କୁ ୨୨, ୨୩ ଏବଂ ୨୪ ଜୁନ୍ରେ ସ୍କୁଲକୁ ଆସିବାକୁ ପଡ଼ିବ। ଏହି ସମୟ ମଧ୍ୟରେ ସ୍କୁଲଗୁଡ଼ିକର ସଫାସୁତୁରା, ସମୟ-ସାରଣୀ (Time-Table) ପ୍ରସ୍ତୁତ କରିବା, ମଧ୍ୟାହ୍ନ ଭୋଜନ (Mid-Day Meal) ବ୍ୟବସ୍ଥା, ପାଠ୍ୟପୁସ୍ତକ ବଣ୍ଟନ ଏବଂ ଅନ୍ୟାନ୍ୟ ପ୍ରଶାସନିକ କାର୍ଯ୍ୟ ସମ୍ପନ୍ନ କରାଯିବ। ଏହା ବ୍ୟତୀତ ୨୧ ଜୁନ ଅନ୍ତର୍ଜାତୀୟ ଯୋଗ ଦିବସ ଅବସରରେ ବିଦ୍ୟାଳୟଗୁଡ଼ିକରେ ସୱତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯିବ। ପିଲାମାନଙ୍କୁ ସ୍ୱାସ୍ଥ୍ୟ ଏବଂ ଫିଟନେସ ପ୍ରତି ସଚେତନ କରିବା ପାଇଁ ଯୋଗ ଦିବସ କାର୍ଯ୍ୟକ୍ରମରେ ସେମାନଙ୍କର ସହଭାଗିତା ମଧ୍ୟ ନିଶ୍ଚିତ କରାଯାଇପାରେ।
