ତେଲ ଅଭିବ୍, ୧୫।୬ : କର୍କଟ ପରେ ବୈଜ୍ଞାନିକମାନେ ଏବେ ଏଚଆଇଭି ଏଡସ ସଫଳ ଚିକିତ୍ସାର ସନ୍ଧାନ ମିଳିଛି। ସେମାନେ ଏଭଳି ଟିକା ତିଆରି କରିବାରେ ସଫଳତା ହାସଲ କରିଛନ୍ତି, ଯାହାର କେବଳ ଗୋଟିଏ ଡୋଜ୍ ନେବା ଦ୍ୱାରା ଏଚଆଇଭି ଏଡସ ଭୂତାଣୁକୁ ନଷ୍ଟ କରାଯାଇ ପାରିବ। ଇସ୍ରାଏଲର ତେଲ ଆଭିବ ବିଶ୍ୱବିଦ୍ୟାଳୟର ଗବେଷକମାନଙ୍କ ଦ୍ୱାରା ପ୍ରସ୍ତୁତ ଏହି ଟିକାକରଣର ଲ୍ୟାବ ଫଳାଫଳ ବେଶ୍ ସଫଳ ହୋଇଛି।
ବୈଜ୍ଞାନିକମାନେ ଶରୀରରେ ଥିବା ଟାଇପ-ବି ଧଳା ରକ୍ତ କୋଷିକାର ଜିନ୍ରେ କିଛି ପରିବର୍ତ୍ତନ କରିଥିଲେ, ଯାହା ଏଚଆଇଭି ଭୂତାଣୁକୁ ନଷ୍ଟ କରି ଦେଇଥିଲା। ଏହି ସଫଳତା ଦ୍ୱାରା ଏଚଆଇଭି ଏଡସ ଭଳି ସମସ୍ୟାର ଚିକିତ୍ସା ମଧ୍ୟ ସମ୍ଭବ ହୋଇ ପାରିବ ବୋଲି ବୈଜ୍ଞାନିକମାନେ କହିଛନ୍ତି।
ଏଚଆଇଭି-ଏଡସ ପାଇଁ ଏପର୍ଯ୍ୟନ୍ତ କୌଣସି ଉପଶମ ନାହିଁ। ତଥାପି, ଔଷଧ ସହିତ ଏହି ରୋଗ ସଂକ୍ରମଣ ବନ୍ଦ ହୋଇପାରେ ଏବଂ ଏଚଆଇଭି ସଂକ୍ରମିତ ବ୍ୟକ୍ତି ଦୀର୍ଘ ଦିନ ଧରି ବଞ୍ଚି ରହି ପାରନ୍ତି। ଏଡସ ଏଚଆଇଭି ଅର୍ଥାତ ହ୍ୟୁମାନ ଇମ୍ୟୁନୋଡେଫିସିଏନ୍ସି ଭାଇରସ ଦ୍ୱାରା ବ୍ୟାପିଥାଏ।
ଏହି ଭୂତାଣୁ ଶରୀରର ପ୍ରତିରକ୍ଷା ପ୍ରଣାଳୀ ଉପରେ ଆକ୍ରମଣ କରିଥାଏ। ଯଦି ଏହାର ଚିକିତ୍ସା କରା ନ ଯାଏ ତେବେ ଏଡସ ହୋଇପାରେ। ଏକ ଆକଳନ ଅନୁଯାୟୀ, ୨୦୨୦ ରେ ପୃଥିବୀର ପ୍ରାୟ ୩.୭ କୋଟୀ ଲୋକ ଏହା ଦ୍ୱାରା ଆକ୍ରାନ୍ତ ହୋଇଥିଲେ। ଏହା ମୁଖ୍ୟତଃ ଅସୁରକ୍ଷିତ ଯୌନ ସମ୍ପର୍କ, ସଂକ୍ରମିତ ରକ୍ତ, ସଂକ୍ରମିତ ଛୁଞ୍ଚିର ବ୍ୟବହାର ଏବଂ ଏଚଆଇଭି ସଂକ୍ରମିତ ଗର୍ଭବତୀ ମାଙ୍କ ଠାରୁ ପିଲାଙ୍କ ସଂକ୍ରମିତ ହୋଇଥାଏ।
ଡାକ୍ତର ଆଦି ବାର୍ଜେଲଙ୍କ ନେତୃତ୍ୱରେ ଏକ ଦଳ ବି କୋଷିକା ବ୍ୟବହାର କରିଥିଲେ। ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଏହି କୋଷିକାଗୁଡ଼ିକ ରୋଗ ପ୍ରତିଷେଧକ ଶକ୍ତି ପାଇଁ ଆଣ୍ଟିବଡି ସୃଷ୍ଟି କରିଥାନ୍ତି। ଏହି ଧଳା କୋଷିକାଗୁଡ଼ିକ ଅସ୍ଥି ମଜ୍ଜା ବା ବୋନ୍ ମ୍ୟାରୋରେ ସୃଷ୍ଟି ହୋଇଥାଏ।
ଏଗୁଡିକ ପରିପକ୍ୱ ହୋଇଗଲେ, ରକ୍ତ ମାଧ୍ୟମରେ ଶରୀରର ବିଭିନ୍ନି ଅଂଶରେ ପହଞ୍ଚନ୍ତି। ବୈଜ୍ଞାନିକମାନେ ଏହି ବି କୋଷିକାଗୁଡ଼ିକର ଜିନ ପରିବର୍ତ୍ତନ କରି ଏଚଆଇଭି ଭୁତାଣୁର କିଛି ଅଂଶ ସହିତ ଯୋଗାଯୋଗ କରିଥିଲେ। ପରେ ଏଚଆଇଭି ଭାଇରସ ନଷ୍ଟ ହୋଇଯାଇଥିଲା। ଏହି ଅନୁସନ୍ଧାନର ତଥ୍ୟ ଭିତ୍ତିକ ରିପୋର୍ଟ ନେଚର ଜର୍ଣ୍ଣାଲରେ ପ୍ରକାଶିତ ହୋଇଛି ।
