ମୁମ୍ବାଇ,୧୧।୭: ବଲିଉଡ୍ ନାୟକ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ଏବେବି ସସପେନ୍ସ ଜାରି ରହିଥିବା ବେଳେ ପ୍ରତିଦିନ ଏହାକୁ ନେଇ ସୋସିଆଲ ମିଡିଆରେ ଆଲୋଚନା ସମାଲୋଚନା ଚାଲିଛି। ହେଲେ ଏବେ ଏହାକୁ ନେଇ ଭାରତୀୟ ଜନତା ପାର୍ଟି(ଭାଜପା) ନେତା ସୁବ୍ରମଣ୍ୟମ ସ୍ବାମୀ ପ୍ରଶ୍ନ ଉଠାଇବା ଏହି ମାମଲକୁ ଏକ ନୂଆ ମୋଡ ଦେଇଛି। ସୁଶାନ୍ତଙ୍କ ଆତ୍ମହତ୍ୟା ଘଟଣାର ସିବିଆଇ ତଦନ୍ତ ପାଇଁ କେତେଜଣ ସେଲିବ୍ରିଟି ଓ ରାଜନେତା ଦାବି କରୁଥିବା ବେଳେ ସୁବ୍ରମଣ୍ୟମ ସ୍ବାମୀ କହିଛନ୍ତି ଏବେ ବଲିଉଡ୍ର ୩ ଖାଁ କାହିଁକି ଚୁପ୍ ରହିଛନ୍ତି। ଟୁଇଟରରେ ଆକ୍ଟିଭ ରହୁଥିବା ଏହି ରାଜନେତା ଏବେ ଶାହାରୁଖ, ସଲମାନ ଓ ଆମିର ଖାଁଙ୍କୁ ଟାର୍ଗେଟ କରିଛନ୍ତି। ଟୁଇଟରରେ ସେ ଲେଖିଛନ୍ତି ବର୍ତ୍ତମାନ ବଲିଉଡ୍ର ବାହୁବଳୀ ସଲମାନ, ଶାହାରୁଖ ସୁଶାନ୍ତଙ୍କ ଆତ୍ମହତ୍ୟା ଘଟଣାରେ କାହିଁକି ଚୁପ୍ ରହିଛନ୍ତି। ସେମାନେ କାହିଁକି କିଛି କହୁ ନାହାଁନ୍ତି। ସୂଚନାଯୋଗ୍ୟ, ସୁଶାନ୍ତଙ୍କ ଫ୍ୟାନ୍ ଆଜିବି ଏହା ଆତ୍ମହତ୍ୟା ନୁହେଁ ବୋଲି କହିବା ସହ ସୁଶାନ୍ତ ବଲିଉଡ୍ରେ କେବଳ ନେପୋଟିଜମ ବା ପ୍ରିୟାପ୍ରୀତି ପୋଷଣର ଶିକାର ହୋଇଛନ୍ତି ବୋଲି କହୁଛନ୍ତି।
