ନୂଆଦିଲ୍ଲୀ,୭।୧୨: ଅଷ୍ଟ୍ରେଲିଆ କୋଚ୍ ଜଷ୍ଟିନ ଲାଙ୍ଗର ଦଳର ଅଧିନାୟକ ପଦ ଷ୍ଟିଭ ସ୍ମିଥ୍କୁ ଦେବାକୁ ସଙ୍କେତ ଦେଇଛନ୍ତି। ଭାରତ ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍ରେ ଆରୋନ ଫିଞ୍ଚଙ୍କ ସ୍ଥାନରେ ଅଷ୍ଟ୍ରେଲିଆ ମ୍ୟାନେଜମେଣ୍ଟ ସ୍ମିଥ୍ଙ୍କ ନୁହେଁ ବରଂ ମାଥ୍ୟୁ ଓ୍ବେଡ୍ଙ୍କୁ ଦାୟିତ୍ୱ ଦେଇଥିଲା। ଫିଞ୍ଚଙ୍କୁ ଆଘାତ ଲାଗିଥିବାରୁ ସେ ମ୍ୟାଚ୍ ଖେଳିପାରି ନ ଥିଲେ। ମାତ୍ର ତାଙ୍କ ସ୍ଥାନରେ ଓ୍ବେଡ୍ଙ୍କୁ ଦାୟିତ୍ୱ ଦେବା ବିଷୟ ଏବେ ବିବାଦ ଘେରକୁ ଆସିଛି। ଏହାକୁ ନେଇ କୋଚ୍ ସ୍ମିଥ୍ଙ୍କୁ ପୁଣିଥରେ ଅଷ୍ଟ୍ରେଲିଆର ନେତୃତ୍ୱ ନେବା ସମ୍ଭାବନା କଥାକୁ ଏଡାଇ ନାହାନ୍ତି।
ସେ କହିଛନ୍ତି, ଏହା ପୂର୍ବରୁ ସ୍ମିଥ୍ଙ୍କୁ କିଛି ପ୍ରକ୍ରିୟା ଦେଇ ଗତି କରିବାକୁ ହେବ। ପ୍ରଥମ ଟି୨୦ ସମୟରେ ଓ୍ବେଡ୍ଙ୍କୁ ଉପଅଧିନାୟକ ଦାୟିତ୍ୱ ଦିଆଯାଇଥିଲା। କାରଣବଶତଃ ଫିଞ୍ଚ ନ ଖେଳିପାରିଲେ ଓ୍ବେଡ୍ ତାଙ୍କ ସ୍ଥାନରେ ଭଲ ବିକଳ୍ପ ହେବେ ବୋଲି ଆଶା ଥିଲା। ସ୍ମିଥଙ୍କ ବିଷୟରେ ମଧ୍ୟ ଚିନ୍ତା କରାଯାଇଥିଲା।
ବଲ ଟାମ୍ପରିଂ ମାମଲା ପରେ କ୍ରିକେଟ ଅଷ୍ଟ୍ରେଲିଆ ପକ୍ଷରୁ ସ୍ମିଥଙ୍କ ଉପରେ ୨୪ ମାସ ପର୍ଯ୍ୟନ୍ତ ବ୍ୟାନ୍ ଲଗାଯାଇଥିଲା। ମାର୍ଚ୍ଚରୁ ଏହି ସମୟସୀମା ଶେଷ ହୋଇଛି। ସ୍ମିଥଙ୍କ ସ୍ଥାନରେ ବହୁତ ବିକଳ୍ପ ମିଳିଛି। ହେଲେ ସେ ଅତିତରେ ଭଲ ପ୍ରଦର୍ଶନ କରିଛନ୍ତି। ତାଙ୍କୁ ପୁଣିଥରେ ଅଧିନାୟକ ହେବା ଲାଗି କିଛି ସର୍ତ୍ତ ପାଇଁ ପ୍ରସ୍ତୁତ ହେବାକୁ ହେବ ବୋଲି ସେ ମଧ୍ୟ କହିଛନ୍ତି।
