Posted inଖେଳ

ଟେଷ୍ଟ ଉପରେ ଶେଫାଳୀଙ୍କ ନଜର

 

ନୂଆଦିଲ୍ଲୀ, ୧୮।୫-ସୀମିତ ଓଭର କ୍ରିକେଟରେ ପ୍ରଭାବୀ ପ୍ରଦର୍ଶନ ପରେ ଭାରତର ୧୭ ବର୍ଷୀୟା ମହିଳା କ୍ରିକେଟର ଶେଫାଳୀ ବର୍ମା ଏବେ ଟେଷ୍ଟ କ୍ୟାରିୟର ଆରମ୍ଭ ଉପରେ ଏକାଗ୍ର ହେଉଛନ୍ତି। ଏଥିପାଇଁ ସେ ଅନାବଶ୍ୟକ ବଲ୍‌ ଛାଡ଼ିବା ସହ ଶଟ୍‌ ଚୟନ ଉପରେ ଧ୍ୟାନ ଦେଉଛନ୍ତି। ଭାରତୀୟ ମହିଳା କ୍ରିକେଟ ଦଳ ୭ ବର୍ଷ ବ୍ୟବଧାନରେ ପ୍ରଥମ ଟେଷ୍ଟ ଖେଳିବାକୁ ଯାଉଛି। ପ୍ରଥମଥରପାଇଁ ଟେଷ୍ଟ ଦଳରେ ସ୍ଥାନ ପାଇଥିବାରୁ ଅଧିକରୁ ଅଧିକ ସମୟ କ୍ରିଜ୍‌ରେ ରହିବା ଏବଂ ଶଟ୍‌ ଖେଳିବାପାଇଁ ଉପଯୁକ୍ତ ବଲ୍‌କୁ ଅପେକ୍ଷା କରିବା ଉପରେ ଗୁରୁତ୍ୱ ଦେଉଛନ୍ତି ଶେଫାଳୀ। ଟି୨୦, ଦିନିକିଆ ଏବଂ ଟେଷ୍ଟ ଭିନ୍ନ ଫର୍ମାଟ୍‌ ହୋଇଥିବାରୁ ପର୍ଯ୍ୟାପ୍ତ ଅଭିଜ୍ଞତା ମିଳିବ। ତିନୋଟି ଯାକ ଫର୍ମାଟ୍‌ରୁ ସେ ଅନେକ କିଛି ଶିଖିବାକୁ ଚେଷ୍ଟା କରିବେ ବୋଲି ଶେଫାଳୀ ପ୍ରକାଶ କରିଛନ୍ତି।
ଭାରତର ସର୍ବକନିଷ୍ଠ ମହିଳା ଭାବେ ଶେଫାଳୀ ଟି୨୦ ଖେଳିଥିଲେ। ସେହିପରି କନିଷ୍ଠ ଭାରତୀୟଭାବେ ଅନ୍ତର୍ଜାତୀୟ ଅର୍ଦ୍ଧଶତକ ମଧ୍ୟ ହାସଲ କରିଥିଲେ। ୨୦୧୯ ସେପ୍ଟେମ୍ବରରେ ସେ ଭାରତୀୟ ଦଳରୁ କ୍ୟାରିୟର ଆରମ୍ଭ କରିଥିଲେ। ସେବେଠାରୁ ଅନ୍ତର୍ଜାତୀୟ ସର୍କିଟ୍‌ରେ ସେ ଜଣେ ନିର୍ଭୀକ ଷ୍ଟ୍ରାଇକରଭାବେ ନିଜକୁ ପ୍ରତିଷ୍ଠିତ କରିଛନ୍ତି। ବର୍ତ୍ତମାନସୁଦ୍ଧା ସେ କ୍ୟାରିୟରରେ ୨୨ଟି ଟି୨୦ ଖେଳି ସାରିଛନ୍ତି। ଗତବର୍ଷ ଅଷ୍ଟ୍ରେଲିଆରେ ଅନୁଷ୍ଠିତ ଟି୨୦ ବିଶ୍ୱକପ୍‌ର ଫାଇନାଲରେ ଭାରତକୁ ପ୍ରବେଶ କରାଇବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ। ୨୦୧୪ ପରେ ଭାରତୀୟ ମହିଳା କ୍ରିକେଟ ଦଳ ପ୍ରଥମ ଥରପାଇଁ ଟେଷ୍ଟ ଖେଳିବାକୁ ଯାଉଛି। ତେଣୁ ଏକ ଘଡ଼ିସନ୍ଧି ସମୟରେ ତାଙ୍କ ଟେଷ୍ଟ କ୍ୟାରିୟର ଆରମ୍ଭ ହେବାକୁ ଯାଉଛି। ଇଂଲଣ୍ଡରେ ଭାରତ ଟେଷ୍ଟ, ଦିନିକିଆ ଓ ଟି୨୦କୁ ମିଶାଇ ମୋଟ ୭ଟି ମ୍ୟାଚ ଖେଳିବ। ଜୁନ୍‌ ୧୬ରୁ ଏହି ସିରିଜ ଆରମ୍ଭ ହେବ। ଆସନ୍ତା ବର୍ଷ ମାର୍ଚ୍ଚ-ଏପ୍ରିଲରେ ପୁନଃନିର୍ଦ୍ଧାରିତ ଦିନିକିଆ ବିଶ୍ୱକପ ନ୍ୟୁଜିଲାଣ୍ଡରେ ହେବାକୁ ଯାଉଥିବାରୁ ତାଙ୍କ ହାର୍ଡ ହିଟିଂ ଦକ୍ଷତା ଭାରତକୁ ମୋମେଣ୍ଟମ ଦେବା ଆଶା ରହିଛି। ଗତ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ତାଙ୍କ ଅନୁପସ୍ଥିତି ଅନୁଭୂତ ହୋଇଥିଲା।
ଟେଷ୍ଟ କ୍ରିକେଟରେ ଶେଫାଳୀଙ୍କ ଫେଭରାଇଟ ଖେଳାଳି ହେଲେ ଅଷ୍ଟ୍ରେଲିଆର ଷ୍ଟିଭ୍‌ ସ୍ମିଥ୍‌। ଦଳରେ ସାମିଲ ହୋଇଥିବାରୁ ସେ ଚୂଡ଼ାନ୍ତ ଏକାଦଶରେ ରହି ଉଭୟ ଟେଷ୍ଟ ଓ ଦିନିକିଆ କ୍ୟାରିୟର ଆରମ୍ଭ କରିବାକୁ ବେଶ୍‌ ଆଶାବାଦୀ। ଏପରି ଡାକରା ପାଇବା ସମୟରେ ମୁଁ ସୁଯୋଗର ସଦ୍‌ବ୍ୟବହାର କରି ନିଜକୁ ପ୍ରମାଣିତ କରିବାକୁ ସର୍ବଦା ଚେଷ୍ଟା କରିଥାଏ। କୌଣସି ଫର୍ମାଟ୍‌ରେ ଖେଳିବାପାଇଁ ପ୍ରଥମଥର ଡାକରା ପାଇବା ସମୟରେ ସମସ୍ତେ ଖୁସି ହୋଇଥାନ୍ତି। ମୁଁ ମଧ୍ୟ ଅତ୍ୟନ୍ତ ଆନନ୍ଦିତ। ଆଗାମୀ ଇଂଲଣ୍ଡ ବିପକ୍ଷ ସିରିଜରେ ଦଳପାଇଁ ଅଧିକରୁ ଅଧିକ ରନ ସଂଗ୍ରହ ମୋର ମୁଖ୍ୟ ଲକ୍ଷ୍ୟ ରହିବ ବୋଲି ଶେଫାଳୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆସ୍‌ଲେ ବାର୍ଟିଙ୍କୁ ଆଇସିସିର ଶୁଭେଚ୍ଛା

ଦୁବାଇ,୯ା୬: ଦୀର୍ଘ ୪୬ ବର୍ଷର ବ୍ୟବଧାନ ପରେ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଫ୍ରେଞ୍ଚ ଓପନ ଟାଇଟଲ ହାତେଇଥିବା ପ୍ରଥମ ଅଷ୍ଟ୍ରେଲିଆନ ଆସ୍‌ଲ ବାର୍ଟିଙ୍କୁ ଅନ୍ତର୍ଜାତୀୟ କ୍ରିକେଟ ପରିଷଦ...

ଜୟପୁର ପିଙ୍କ୍‌ ପାନ୍ଥର୍ସ ବିଜୟୀ

ପାଟନା, ୪ା୮ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି ସିଜନ-୭ରେ ଶନିବାର ଖେଳାଯାଇଥିବା ମ୍ୟାଚରେ ଜୟପୁର ପିଙ୍କ୍‌ ପାନ୍ଥର୍ସ ବିଜୟ ଲାଭ କରିଛି। ଦଳ ୩୪-୨୧ରେ ପାଟନା ପାଇରେଟ୍ସକୁ...

ଭାରତ ‘ଏ’-ଦକ୍ଷିଣ ଆଫ୍ରିକା ‘ଏ’ ଦିନିକିଆ ସିରିଜ : ମନୀଷ, ଆୟାର ଅଧିନାୟକ

ମୁମ୍ବାଇ, ୨୦ା୮(ପି.ଟି.)- ଚଳିତମାସ ୨୯ ତାରିଖରେ ଥିରୁଭାନନ୍ତପୁରମଠାରେ ଭାରତ‘ଏ’-ଦକ୍ଷିଣ ଆଫ୍ରିକା ‘ଏ’ ଦିନିକିଆ କ୍ରିକେଟ ସିରିଜ ଆରମ୍ଭ ହେବ। ୫ ମ୍ୟାଚ ବିଶିଷ୍ଟ ସିରିଜର ପ୍ରଥମ...

ଶ୍ରୀଲଙ୍କା ଖେଳାଳିଙ୍କୁ ଭାରତ ଧମକ ଦେଲା: ପାକିସ୍ତାନ ମନ୍ତ୍ରୀ

ଇସାଲାମାବାଦ,୧୦।୯: ଶ୍ରୀଲଙ୍କା କ୍ରିକେଟ ଦଳର ୧୦ଜଣ ସଦସ୍ୟ ପାକିସ୍ତାନ ଗସ୍ତରେ ଯିବାକୁ ମନା କରିବାରୁ ଏହାର ଦୋଷ ଭାରତ ଉପରେ ଲଦିଛି ପାକିସ୍ତାନ। ଭାରତ ଶ୍ରୀଲଙ୍କା...

ବିଶ୍ୱକପ୍‌ରେ ଭାରତଠାରୁ ହାରିବା ନୂଆ ନୁହେଁ

ଲଣ୍ଡନ, ୨୩ା୬ (ପି.ଟି.)-ରବିବାର ଖେଳାଯିବାକୁଥିବା ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ ତାଙ୍କ ଦଳ ପ୍ରତ୍ୟାବର୍ତ୍ତନ କରିବ ବୋଲି ପାକିସ୍ତାନ କ୍ରିକେଟ ଦଳର ଅଧିନାୟକ ସର୍ଫରାଜ ଅହମ୍ମଦ...

ପଂଘାଲଙ୍କୁ ସ୍ବର୍ଣ୍ଣ, ମହିଳାରେ ପୂଜା ଶ୍ରେଷ୍ଠ

ବ୍ୟାଙ୍କ୍‌କ, ୨୭ା୪ (ପି.ଟି.)-ଏସିଆନ ବକ୍ସିଂ ଚାମ୍ପିୟନଶିପ୍‌ରେ ଭରତୀୟ ପ୍ରତିଯୋଗୀମାନେ ପ୍ରଭାବୀ ପ୍ରଦର୍ଶନ କରିଛନ୍ତି। ଅମିତ ପଂଘାଲ(୫୨କେଜି) ସ୍ବର୍ଣ୍ଣ ପଦକ ହାସଲ କରିଥିବାବେଳେ ପୂଜା ରାଣୀ (୮୧କେଜି)...

ରୋଜର୍ସ କପ୍‌: ସେମିରେ ହାରିଲେ ବୋପାନ୍ନା- ଶାପୋଭାଲୋଭ

ମଣ୍ଟ୍ରିଲ,୧୧।୮(ପି.ଟି.): ଏଠାରେ ଚାଲିଥିବା ଏଟିପି ମଣ୍ଟ୍ରିଲ ମାଷ୍ଟର୍ସ ଟେନିସ ଟୁର୍ନାମେଣ୍ଟରେ ଭାରତର ରୋହନ ବୋପାନ୍ନା ଓ ତାଙ୍କ କାନାଡା ପାର୍ଟନର ଡେନିସ ଶାପୋଭାଲୋଭ ପୁରୁଷ ଡବଲ୍ସ...

ପାକିସ୍ତାନ ବିଶ୍ୱକପ୍‌ ଦଳରେ ଆମୀରଙ୍କ ସ୍ଥାନ ନାହିଁ

କରାଚୀ, ୧୯।୪(ପି.ଟି.)- ମେ ୩୦ ତାରିଖରୁ ଇଂଲଣ୍ଡରେ ଆରମ୍ଭ ହେବାକୁ ଥିବା ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ଦିନିକିଆ ବିଶ୍ୱକପ୍‌ ପାଇଁ ଗୁରୁବାର ପାକିସ୍ତାନ ଦଳ...

Advertisement
Archives

Model This Week