ବିହନ ଯୋଗାଉନି ବିଭାଗ

ବଅଁରପାଳ,୧୭ା୧୨(ଡି.ଏନ.ଏ.) ରବି ଚାଷ ପାଇଁ କୃଷି ସମବାୟ ସମିତିଗୁଡ଼ିକୁ ଆବଶ୍ୟକ ବିହନ ଯୋଗାଇ ଦେଉନି କୃଷି ବିଭାଗ। ଫଳରେ ଅନୁଗୋଳ କୃଷି ଜିଲା ଅଧୀନ ବଅଁରପାଳ ବ୍ଲକ ଅଞ୍ଚଳର ଚାଷୀ ଅଧିକ ଜମିରେ ଫସଲ କରିପାରୁ ନ ଥିବା ଅଭିଯୋଗ ହେଉଛି। ଏପରି କି ବ୍ଲକ କୃଷି ବିଭାଗ ପକ୍ଷରୁ ଯେଉଁ ଲକ୍ଷ୍ୟ ଧାର୍ଯ୍ୟ କରାଯାଇଥିଲା, ଏଯାଏ ତାହାର ଅଧା ଜମିରେ ଚାଷ କାର୍ଯ୍ୟ ହୋଇପାରିଥିବା ସୂଚନା ମିଳିଛି।
ପ୍ରକାଶ ଯେ, ବଅଁରପାଳ ବ୍ଲକ ଅଞ୍ଚଳର ମୋଟ୍‌ ୧୧ ହଜାର ୫୩୬ ହେକ୍ଟର ଜମିରେ ରବି ଫସଲ କରାଯିବା ପାଇଁ ବିଭାଗ ପକ୍ଷରୁ ଲକ୍ଷ୍ୟଧାର୍ଯ୍ୟ କରାଯାଇଛି। ମାତ୍ର ଚାଷୀଙ୍କୁ ଆବଶ୍ୟକ ବିହନ ମିଳିପାରି ନ ଥିବାରୁ ବର୍ତ୍ତମାନ ସୁଦ୍ଧା ୬ ହଜାର ୯୪୬ ହେକ୍ଟରରେ ଫସଲ ହୋଇଛି। ତୁବେ, ଜରାସିଂହା, କୁରୁଡୁଲୁ, କୁକୁଡ଼ାଙ୍ଗ, ତୁଳସୀପାଳ, ସନ୍ତ୍ରୀ, ଫୁଲୁପଡା, କେରେଜେଙ୍ଗ, ଗିରାଙ୍ଗ ଆଦି ବହୁ ଗ୍ରାମର ଚାଷୀ ରବି ଚାଷକୁ ପ୍ରାଧାନ୍ୟ ଦେଇଥାନ୍ତି। ଏମାନଙ୍କୁ ଆବଶ୍ୟକ ସହାୟତା ପାଇଁ ବ୍ଲକ ଅଞ୍ଚଳରେ ୧୩ଟି କୃଷି ସମବାୟ ସମିତି ରହିଛି। କିନ୍ତୁ ସେଥିରୁ ବହୁ ସମିତିରେ ରବି ବିହନ ମହଜୁଦ ରହୁନାହିଁ। ତେଣୁ ଚାଷୀମାନେ ପୂର୍ବରୁ ସାଇତି ରଖିଥିବା ପୁରୁଣା ବିହନକୁ ବ୍ୟବହାର କରୁଥିବା ବେଳେ ଆଉ କେତେଜଣ ହାଟରୁ ବିହନ କିଣିଛନ୍ତି। ଚଳିତବର୍ଷ ୨୨୨ ହେକ୍ଟର ଜମିରେ ରାଶି ଫସଲ ପାଇଁ ବିଭାଗ ପକ୍ଷରୁ ଲକ୍ଷ୍ୟ ସ୍ଥିର କରାଯାଇଛି। ହେଲେ ୯୭ ହେକ୍ଟର ଜମିରେ ଏହି ଚାଷ ହୋଇଛି। ସେହିପରି ୨୫୯୧ ହେକ୍ଟରରେ ମୁଗ ଚାଷ ପାଇଁ ଯୋଜନା କରାଯାଇଥିବା ବେଳେ ୧୬୬୨ ହେକ୍ଟରରେ ଚାଷ ହୋଇଛି। ବିରି ୧୫୧୭ ହେକ୍ଟର ଜମିରେ କରିବାକୁ ଲକ୍ଷ୍ୟ ରହିଥିଲେ ବି ୧୧୭୫ ହେକ୍ଟରରେ ହୋଇପାରିଛି। ୨୬୦୮ ହେକ୍ଟରରେ ପରିବା ଚାଷ କରାଯିବାର ନିଷ୍ପତ୍ତି ନିଆଯାଇଥିଲେ ମଧ୍ୟ ଏଯାଏ ୧୧୪୨ ହେକ୍ଟରରେ କରାଯାଇଛି। ତେବେ ୯୯ ହେକ୍ଟରରେ ଚିନାବାଦାମ ନେଇ ଯେଉଁ ଟାର୍ଗେଟ୍‌ ସ୍ଥିର କରାଯାଇଥିଲା ତାହା ଅଦ୍ୟାବଧି ଆରମ୍ଭ ହୋଇପାରି ନାହିଁ। ଏହାଛଡ଼ା ୪ ହଜାର ହେକ୍ଟର ଜମିରେ ଅନ୍ୟ ଫସଲ ହୋଇଛି। କୃଷି ସମବାୟ ସମିତି ଗୁଡିକରେ ରବି ଫସଲ ବିହନ ମିଳିପାରୁ ନ ଥିବାରୁ ବହୁ ଚାଷୀ ହତାଶ ହୋଇ ଫେରୁଛନ୍ତି। ତେଣୁ ଚଳିତବର୍ଷ ଲକ୍ଷ୍ୟଧାର୍ଯ୍ୟ ପୂରଣ ହେବା ନେଇ ଆଶଙ୍କା ଦେଖାଦେଇଛି। ଏ ସମ୍ପର୍କରେ ବଅଁରପାଲ ଗୋଷ୍ଠୀ କୃଷି ଅଧିକାରୀ ଜ୍ୟୋତିଦୀପ୍ତ ପଟ୍ଟନାୟକ କୁହନ୍ତି, ସାଧାରଣତଃ ରବି ଋତୁରେ କୃଷି ସମବାୟ ସମିତିରେ ବିହନ ମିଳେନାହିଁ। ଚାଷୀ ଘରେ ସାଇତି ରଖିଥିବା ବିହନକୁ ଚାଷ କାର୍ଯ୍ୟରେ ବ୍ୟବହାର କରନ୍ତି। ତଥାପି ଲକ୍ଷ୍ୟଧାର୍ଯ୍ୟ ପୂରଣ କରିବା ପାଇଁ ଉଦ୍ୟମ ଜାରି ରହିଛି।

ସମିତିରୁ ଖାଲି ହାତରେ ଫେରୁଛୁ
ରବି ଋ଼ତୁରେ ପରିବା ସମେତ ବିରି, ମୁଗ, ବାଦାମ ଆଦି ଚାଷ କରିଥାଉ। କିନ୍ତୁ ଚଳିତବର୍ଷ କୃଷି ସମବାୟ ସମିତି ଗୁଡିକରେ ଆବଶ୍ୟକ ପରିମାଣର ବିହନ ମିଳୁ ନାହିଁ। ତେଣୁ ଖାଲି ହାତରେ ସେଠାରୁ ଫେରିବା ସହ ଘରେ ରଖିଥିବା ପୁରୁଣା ବିହନକୁ ବ୍ୟବହାର କରି ଚାଷ କରିଛୁ।
-ଅରୁଣ ସାହୁ, ଚାଷୀ, କନିଆବେଡ଼ା

ଆଗୁଆ ଜଣାଇଥିଲେ ହୋଇଥାନ୍ତା
ଚଳିତବର୍ଷ ବିହନ ଅଭାବ ବଡ଼ ସମସ୍ୟା ପାଲଟିଛି। ଚାଷ କାର୍ଯ୍ୟ ଆରମ୍ଭ ହୋଇଯାଇଥିବା ବେଳେ ଚାଷୀଙ୍କ ହାତରେ ଆବଶ୍ୟକ ପରିମାଣର ବିହନ ନାହିଁ। ସମିତିଗୁଡ଼ିକ ଯଦି ପୂର୍ବରୁ ଚାଷୀଙ୍କୁ ଏହା ଜଣାଇ ଦେଇଥାନ୍ତେ ତା’ହେଲେ ସେମାନେ ନିଜ ପକ୍ଷରୁ ବ୍ୟବସ୍ଥା କରିପାରିଥାନ୍ତେ।
-ବିଘ୍ନେଶ୍ୱର ଦଳେଇ, ଚାଷୀ, କନିଆବେଡ଼ା

ଫସଲ ଭଲ ହୋଇନାହିଁ
ରବି ଜାତୀୟ ଚାଷ କରାଯାଇଛି। କିନ୍ତୁ ଚଳିତ ବର୍ଷ ଏହା ଭଲ ହୋଇନାହିଁ। ଅନ୍ୟ ବିହନ ମିଳି ନ ଥିବାରୁ କେବଳ ଚଣା ଚାଷ କରିଛି। ଆଗକୁ ସରକାରୀ ବିହନ ମିଳିଲେ ଅନ୍ୟ ଫସଲ କରାଯିବ। ସରକାରଙ୍କ ପକ୍ଷରୁ ଚାଷୀଙ୍କୁ ସହାୟତା କରା ନ ଗଲେ ଅନ୍ୟ ବ୍ୟବସ୍ଥା କରାଯିବ।
-ମୃତ୍ୟୁରଞ୍ଜନ ପ୍ରଧାନ, ଚାଷୀ, କୁରୁଡୁଲୁ

ନିଗମରେ ବିହନ ରହିଛି
ନିଗମରେ ବିହନ ମହଜୁଦ ରହିଛି। ଲୋକେ ଏଠାକୁ ଆସି ତାହା ନେଉଛନ୍ତି। ମୁଖ୍ୟତଃ ଖରିଫ ଋତୁରେ କୃଷି ସମବାୟ ସମିତିରେ ବିହନ ଅଧିକ ମାତ୍ରାରେ ଥାଏ। ମାତ୍ର ରବି ଋ଼ତୁରେ ସମିତି ଗୁଡିକରେ ରବି ଜାତୀୟ ବିହନ ଅଧିକମାତ୍ରାରେ ନ ଥାଏ।
-ଆଶିଷ କୁମାର ପ୍ରଧାନ,  ଅଧିକାରୀ ଓଡ଼ିଶା ରାଜ୍ୟ ବିହନ ନିଗମ


Enter your email to get our daily news in your inbox.

All Right Reserved By Dharitri.Com

ଭିଜିଲାନ୍ସ ଜାଲରେ ଶ୍ରମ ବିଭାଗ କାର୍ଯ୍ୟାଳୟର ୨ କର୍ମଚାରୀ

ବାଲେଶ୍ୱର ଅଫିସ,୨୨।୧: ବାଲେଶ୍ୱର ଜିଲା ଶ୍ରମ ବିଭାଗ କାର୍ଯ୍ୟାଳୟର ୨ କର୍ମଚାରୀ ଲାଞ୍ଚନେଉଥିବା ବେଳେ ବୁଧବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ୩ହଜାର ଟଙ୍କା ଲାଞ୍ଚ ନେଉଥିବା...

‘ସରକାରୀ ଚାକିରି ଲାଗି ସର୍ବାଧିକ ବୟସ ସୀମା ୪୨ ବର୍ଷ କରାଯାଉ’

ଭୁବନେଶ୍ୱର, ୨୪।୭(ବ୍ୟୁରୋ): ସରକାରୀ ଚାକିରିରେ ନିଯୁକ୍ତି ପାଇଁ ସର୍ବାଧିକ ବୟସସୀମା ୪୨ ବର୍ଷ ଧାର୍ଯ୍ୟ କରାଯାଉ। ରାଜ୍ୟରେ ୨୧ ବର୍ଷର ନିରଙ୍କୁଶ ଶାସନ ପରେ ମଧ୍ୟ...

ଶନିବାର ସବୁ ନିର୍ବାଚନମଣ୍ଡଳୀରେ ବିଜେଡି ପାଳିବ ‘ବିଜୁ ଜୟନ୍ତୀ

ଭୁବନେଶ୍ୱର, ୪ା୩(ବ୍ୟୁରୋ): ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ୧୦୬ତମ ଜୟନ୍ତୀ ପ୍ରତ୍ୟେକ ନିର୍ବାଚନମଣ୍ଡଳୀସ୍ତରରେ ଶନିବାର ନିରଡାମ୍ବର ଭାବେ ପ୍ରତ୍ୟେକ ନିର୍ବାଚନମଣ୍ଡଳୀ ସ୍ତରରେ ପାଳନ କରାଯିବ। ଏନେଇ...

ଜାମିନ ସର୍ତ୍ତରେ କୋହଳ ଲାଗି ହାଇକୋର୍ଟରେ ସାରଥିଙ୍କ ଆବେଦନ

କଟକ ଅଫିସ, ୩୧ା୮: ପ୍ରାୟ ୪ ବର୍ଷ ଜେଲ୍‌ରେ ରହିବା ପରେ ସାରଥି ବାବା ଓରଫ ସନ୍ତୋଷ ରାଉଳ ଗତ ଜୁଲାଇ ୨୫ରେ ଜାମିନରେ ମୁକୁଳିଥିଲେ।...

ବିଶ୍ୱର ଶ୍ରେଷ୍ଠ ଏନ୍‌ଜିଓ ତାଲିକାରେ କିସ୍‌

ଭୁବନେଶ୍ୱର,୨୧।୫(ବ୍ୟୁରୋ): ବିଶ୍ୱର ସର୍ବବୃହତ ଆବାସିକ ଜନଜାତି ଅନୁଷ୍ଠାନ କଳିଙ୍ଗ ଇନ୍‌ଷ୍ଟିଚ୍ୟୁଟ ଅଫ୍‌ ସୋସିଆଲ ସାଇନ୍ସେସ୍‌(କିସ୍‌) ଲଗାତାର ଚତୁର୍ଥ ଥର ପାଇଁ ନନ୍‌-ପ୍ରଫିଟ୍‌ ଆଇଭି ଲିଗ୍‌ରେ ସ୍ଥାନ...

ଘୁଞ୍ଚିଲା ଓଜେଇଇ ଅନ୍‌ଲାଇନ ପରୀକ୍ଷା

ଭୁବନେଶ୍ୱର,୭।୯(ବ୍ୟୁରୋ)-କରୋନା ପାଇଁ ଓଜେଇଇ ଅନଲାଇନ ପରୀକ୍ଷାକୁ ଘୁଞ୍ଚାଇ ଦିଆଯାଇଛି। ଏ ନେଇ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି। ସେପ୍ଟେମ୍ବର...

‘ବଂଶୀ’କୁ ଟାର୍ଗେଟ କଲା ‘ଅସ୍ତ୍ର’

ବାଲେଶ୍ୱର ଅଫିସ,୧୮।୯: ବାଲେଶ୍ୱର ଚାନ୍ଦିପୁର ସ୍ଥିତ ପ୍ରତିରକ୍ଷା ଗବେଷଣା ଓ ଉନ୍ନୟନ ସଂଗଠନ (ଡିଆର୍‌ଡିଓ) ପକ୍ଷରୁ ବୁଧବାର ପୂର୍ବାହ୍ନ ୧୦ଟା ୧ ମିନିଟ୍‌ ସମୟରେ ଆକାଶରୁ...

ଲାଞ୍ଚ ନେଇ ଧରାପଡ଼ିଲେ ସୁପରଭାଇଜର, ଅବସରପ୍ରାପ୍ତ ଆର୍‌ଆଇ

ସୋନପୁର,୧୯।୨: ସୁବର୍ଣ୍ଣପୁର ଜିଲା ବୀରମହାରାଜପୁର ତହସିଲ ସୁପରଭାଇଜର ନବେନ୍ଦ୍ର ମହାକୁର ଓ ଅବସରପ୍ରାପ୍ତ ରାଜସ୍ବ ନିରୀକ୍ଷକ ବାବାଜୀ ଚରଣ ସାହୁ ସମ୍ବଲପୁର ଭିଜିଲାନ୍ସ ଜାଲରେ ପଡିଛନ୍ତି...

Advertisement
Archives

Model This Week