କୋଲକାତା,୧୧।୬: ବଙ୍ଗଳା ବିଧାନସଭା ନିର୍ୱାଚନରେ ମିଳିଥିବା ଶୋଚନୀୟ ପରାଜୟ ପରେ ତୃଣମୂଳ କଂଗ୍ରେସ (TMC) ରେ ସୃଷ୍ଟି ହୋଇଥିବା ବିଦ୍ରୋହ ଓ ଦଳଛାଡ଼ିବା ପ୍ରକ୍ରିୟା କ୍ରମାଗତ ଭାବେ ତେଜିବାରେ ଲାଗିଛି। ଟିଏମସିର ବିଦ୍ରୋହୀ ନେତାମାନଙ୍କ ତାଲିକାରେ ଏବେ ସେହି ସବୁ ନେତାଙ୍କ ନାମ ମଧ୍ୟ ଯୋଡ଼ି ହେବାରେ ଲାଗିଛି, ଯେଉଁମାନେ ମମତା ବାନାର୍ଜୀଙ୍କ ଅତ୍ୟନ୍ତ ନିକଟତର ବୋଲି ବିବେଚନା କରାଯାଉଥିଲେ। ଏଥିମଧ୍ୟରେ ଏକ ପ୍ରମୁଖ ନାମ ହେଉଛି ଟିଏମସି ଏମପି ସାୟନି ଘୋଷଙ୍କର। ବିଧାନସଭା ନିର୍ୱାଚନ ପ୍ରଚାର ସମୟରେ ସାୟନୀ ଘୋଷ ନିଜ ବୟାନବାଜି ଯୋଗୁଁ ପ୍ରାୟତଃ ଚର୍ଚ୍ଚାରେ ରହୁଥିଲେ। ତାଙ୍କର ତୀକ୍ଷ୍ଣ ବୟାନ ସାୟନୀଙ୍କୁ ସୋସିଆଲ ମିଡିଆରେ ଖୁବ ଶୀଘ୍ର ଲୋକପ୍ରିୟ କରାଇଥିଲା। କିନ୍ତୁ ଏବେ ସେ ମଧ୍ୟ ମମତାଙ୍କ ବିରୋଧରେ ବିଦ୍ରୋହ କରୁଥିବା ଦେଖିବାକୁ ମିଳୁଛି।
ଟିଏମସିର ବିଦ୍ରୋହୀ ସାଂସଦମାନଙ୍କ ତାଲିକାରେ ସାୟୋନୀ ଘୋଷଙ୍କ ନାମ ମଧ୍ୟ ସାମିଲ ରହିଛି। ଦଳରେ ଚାଲିଥିବା ଏହି ବିଦ୍ରୋହ ମଧ୍ୟରେ ଗତ କିଛି ଦିନ ହେବ ସାୟୋନୀ ଘୋଷ ଆତ୍ମଗୋପନ କରିଥିଲେ (ଅଣ୍ଡରଗ୍ରାଉଣ୍ଡ ଥିଲେ)। କିନ୍ତୁ ଆଜି କୋଲକାତା ଏୟାରପୋର୍ଟରେ ସାୟୋନୀ ଏକ ଭିନ୍ନ ଅନ୍ଦାଜରେ ନଜର ଆସିଛନ୍ତି। ସାୟୋନୀ ଘୋଷ ନିଜ ମୁହଁକୁ କିଛି ଏଭଳି ଭାବେ ଲୁଚାଇ ରଖିଥିଲେ ଯେପରି କେହି ତାଙ୍କୁ ସହଜରେ ଚିହ୍ନି ପାରିବେ ନାହିଁ।
ସାୟୋନୀ ମୁଣ୍ଡରେ ଟୋପି (Cap) ଲଗାଇବା ସହ ମୁହଁରେ ମାସ୍କ ଏବଂ ଆଖିରେ କଳା ଚଷମା ପିନ୍ଧିଥିଲେ। ସେ ଅତି ଦ୍ରୁତ ଗତିରେ ଏୟାରପୋର୍ଟରୁ ବାହାରକୁ ଆସିଲେ ଏବଂ ଗାଡ଼ିରେ ବସି ଚାଲିଗଲେ। ନ୍ୟୁଜ ଏଜେନ୍ସି IANS ଅନୁଯାୟୀ, ସାୟୋନୀ ଦିଲ୍ଲୀରୁ ଆସି କୋଲକାତାରେ ପହଞ୍ଚିଛନ୍ତି। ଗତ କିଛି ଦିନ ତଳେ ଦିଲ୍ଲୀରେ ଟିଏମସିର ବିଦ୍ରୋହୀ ସାଂସଦମାନେ ଏକ ବୈଠକ ମଧ୍ୟ କରିଥିଲେ।
Kolkata, West Bengal: TMC rebel MP Saayoni Ghosh arrives in Kolkata from Delhi pic.twitter.com/brxEWWOFFO
— IANS (@ians_india) June 11, 2026
ର୍ନିବାଚନ ସମୟରେ ମମତାଙ୍କ ସପକ୍ଷରେ ଜୋରଦାର ପ୍ରଚାର କରିଥିବା ସାୟୋନୀ ଏପର୍ଯ୍ୟନ୍ତ ନିଜର ବିଦ୍ରୋହ ଚର୍ଚ୍ଚା ଉପରେ ସ୍ପଷ୍ଟ ଭାବେ କିଛି କହିନାହାନ୍ତି। କିନ୍ତୁ ତାଙ୍କର ଏହି ବଦଳି ଯାଇଥିବା ଅନ୍ଦାଜ ଅନେକ କିଛି ସୂଚାଉଛି। କିଛି ସମୟ ପୂର୍ୱରୁ ମମତାଙ୍କ ଆଉ ଜଣେ ଅତି ନିକଟତର ସାଂସଦ କଲ୍ୟାଣ ବାନାର୍ଜୀ ମଧ୍ୟ ଦଳରେ ଚାଲିଥିବା ବିଦ୍ରୋହ ଉପରେ ଖୋଲାଖୋଲି ଭାବେ ବୟାନ ଦେଇଛନ୍ତି। ସେ ମମତାଙ୍କ ପୁତୁରା ଅଭିଷେକ ବାନାର୍ଜୀଙ୍କ ଉପରେ ପ୍ରଶ୍ନ ଉଠାଇଛନ୍ତି। ସେ ମମତାଙ୍କୁ ସ୍ପଷ୍ଟ ଭାବେ କହିଛନ୍ତି ଯେ, “ହୁଏତ ଆମକୁ ବାଛନ୍ତୁ ନଚେତ ଅଭିଷେକଙ୍କୁ।”
ଟିଏମସିର ୫୮ ଜଣ ବିଧାୟକ ଏକ ସୱତନ୍ତ୍ର ଗୋଷ୍ଠୀ ଗଠନ କରି ବିଧାନସଭାରେ ଋତବ୍ରତ ବାନାର୍ଜୀଙ୍କୁ ନିଜର ନେତା ଭାବେ ଚୟନ କରିଛନ୍ତି। ଏଥିସହ ଟିଏମସିର ପ୍ରାୟ ୧୯ ଜଣ ଲୋକସଭା ସାଂସଦ ମଧ୍ୟ ନୂଆ ଗୋଷ୍ଠୀ ଗଠନ କରିବା ପାଇଁ ପ୍ରକ୍ରିୟା ଆରମ୍ଭ କରିଦେଇଛନ୍ତି। ରାଜ୍ୟସଭାର ତିନିଜଣ ସାଂସଦ ମଧ୍ୟ ନିଜ ପଦରୁ ଇସ୍ତଫା ଦେଇଛନ୍ତି। ଟିଏମସିର ରାଜ୍ୟସଭା ସାଂସଦ ସୁଖେନ୍ଦୁ ଶେଖର ରାୟ ଏବଂ ସୁସ୍ମିତା ଦେବଙ୍କ ପରେ ଏବେ ପ୍ରକାଶ ଚିକ ବରାଇକ ମଧ୍ୟ ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି।
