ଅଭିନେତ୍ରୀ ସାଇ ପଲ୍ଲବୀ ଆଗାମୀ ଫିଲ୍ମ ‘ରାମାୟଣ’ ପାଇଁ ବେଶ୍ ପରିଶ୍ରମ କରୁଛନ୍ତି। ନିଜର ସର୍ବାଧିକ ସମୟ ଏହି ଫିଲ୍ମ ପାଇଁ ଉତ୍ସର୍ଗ କରିଛନ୍ତି। ଫିଲ୍ମର ପ୍ରଥମ ଭାଗ ଚଳିତ ବର୍ଷ ମୁକ୍ତିଲାଭ କରିବାକୁ ଥିବାବେଳେ, ଦ୍ୱିତୀୟ ଭାଗର ଶୁଟିଂ ଏପର୍ଯ୍ୟନ୍ତ ବାକି ଅଛି। ଏହାସତ୍ତ୍ୱେ ନିର୍ମାତାମାନେ ଅନ୍ୟ ଫିଲ୍ମ ପାଇଁ ତାଙ୍କୁ ସାଇନ୍ କରିବାକୁ ଅନୁରୋଧ କରୁଛନ୍ତି। ତେଣୁ ଅଭିନେତ୍ରୀ ଆଗାମୀ ମାସଗୁଡ଼ିକରେ ଅଧିକ ଦକ୍ଷିଣ ଭାରତୀୟ ଫିଲ୍ମରେ କାମ କରିବାକୁ ଚାହୁଁଛନ୍ତି। ସେ ଧନୁଷଙ୍କ ସହ ଏକ ଫିଲ୍ମରେ ନଜର ଆସିବାକୁ ଯାଉଛନ୍ତି। ଏଥିରେ ସେ ଜଣେ ପୋଲିସ ଅଧିକାରୀ ଭୂମିକାରେ ଅଭିନୟ କରିବେ ବୋଲି ଆଶା କରାଯାଉଛି।
ଏହି ଫିଲ୍ମକୁ ରାଜକୁମାର ପେରିଆସାମି ନିର୍ଦ୍ଦେଶନା ଦେଉଛନ୍ତି। ଏହି ଆକ୍ସନ-ଥ୍ରିଲରରେ ଧନୁଷଙ୍କ ସହିତ ମାମୁଟି, ସାଇ ପଲ୍ଲବୀ ଏବଂ ଶ୍ରୀଲିଲା ଅଛନ୍ତି। ଏହା ଧନୁଷଙ୍କ ନିଜସ୍ବ ବ୍ୟାନର ୱଣ୍ଡରବାର୍ ଫିଲ୍ମସ ଦ୍ୱାରା ପ୍ରଯୋଜନା କରାଯାଇଛି। ମାମୁଟି ଏହି ସିନେମାରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
Dharitri – Odisha’s No.1 Odia Daily
